إخوانى فى مواجه أمين الحزب الوطنى ... كدب × كدب

السلام عليكم ورحمة الله وبركاته .. ,,

من أسبوع كدا لقيت نفسى قاعد أدام أمين الحزب الوطنى عندنا ...

انا طبعا كنت عاوز الفرصة دى بأى طريقة كانت

ومكنتش متوقع إنها تجيلى بالسهولة دى ... لدرجة إنى اتصل بيه ويقولى اتفضل تعلالى

متفتكروش إنى بقيت حزب وطنى ولا حاجة :) ...

أقولكم الحكاية من أولها ..

كنا هنروح مسابقة إذاعة مدرسة .. فكنا المفروض نعمل تحقيق إذاعى ..

فقولت لمشرف الإذاعة أنا عاوز أعمل

التحقيق دا
فقالى نروح لرئيس مجلس (اسم المركز بتاعنا ) ولا تروح لأمين الحزب الوطنى هنا ؟؟؟!!!

أنا طبعا استغربت حبة ... هوا الكلام دا بالسهولة دى ؟؟؟

المهم انا قولت علطول فى بالى ... انا عاوز اروح لأمين الحزب الوطنى .. قالى ماشى

بس إستغرابى زاااااد اكتر وأكتر ... لما متصلشى بيه علشان يعرف إننا جاين ولا حاجة

المهم يعنى ... أخدت واحد زميلى معايا وكانت الساعة حوالى إتناشر الظهر وقفنا مستنين الأستاذ

علبال ما يجى ...

مرة واحدة لقيناه خارج من مجلس المدينة ... وبيقولنا تعالوا يلا ...

لقيناه واقف عند عربية ( سكودا - أوكتافيا )

ولقيناه بيسلم على واحد وقاله عاوزين نعمل تحقيق كدا معاك علشان فيه مسابقة إذاعة

قالوا تأمرنى يا عم ... انا أستغربت أكتر وأكتر وأكتر .. المهم يعنى الإستغراب دا راح أول لما عرفت

إن الأستاذ بتاعنا أمين لجنة فى الحزب الوطنى :))

أول لما سلم عليه وهاتك يا بوس ... قاله بس معلش عندنا جلسة دلوقتى ...

فقمت قولتله طب حضرتك حتخلص إمتى ؟؟

قالى الساعة تلاتة .. قولته طب خلاص لو سمحت هات نمرتك واتصل بيك النهاردة

وابقى آجى لحضرتك فى مقر

الحزب ..قالى تأمر

المهم .. اخدت رقم التليفون .. وكنت هطير من الفرح .. طبعااااااا مش علشان أخدت الرقم ..

علشان حواجهه واشوف

الكذب بتاعه

روحت الدرس ... وحوت على زمليى وكانت الساعة حوالى أربعة العصر ...

وإحنا ماشين حضرنا أسئلة نااااااااااااااااااااااااااااار

اتصلت بيه وقولته حضرتك فاضى دلقوتى ؟؟؟ .. قالى ماشى تعالا .. انا مستنيك فى مقر الحزب

دخلت المقر بتاع الحزب .. وطبعااااا كان كله فلاحين الى شكلهم مش بيعرفوا يكتبوا ولا يقروا

... فواحد أخدنى وودانى

فى مكتب أمين الحزب


طبعاااااااااااا حصلت مواقف غبية جداااااااااااااااااااااااااااا

مثلا .. فيه حركة وسخة اتعملت ادامنا ... من واحد عضو مجلس محلى .. ومش لزما أقول هيا إيه دا

والمكتب كان عامل زى الخمارة ... كان كله سجاااااااااااااااااااااير


واحد سألنى يعنى .. قالى انتا عاوز الأستاذ ( ..... ) قولتله ايوه , علشان هنعمل معاه تحقيق إذاعى

قالى ورينى الأسئلة كدا ... طبعاااا اتخض جداااااااااااااااااااااااااااااااااااا ...

وقعدت يدعلى حبة حاجات لغوية كدا .. بس

مش فى صيغة الاسئلة

وجا عند سؤال : لماذا الحزب الوطنى يضيق على الأحزاب والجماعات المعارضة ؟؟؟

وقفلى عن كلمة الجماعات .. وقالى دى جماعة محظووووووووووووووورة ...

وهيا مش عاوزة تعمل حزب ولا حاجة ... ووووووو

المهم خليته يقف عند حده ورديت عليه

وللعلم الى هوا صحفى وبرده عضو مجلس محلى ... فى الآخر قالى متشغلشى بالك بالكلام دا

.. انتا لسا صغير ..

وهيدخل فى مشاكل زى ما حصل ليا وانا صغير

قولتله إن شاء الله

أخدت منه شوية معلومات شخصية ...

ودخلته فى الأسئلة المكعبله

: قولتله : لماذا المواطن المصرى لا يشعر بتواجد الحزب فى الشارع المصرى ؟؟

قالى : لالالا ... دا إحنا متواجدين مع الشعب فى القرية والمدينة وفى كل مكان

.. ويقدم ليه الخدمات .... إلخخخخ

( هتسمعوه فى التسجيل )

أول لما قالى كدا ... اتبسمت اوى كدا . من كتر كدبه

طبعاااااا أتكلمتله فى موضوعات ( الدويقة _ الغاز المصرى _ 88 عضو من الإخوان

_ تضيق الخناق على الأحزاب _ هشام طلعت مصطفى _ وجود الحزب فى الشارع

, وحاجات تانية كتير كدا هتسمعوها فى التسجيل )

بس من أهم الإجابات الى انا كنت هفطس على نفسى من الضحك منها ...

1_ بتاع الدويقة .. قالى : الحكومة مش هتقف أدام قدر ربنا ..

قولتله : الحكومة عارفة من الاول بالموضوع دا ...

قالى : إحنا وفرنا ليهم مساكن مبارك .. قولتله : بس كان فيه رشاوى

وناس كبيرة فى البلد أخدتها بمبلغ زهيد ... قالى

لا كلام غلط فى غلط

2_ بتاعت هشام طلعت مصطفى .. قالى : علشان الناس تعرف إن الحكومة المصرية

والحزب بيحاكم الفاسدين .. ودا

دليل إنها بتقدم الناس الى بيعملوا غلط للمحاكمة

3_ الغاز لإسرائيل ... قالى : إحنا بنعدل الإتفاقية دى .. قولتله : منصوص فيها إنها

متتعدلشى لمدة 15 سنة وممكن تتجدد ل 20 سنة .. قالى لا

4_ معبر رفح .. قالى : إحنا خدمنا الشعب المصرى كتير , وحماس أول لما أخدت

السلطة مش بتعمل حاجة وبتقتل فى بعضها وزادتها سوء

5_ 88 عضو إخوان .. قالى .. من الآخر أعضاء الإخوان مفيش أى

خدمات فى الدايرة بتاعتهم .. لأن أعضاء

الحزب الوطنى بيعرفوا يخلصوا الأوراق ...

( وللعلم : إحنا عندنا عضو إخوان وعضو الحزب الواطى.. عضو الإخوان

بيعمل حاجات فى المقر رهيييبة وجولات وحاجات بالهبل .. بينما عضو الوطنى والله العظيم ما شوفته

خااااااااااااااااااااااااااااااااااااااااااااااااالص ولا حتى سمعت إنه عمل حاجة )

وفى الآخر ... قالى انتا جايب الأسئلة منين ؟؟؟!!!

قولتله انا بحب أسمع الأخبار والكلام الى فى الشارع

بس كدا ...... بس كان يوم حلووووو مووووووووووووووووووووووووووووووووت

ومعلش بقا إنى مش هنزل الفديو ... هنزل الصوت بس

وأهديله أحلى أغنيه ممكن يسمعها

الكــــــــــــــــداب بيروح النــــــــــــــــــــــــــــــــــــار

وانتــــــــــــــــــــــا بتكــــــــــــــــــــدب ليل ونهــــــــــــــــــــار

والآن مع التسجيل الصوتى .. وهوا حوالى تلاتين ميجا

http://www.4shared.com/file/67800282/9b32085b/___.html

يا ريت الكل ينزله ويقولى رأيه ... :))

أخووووووووووكم

تهديدات .. معوقات .. بس والله مش هنلين " جيل النصر القريب "

السلام عليكم ورحمة الله وبركاته ...

والله العظيم وحشتونى جدااااااااااااااااااااااااا ... قلب الأم بقا نعمل إيه ؟؟؟!!!

المهم يعنى عاوز أدخل فى الموضوع كدا بسرعة علشان هوا طويل وحلو أوىىىىىى

انا قولت الى انا هقعد لغاية حوالى أسبوع مكتبشى وانزل تقرير عن أعمال فريق عمل " جيل النصر القريب " فى مدرستنا

وانا هوفى بالوعد بتاعى .... وإن شاء الله أقدر أجبلكم كل الى اتعمل بإذن الله تعالى ..

*********************************************

بحب بس أقول كلمة حق فى الأول ... بكل لكل ظالم وكل واحد مسلم بس مش بيحب الإسلام ومش عاوز يكون فيه حاجة اسمها إسلام

وعاوز يكون فيه مسخرة فى المدارس وفساد فى كل مكان ... عاوز اقولهم : أخسؤؤؤؤؤؤؤؤؤؤؤؤؤؤؤؤؤؤؤؤؤؤ

عاوز اوجه الكلمة دى بالتحديد لأمن الدولة ... عاوز اقولهم كفياكم بقا حقد على الإسلام

كفاية تدخلوا اللعب مع الناس الكبيرة .. متجوش على المدارس الثانوية وواحد منك يروح المدرسة ويلقى نظرة

وعاوز اقولكم ... إنكم لو بتعوا حد تانى حيشوف أسوأ من الى شافوا فى الأسبوع الأول

... فى الأسبوع الأول شاف لوح وشاف إذاعة وشاف مسجد

فى الأسبوع دا بقا ... هيشوف مكتب فى وسط الفناء بإذن الله .. هيشوف ورق متلصق ... هيشوف لقاءات

مسجدية ... هيشوف مسابقات ... هيشوف شغل إلكترونى ... هيشوف قوافل دعوية ... هيشوف الى مشفهوش طول حياته فى مدرستنا

فأحسن ليك إنك تمشى ومتقربشى ناحية مدرستنا .... ولو فاكر إنك هتضرنا .. فوالله العظيم مش هتضرنا .. إلا أن يشاء الله

ومش هتقدر تعمل حاجة واحدة ... والزمن بنا وبينك طوووووووووووووووويل .. لسا فاضل ثلاث سنين كاملين علشان نمشى من المدرسة ... وأول لما يخلصوا التلات سنين دولت .. هتلاقى ناس هتطلع فيها حماسة أكتر مننا ... وهتشوفوا شباب المسلمين عاملين إزاى

**********************************************

1_ تلصيق لوح فريق " جيل النصر القريب " بالمدرسة

وقبل ما تشوفوا الصور .. عاوز اقولكم موقف يثبت إن الأمن بيتدخل

لقينا أستاذ بيقول : الناس الى اسمها جيل النصر القريب دى ولا البعيد دى تشيل اللوح بتاعتها بدل ما أقطعهلهم علشان متجبوليش مشاكل مع أمن الدولة .

ودا موقف بسيط جدااااااا حصل ... بس أأكد للأستاذ إنا مش هنشيل حاجة خااااالص .. وهنزود حاجات كمان

**************************************

2_ مسجد المدرسة : الحمد لله تم تنظيفه ... وتم دهن الجزامة ... وتم وضع لافتة على باب المسجد

وبعتذر للجميع علشان الى عندى دلقوتى صوت الافتة الى على باب المسجد .. لأن فيه صحابى ربنا يسامحهم عملوا فرومات لل mp5

*****************************************************

3_ الإذاعة المدرسية : لقد فزنا بحمد لله فى إنتخابات رئيس الإذاعة ومساعد الرئيس ... والحمد لله بنأخذ أربع أيام فى الأسبوع

****************************************************

4_ الإتحاد : انا الحمد لله بقيت رئيس فصلى .. ومستنى إنتخابات الإتحادات ومستنى أشوف الناس الى تبعنا الى أصبحوا رؤساء للفصول .

**************************************************

طبعاااا كل الشغل دا .. وشغل اللف على المدرسين حاجة تاااااااااااانية خاااااااااااااااااااااااالص

************************************************

وأحب فى الآخر أقول .... بجد يا كل الى فى ثانوى وبالذات بأكلم الى من الإخوان ... إنك لازم تشتغل فى الثانوى علشان تعرف تشتغل فى الكلية

لأن والله العظيم الثانوى ومدرستك تعتبر جامعة صغيرة .... والثانوى غير الإعدادى نهااااااااااااائى

وبجد هيغر فى نفسك حاجات كتيرة جدااااااااااااااااا

وإن شاء الله فى مرة هبقا أقولكم أستفدت إيه من مجموعة العمل فى مدرستى

****************************

استنونا الأسبوع الى جى ... لأن بكل بساطة هتلاقوا معانا مفااااجأة كبيرة جدااااااااااااا عمرها ما حصلت فى تاريخ

المدارس الثانوية على مستوى مصر كله

بس يا رب نأخذ الموافقة .. والأسبوع الى إحنا داخلين فيه فيه شغل جااامد جاااامد

وبعتذر للإخوة والأخوات كمان مرة علشان فيه ناس طيبين عملوا فرومات

وبقول تانى ... مش هتعرفوا تعملوا يا أمن الدولة فينا حاجة ... حتى لو أكبركم جا لغاية عندنا علشان يشوف إحنا بنرفع مصحفنا ولا لأ

وبنوعدكم ... لو انتوا عملتوا فينا حاجة .. إننا هنخلى المدرسة تقوم وعمرها ما تقعد غير لما نفضحكم ونأخذ حقنا

واستنونا الأسبوع الى جى إن شاء الله

والسلام عليكم ورحمة الله وبركاته .. ,,

تاج .... مش بيلبسه إلا الشجعان !!

تحديث

يا جمااااعة الأميل بتاعى اتسرق ... بس متشلوش الأميل

ضيفوا الأميل الجديد بتاعى : ikhwange@yahoo.com

علبال ما نشوف حكاية الأميل دى ... أصل المبرمج المحترف سمعت إنه قال لحسن حنفى إنه يعرف يجبهولى تانى

يااااا رب بقا

يا ريت بقا أى حد كان ضايفنى يضيف أميلى الجديد دا

************************

السلام عليكم ورحمة الله وبركاته ...

معلش طبعااا علشان البوست الى فات دا مخلتهوش يقعد كتير .. بس علشان أخلى البوست دا يقعد أسبوع وبعدها أنزل شغل المدرسة الى حدث خلال الأسبوع الى إحنا فيه دا

وطبعااا مقلقوش ... الشغل هيكون نااااااااااااااااااااااااااااااااار ... نااااااااااااااااااااااااااااااار

بس أنتوا تابعونا بس

*************

النهاردة جالى تاج حلو أوىىىىىى ... وبجد أشكر الحاجة صاحبة التاج على التمرير ...

يلا نبدأ التاج ... 3 . 2 .1 ...GOOO

السؤال الاول :مين الى دبسك فى التاج؟

* مش مهم تعرفوا .... لأنها أصلا مش لاقية اسم

السؤال التانى :اذكر سته اسرار قد لا يكتشفها من يقابلك اول مره ؟

* 1_ إنى بذااكر على الآخر وقاتل نفسى فى المذاكرة ..... بس طبعا العكس لأنى بكره المذاكرة

2_ بيقولوى إنك عاوز تطلع دكتور .. بس انا مش عاوز اطلع دكتور

3_ ......

4_ ......

5_ ...........

ههههههههههههههههههههههه .... معلش بقا .. أصل شخصيتى واضحة :))

اذكر 16 صفة عن نفسك ؟

1_ رومانسى جدااااا جداااا جداااااا

2_ مدمن كمبيوتر ونت

3_ عنيد ... بس مش قوى

4_ أمووووت فى المشى ... بس حاليا كعب رجلى مش عارف فيه إيه ( أصلى نطيت من حتة عالية ) ... فمش بقدر أمشى كويس .. بس الحمد لله يعنى بدأ يتسحسن

5_ بحب أهزر جداااااااااااا فى وقت الهزار ... بس فى وقت الجد بكون جد .. ومش بحب حد يهزر فى وقت الجد

6_ مش بحب أزعل حد ... ومش بحب أفضل مخاصم حد

7_ امووووووووت فى حاجة اسمها سفر ... وبحب الحاجات المتعبة

8_ بحب العمل الدعوى جدااااااااااا

9_ بموووووووووووووووووووووووت فى البنات ....... بس البنات الصغنططين

10 _ حنين جدااااااااااااا وطيب جداااااااااااا إلى أبعد الحدود

11_ مش بحب الناس الى بتقعد تعيد وتكرر فى الكلام .... هيا الكلمة مرة واحدة .. مش بحب حد يزيد

12_ بحب أرغى كتير جداااااااااااااااا مع الناس الى بحبها

13_ بسمع أكتر ما بتكلم

14 _ بسمع الناس لغاية الآخر ... وبقول رأى

15 _ بحب الأكــــــــــــــــــل ... بس المشكلة إنى مش بطخن :))

16 _ بحب مساعدة النااااااس .... حتى لو كان على حسابى

امرر التاج على :

1_ بنت الحرية

2_ مصر فى خطر

3_ البنت الشقية

4_ اوعى تفكر

5_ جنة الله

6_ أحمد أشرف

وبشكر الاخت مش لاقية اسم على التاج الحلو دا ... تشكرى على التاج :)

واستنوناااااااااااااااااااااااااااااااااااااااااااااا بقا الأسبوع الى جى دا ..... مجموعة عمل " جيل النصر القريب "

الحزب الوطنى البيروقراطى .. والنط من السور .. ومفيش حصص .. كل دا أول يوم مدرسة !!

السلام عليكم ... ,,

معلش على الغيبة الطويييييييييييلة جدااااااااااا جدااااااااااااااااااا جدااااااااااااااااا دى الى انا كنت غبتها الى بتقدر بحوالى شهر

بس والله معلش . اعذرونى

بس كل سنة وانتوا طيبين .... علشان العيد :)

***************************

إنبارح روحت المدرسة ... ولقيت حاجات غريبة

أول حاجة لقيتها إن المدرسة عااااااااادى جداااااااااااا ... مفيش مدرسين .. حتى إن إحنا أخدنا حصة رياضة وكمياء بس

والحاجة الأغرب من كدا .. لقيت مكتوب على جدار مبنى كااااااااااااااااااااااااامل .. " الحزب الوطنى الديموقراطى .. والعبور للمستقبل "

انا طبعااااا كنت مستغرب وقولت أصوره صورة كدا .... وكنت عاوز اعرف إيه الحكاية دى .. بس ملقيتشى إجابة خاالص

**************************************

جيت فى الحصة التانية ... لقيت السور بتاع المدرسة بسم الله ما شاء الله ... عليه شغل كتيييييييييييير

وإيه كمان ... من طلاب الصف الأول الثانوى ... وانا مستغرب ليها .. لأنهم المفروض فى الأول يخافوا لأنها مدرسة جديدة عليهم

وكمان فيه رفد من المدرسة

المهم يعنى صورت صورتين ليهم وهما بينطوا من سور المدرسة .... تعالوا شوفوهم معايا

وإن شاء الله استنونى بكرة ... مع" فريق عمل جيل النصر القريييييب" وهو يوزع الشيكولاته على مدرسين المدرسة وعلى العمال .. وأيضا وهو يقوم بوضع لوحات على جدران المدرسة ..

السلام عليكم

استنونا

مصطفى أخدت شهادة صحفية يا جدعــان ..!!!

معلش يا جماعة ... مخنوق حبة ومش هدخل المدونة ولا هشوف مدونات حد ... الى عاوزنى انا بكون موجود على الأميل بس .. هتلاقوه على الجنب تحت

أدعوووولى

********************************

السلام عليكم ..,,

طبعااااا انا فرحان جداااا وبجد فرحة لا توصف على الشهادة دى ...

يسر " مؤسسة ديجتال وريميز" منح هذه الشهادة إلى " الأستاذ / مصطفى يحيي حجازى " تقديرا لجهوده المميزة فى دورة " صحفى المستقبل" فنون وأساليب ( الخبر _ الحوار _ التحقيق _ التقرير ) ونتمنى له دوام التقدم والإذدهار

والدورة دى كانت فى القاهرة ... وكان معايا مدونين كتير أوى " لسه عايش _ ضاكتور _ راجع _ غاوى حرية _ عمود نور "

************************

وطبعا أهنئكم بحلول شهر رمضان الكريم ... أعاده الله علينا وعليكم باليمن والخير والبركات

***********************

عاوز بس أنبه إلى الحملة التى أشار إليها النائب / حمدى حسن ( عضو مجلس الشعب عن الإخوان المسليمن ) لكسر الحصار المفروض على غزة يوم العاشر من رمضان ..

http://newspalestina.blogspot.com

يا ريت تدخلوا وتشوفوا التفاصيل عبر مدونة " نيوز فلسطين " وانا حقولكم على أى جديد إن شاء الله

أجمل صيف فى حيــــــاتى ...

السلام عليكم ورحمة الله وبركاته ..,,

الصيف دا بجد كان أجمل صيف فى حياتى .... بس صحيح هوا الصيف خلص ولا إيه ؟؟!!

هوا يا جماعة الصيف عندى خلالالاص ... خلص خلاص علشان انا بدأت دروسى وبما إنى فى اولى ثانوى

فالمواد عليا كتير أوى حتى يوم الجمعة مفيش فيه أى أجازة

والعملية بجد مزنقة خالص ... مع حبة اعمال كدا لزما أعملها ... وبجد انا محتاج دعاؤكم

والصيف دا كان أجمل صيف فى حياتى مكنتش متخيل إن الصيف دا هيكون حلو بالطريقة دى

1_ اول حاجة فرحتنى ودى كانت اهم حاجة إنى قابلت مدونين كتييير أوى مكنتش متوقع خالص إنى أقابلهم ... مع إنى أصلا كنت عامل حسابى إنى اقابل أتنين على ااكتر أوىىىى ... بس الحمد لله لقيت نفسى قابلت ناس كتير جداااااا ومنهم : رامى حجاج صاحب مدونة راجع * وعبد الهادى صاحب مدونة مصر فى خطر * ومعاذ فتحى صاحب مدونة فارس الأزهر * وعمار فتحى صاحب مدونة حبيبتى يا مصر * و عمرو سلامة صاحب مدونة لسا عايش * و عبد الرحمن الشافعى * ومدونة غاوى حرية * وعمرو صاحب مدونة إخوان من اجل مصر * و خالد السلكاوى صاحب مدونة قلم رصاص * كريم البحيرى صاحب مدونة عمال مصر

بجد انا فعلا كنت فرحان جداااااا جدااااااا معاهم لدرجة لا تووووصف .. كنت هموت من الفرح .. وكل الناس دولت مكنتش واخد معاد حد إنى هقابله غير أتنين بس .. والباقى كان القدر الى خلانى أشوفهم :)

2_ دورة الصحافة والإهلان الى بروجها فى القاهرة والى قابلت فيها حبة مدونين

3_ مهرجان المنصورة " لن ننساكم " وبجد دا كنت سعيد جدااا بيه وقابلت برده مدونين كتير اوى , لو حد عاوز يشوف البوست ينزل البوست الى قبل دا

4 _ الانشطة الى عملتها مع أسرتى .. بجد كانت حلوة أوى

وبما إنى داخل مرحلة جديدة خاااالص أشبه بجامعة صغيرة _ الثانوى العام _ فالدعوة هتزيد وهيكون فيه مجموعات عمل

وإن شاء الله الأنشطة بتاعتنا الى هتتعمل فى المدرسة هعمل ليها بوستات

ويا ريت تدعولى فى المرحلة الجديدة الى انا رايح ليها .. وان ربنا يهدينى

**************************************************

وكنت وعدت بعض الناس إنى ححط ألبوم

أطياف الإستشهاد الجـــــــــــــــــــــــــ3 ـــــــــــزء

هوا طببعا كان من الصعب الحصول عليه ... لأن معظم المنتديات شالت الروابط بتاعته

بس انا هجبلكم الروابط النهاردة وللعلم إنى أخذتها من منتدى تانى علشان أمانة النقل

وانا بجد بنصح كل الناس إنها تنزل الألبوم دا لأنه من أفضل الألبومات ... والله مش مبالغة

وهما ثمانية أناشيد ... ولكم الروابط

http://www.alansar1.net:80/sounds/anasheed/album/atyaf3/1-%20enna%20baqon.mp3

http://www.alansar1.net:80/sounds/anasheed/album/atyaf3/2-%203allo%20elraya.mp3

http://www.alansar1.net:80/sounds/anasheed/album/atyaf3/3-%20qal%20elqaed%20esma3eel.mp3

http://www.alansar1.net:80/sounds/anasheed/album/atyaf3/4-%20elquds%20nadat.mp3

http://www.alansar1.net:80/sounds/anasheed/album/atyaf3/5-%20eza%20sakat%20elzaman.mp3

http://www.alansar1.net:80/sounds/anasheed/album/atyaf3/6-%207okm%20allah.mp3

http://www.alansar1.net:80/sounds/anasheed/album/atyaf3/7-%20ahel%20elwahen.mp3

http://www.alansar1.net:80/sounds/anasheed/album/atyaf3/8-%20elasra.mp3

وأشــــــــــــــــــوف وشكوا على خيــــــــــــــر

مهرجان المنصــــورة .. أجمل أيام حياتى ( صور )

السلام عليكم ...

النهاردة طبعا انا فرحان جدااااااااا علشان الخبر الى انا هكتبه دلقوتى وهقول إيه حكاية الخبر دا ...

***********************

( إخوانى على الأميل ) ثم فجأة شخص يبعث له باااااااازززززززززززززززززززززز

إخوانى : مين الى باعتلى باز فى الوقت دا ؟؟؟ .... إيه دا ؟؟!!! ... دا عبد الهادى بتاع مصر فى خطر

إخوانى : أزيك يا عبدووووو ؟؟؟

عبدو : الحمد لله ... مش هتيجى المهرجان الإنشادى الى فى المنصورة ؟؟

إخوانى : صلى على النبى ... انا من البحيرة يا عم .. يعنى أدامى مشوار طويل

عبدو : تعالى وهنقابل مدونين كتير

إخوانى : سبنى أفكر يا عم

************************

وفى اليوم التالى

إخوانى : معلش بقا .. مش هعرف آجى

عبدو : إيه ؟؟!! ... دا أنا حجزتلك وعملت حسابك فى الغدا

إخوانى : أنتا كدا بتحرجنى يا عم ... طب خلاص إن شاء الله هاجى

عبدو : ماشى يا معلم .. وهستناك وانتا معايا رقم التليفون بتاعى ابقا اتصل أول لما السواق يقرب مننا

إخوانى : ماشى يا معلم

********************

يوم الثلاثــــــــــــــاء

إخوانى بيصحا الساعة 10 الصبح علشان يحضر نفسه وينزل

نزلت بقا من البيت وجهزت حالى وأخذت الإم بى فايف الى انا لسا شاريه علشان اصور

أخدتلى عربية إسكندرية الدولى وبعدين فعدت أمشى كدا حبة لغاية لما لقيت موقف المنصورة

إخوانى : بتروح المنصورة البيجوى دى يا أسطى ؟

الأسطى : أيوه يا باشا .. اتفضل
ركبت العربية والعربية مشت بحمد لله بس الراجل أخد حوالى عشر دقايق يفول العربية .. المهم

كانت طبعاالرحلة طويلة جدااااااااااااااا جداااااااااااااااااااا

انا أخذت الأم بى فايف وسمعت حبة أناشيد كدا تسلينى فى السكة ووقفنا عند إستراحة

بس مجبتش حاجة لأن الحاجات كنت معظمها مقاطعة مع أنى كنت عطشان جداااا

لقيت السواق دخل على المحلة وقرب خلاص يدخل على المنصورة

إخوانى فى التليفون : ايوه يا عبدو .. انا قربت أهو أدخل المنصورة

عبدو : ماشى .. أنا هلبس أهو واروحلك الموقف

بعد ذل مرير من الجلوس فى العربية حتى جاء الفرج ونزلت أرض المنصورة الجميلة أوىىىى

وطبعا المنصورة نورت خااااااااااااااااااالص علشان انا نزلت فيها ... المهم يعنى

إخوانى فى التليفون : أيوه يا عم عبدو أنا وصلت

عبدو : انا جيلك أهووووووووو فى العربية

لقيت واحد جيلى عرفت الى هوا دا عبدو ... طبعا السلمات والكلام دا

بس أول لما شوفته كنت هموت من الضحك فى نفسى

لالالالالالالا .... متفتكروش إنى بألس عليه ولا حاجة

أصل كان فى حد قالى إنه طويل جدااااااااااااااااااااااااااااا جداااااااااااااااااا وطوله حوالى 157 سم

طلع فى الآخر إنى أطول منه ... بس مش أطول منه أوى ..بسنه صغيورة يعنى

روحت معاه البيت ... ودخلت معاه السيبر بتاعه وقابلت أحمد ( إن خالته ) وسلمت عليه

وطلعت البيت عنده وشوفت أخوه بلال وأخته أسماء .. وكان فيه أخ تانى إسمه أحمد بس مشوفتهوش

وقابلت والده واتعرف عليا واتعرفت عليه

وجاااااااااااااااءت اللحظة التى أنتظرها من زماااااااااان جداااا

لالالالالالالا .. متفهموش غلط .. قصدى لحظة الغدا

اتغدينا فراخ ورز وبطاطس ... وغسلت ايدى بعديها وشربنا كباية شاى محترمة جدااااااا

وكان بيتغدا معانا إبن خالته عبد الهادى

المهم هوا قالنا أنا هنزل أغير وأول لما أخلص هتصل بيكوا وتحودوا عليا ونروح المهرجان سوا سوا

رن على موبايل عبد الهادى ونزلنا بعديها علطول ومشينا مع بعض لغاية نقابة الصيادلة

كان مكان بجد راااااااااااااائع وأول حاجة عملناها إلى إحنا روحنا صلينا

بعد الصلاة لقيت عبد الهادى بيقولى روح سلم على خالد السلكاوى _ مدونة قلم رصاص _

أنا طبعا كنت متفق معاه إنى أقابله هناك ..سلمت عليه ولقيت معاه عمارفتحى _ مدونة زووم على الدنيا _

وقدرا لقيت الحاج معاذ فتحى _ مدونة فارس الأزهر _ , وكمان عبد الرحمن الشافعى

كريم البحيرى

قعدت فى مكانى كد وبسم الله ما شاء الله ... كانت حفلة راااااااائعة جداااااااااا بكل معنى الكلمة

وبجد كانت حاجة رهييييييييبة جداااااااااااا جدااااااااااااااا جدااااااااااااااا جدااااااااااااااااااا

وبالذات الإسكتش كان روعة جداااااااااااااااااااااااااااااااااااااا جدااااااااااااااااااااااااااااااااااااااااااا

وانا جايبلكم النهاردة صور كدا على المهرجان ...

دى صورة الأكل الى جبهولى عبد الهادى ... والأطباق فاضية :)

دى صور تجهيز المهرجان

ودى صورة الأخ الى بيقدم والإخوة الى كانوا بينشدوا

دى بقا صور الإسكتش الى كنا راااااااااااائع وأكتر من رائع كمان

وأى حد راح المهرجان وانا مشفتهوش يقول علشان اتحسر أكتر وأكتر :(

لأنى بعت أوف لاين وبقول فيه مين الى راح المهرجان لقيت عشرة بيقولوا إحنا

بس كان يوم جميل أوى .. وإن شاء الله يتكرر تانى وتالت إن شاء الله

دمغنا غالى غصب عن الحكومة

السلام عليكم ورحمة الله وبركاته
أعتذر لكل الناس علشان انا اتأخرت كتير جدااااااا فى كتابة البوست .. بس والله معلش لأن كان عندى شغل
فملش جدااااا
************هبدأ بوست النهاردة بحاجة فرحتنى جداااااا جدااااااا
فى يوم الجمعة الفائتة كنت فى دورة وكنت فرحان جدااا لأنى قابلت ناس كنت بتمنى أشوفهم
شوفت رامى الحجاج وشوفت عمرو سلامة
وبجد كنت فى غاية الفرح علشان قابلتهم
وزى ما بيقولوا .. صدفة خير من ألف معاد
***************أدعوكم جميعا للدخول والتوقيع فى حملة ( أنا بحب الإخوان )وهذه الحملة عملها المكتب الإعلامى للإخوان
ودا اللينك بتاع الحملة ممكن تدخلوا وتشوفوا الحملة وتوقعوا فيها
http://iloveikhwan1928.blogspot.com
*********************
ندخل الآن فى الموضوع الأساسى
منذ أول أمس وانا بتفرج على تبادل الأسرى الذى حدث ما بين حزب الله وإسرائل و السعادة الكبيرة فى عيون اللبنانيين
استغربت من حاجة ... والجميع استغرب منها
إن إسرائيل أغلى شىء عندها فى الوجود هم جنودها ... كان بجد حاجة غريبة
يعنى مقابل حبة تراب لجنديين إسرائليين .... تطلق إسرائيل صراح خمسة من الأسرى الأحياء ورفات حوالى 190 شحص
والمشهد دا بيأكد لينا إن إسرائل تهتم جداااااااااا بالجنود ... وحتى إذا ماتوا فأيضا هم مهتمين بهم
رجعت ذاكرتى الى الوراء قليلا عند إستشهاد أحد الظباط المصرين عند الحدود برصاص إسرائيلى
لم أذكر أن مصر تذبذبت من مكانها .. أو تحركت .. أو شجبت
ولكن نفرض أننا قد عكسنا العملية .. وقد قتل جندى مصرى جندى إسرائلى
فستقوم إسرائل ولم تقعد .. وسوف تهدد وتتوعد وسوف تأخذ خطوات تجاه مصر
وللعم ليست هذه أول مرة يقتل فيها ظابط على الحدود برصاص إسرائلى
تراجعت بذاكرتى أكثر للوراء .. وتذكرت الفيلم الذى أذاعته القناة الإسرائليلة
الذى يصور الذى حدث للجنود المصرين
وأيضا لم تتحرك مصر ولم تعتبره حتى جريمة حرب
فى الآخر أحب أقول ... إن مينفعشى حكومة زى حكومتنا تمسك
لأن الدم المصرى غالى غصب عنهم ... ولو هيهدروا دمنا بالرخيص فإحنا مش هنسكت

تاجاااااااااااااااااااااااات .. !!

السلام عليكم ...
معلش والله على تاخير البوست دا لأسباب طااارئة
المهم يعنى ... إن شاء الله البوست بتاع النهاردة كله تاجات
واحد من الاخت نورا والتانى من الحاج النجم القادم
***********************
فى الاول أحب أخبركم أنى الحمد لله قدمت للثانوية العام وطبعاااا بالذل .. لأن كانت أعداد مهووووولة
وعلشان تدفع المصاريف لزماا تقف فى طابور ألعن من بتاع العيش
وعلشان تقدم هتقف طابور ألعن منه .. يعنى أنا روحت الساعة تسعة الصبح رجعت الساعة أتنين الظهر
وطبعااا ربنا يعينا
************************
وعاوز أقولكم بس نكته واحد قالها فى البوست الى فات .. وهتضحكوا منها أوى
بيقول إن الإمام حسن البنا ملهوش فكر ... ومش بيعرف حاجة عن الفكر
*************************
وعاوز أشكر الأخت عاشقة الطب وصريعته على الشعر الجميل أوى الى كتبته ليا ...
ويا ريت يا جماعة تدعوا ليها ... علشان بتمتحن وشكلها اتقتل :)
وأقولها ربنا يوفقك إن شاء الله
*************************
ندخل بقا فى التاجات الحلوة أوى
نبدأ من الأخت نورا بتاجها الجميل دا

س1 : أذكر خمس أحلام على الاقل ..تخص ماضيك وتحلمفيها بتغيير اشياء ..ماذا ستعدل وماذا ستترك؟؟
* انا كنت بحلم فى الماضى أنى أكون منشد
وكنت بحلم كمان أكون لعيب كورة قدم
وكنت بحلم أن ماما تولد واد بعديا ( علشان مكونشى فى ذيل الأمم ما بين إخواتى )
برده كنت بحلم إن يكون ليا إخوات بنات
وكنت بحلم إنى أستنا فى طفولتى


س2 : أذكر خمس أحلام على الاقل ..تخص مستقبلك
انا بحلم إنى أطلع أشطر مهندس كمبيوتر أو احسن مصمم جرافيك فى العالم
وبحلم برده إنى أكون فى فلسطين وأقاتل مع حماس
وبحلم إنى أموت شهيد وبحلم كمان إنى اروح القدس واكون مع الجيش الى بيحررها
وبحلم أن ربنا يرضى عنى
وبحلم إن مصر تدعود قوية مش بتخاف من حد
وبحلم إن ربنا يهدى الحكومات العربية أو ياخدها



س3 :أذكر شخصين على الأقل غير متواجدين فى حياتكحاليا كنت تود وجودهم الان او فى حياة اولادك مستقبلا
انا بتمنى إن يكون موجود معانا الشيخ وجدى غنيم
وبتمنى أيضا أن يكون موجود فى حياتى شخص من كتائب القسام لأشم عبق الجهاد و الحرية منه


س4: أعطيتك ثلاث وردات .. من هم الثلاث الأشخاصاللى هتهديهم الورد اللى معاك ؟؟
وردة لأمى
ووردة لأبى
ووردة لمشرفى


س5 : لو أعطيتك ورقة بيها 3 سطور فقطو قلت لك أكتب فيهم اللى أنت عيزه هتكتب إيه ؟؟
أى حد انا غلط فى حقه يسامحنى ... وانا بجد بجكم كلكم
ويا رب يخليك ليا يا مشرفى يا غالى .. وانتا أفضل مشرف فى الكون
ويا رب يا أحمد ومحمد يتم ليكوا الجواز على خير


س6 : ما هو هدفك فى الحياة ؟؟
هدفى إنى أحاول أرضى ربنا بقدر الإمكان علشان أدخل االجنة



إن شاء الله بكرة هيكون أحسن من النهارده"
س6 : هل تصدق هذه المقولة ؟؟ و لماذا ؟؟
أنا طبعا مؤمن بهذه المقاله ...علشان الكلمة دى بتخلى الناس تجاهد علشان بكرة يكون احسن من النهاردة

س7 : أجمل مقولة سمعتها فى حياتك ؟؟
مقالات كتير جدااا عجبتنى بس والله ما فاكر حاجة دلقوتى :(


س8 : من المغنى اللى بتحبه أوى و إيه أحلى أغنية ليه بتحبها ؟؟
هيا فرقة اسمها فرقة الوعد ... واحسن نشيد ليها بتاع يا قدس إنا قادمون


س9 : غزة" تمثل لك إيه فى حياتك ؟؟"
ياااااه ... غزة دى بتمثل حاجات كتير جوايا بتمثل الأم الحنونة مهما اشتد الحصار ترضى بخبز وزيتون
مش بترضى العيش بالذل .. حتى لو ضحت بولادها كلها
رمز العزة والكرامة ..
واشرف مدينة فى العالم كله .. لأنها لم تمد يدها


س10 : أعطى لإنتمائك لوطنك درجة من مائة ؟؟
انا والله بحب مصر دى من كل قلبى .. وبحس بالأحاسيس دى أول لما أسمع أى أنشودة بتمدح بمصر والتغير والإصلاح


س11 : لو تزوجت و أنجبت بنتين و ولدين أى الأسماء تختار لهم ؟؟
الأولاد ( خالد ومصعب )
البنات ( حبيبة وشهد )


س12 : عمرك غشيت فى أمتحان و انت صغير ؟؟
الحمد لله .. لا


س 13 :لو أتعرض عليك رشوة كبيرة و انت فى زنقة ماليه هتعمل إيه ؟؟
مش هقدر آجد الرشوة ... لأن ربنا هوا الى ادان الفلوس وممكن ياخد منى فى ساعتها فلوس الرشوة تانى


س14 : قول 3 صفات ب 3 كلمات بس توصف بيهم شخصيتك
هادى , رومانسى , مبتسم


س 15 : برضه بكلمة واحدة ايه اهم صفة عايزها في شريك حياتك
مش هينفع .. بس هقول كل الصفات اى فى بالى ( متدينة _ هادية _ طيبة _ بنت ناس محتريمن _ تتقى الله فى زوجها _ رومانسية _ مش بتزل بسرعة )
دى الحاجات الى فى بالى .... ثم أنى مين الى قال السؤال دا ؟؟؟!!! ههههههههههههههههههه


س16 : ايه المجال اللى غير دراستك وشايف نفسك فيه قوي
انا طبعااا لسا مدخلتش كلية ... بس لو نفترض إنى دخلت هندسة كبيموتر
يبقا نفسى أكون مدرب كمال أجسام


س17 : بتحب السفر؟
جداااااااااااااااااااااااااااااااااااااااااااااااااااااااا

س 18 : طب دلوقتى حالا ايه المكان اللى نفسك تكون فيه
نقسى أكون أدام الكعبة

س19 : تمرر التاج ده لمين ؟؟
مدونة باسمك نحيا

مدونة مش هسكت

مدونة رحال

مدونة احلم معايا

مدونة اوعى تفكر .. بس هوا غالبا كان جاوب على ما اعتقد على التاج دا قبل كدا

مدونة مصر فى خطر .. عبدو هيجاوبوا وسارة هتجاوبوا

مدونة رد إلى روحى

مدونة بنت البنا

مدونة دواير

مدونة حطم قيودك

و مى مى

و المبرمج المحترف

ويوميات مظلومة

أشكر الأخت نورا على التاج الجميل دا والكبير ..هههههه

************************************************************

ندخل فى تاج الحاج النجم القادم

س1 : مانظرتك للبنات ذات الملابس المخالفة للإسلام؟
والله النت دلقوتى وهيا نازلة الشارع بتكون عارفة إن الشباب بتوع اليومين بايظ ..
فأكيد لو واحدة محترمة هتمشى بلبس محترم زيها علشان متتعاكسشى إنما لو واحدة ماشية بمحزق وملزق يبقا هيا عاوزة تتعاكس .. وبالتالى مش بتكون بنت محترمة وعيب كبير يقع على أهلها لأنهم أزاى يخرجوها باللبس دا
دا والأكتر من كدا .. كانت فيه واحدة معايا فى الدرس لقيتها ماشية مع أبوها بفستان قصير جدااا
مع العلم إن المنطقة بتاعتنا معظمها أرياف

س2 : هل تحكم على اي بنت بمجرد النظر الي لبسها ؟ وماهو معنى الاحتشام عندك ؟
لا .. بس لو كانت لابسة لبس وحش يبقا هيا وحشة .. إنما لو كانت لابسة حجاب مقدرشى احكم عليها
لأن ممكن البنت تكون وحشة بس لابسه كدا علشان أهلها ضاغطين عليها
والتحشم من وجه نظرى .. إن البنتة تكون صاينة نفسها من كل حد ممكن يتعرض ليها إذا كان باللبس المحتشم وأخلاقها وإلتزاما بالشارع

س3 : مامدى تاثير اصدقائك على طباعك وشخصيتك؟
فيه صحابى لو شافونى بعمل حاجة خير .. بيتحمسوا وبيدخلوا معايا
أو ممكن يتصرفوا تصرف وانا بحاول انصحهم وهما بيقتنعوا

س4 : أترى ان الغزو الفكرى أحد الاسباب التى ادت الى هذا الوضع؟
اكيد .. الفكر الغربى
الغرب والله مش بيهمهم الناس الكبيرة .. لأن الناس الكبيرة بعد كام سنة هترحل عن الدنيا
بس هما بيحاربوا الشباب .. علشان أول لما أمريكا تدخل مصر إحنا نقولها أهلا وسهلا
فالفكر الغربى هوا السبب فى كل دا

س5 : هل تدخل اسرتك في انتقاء ملابسك يضايقك ويقلل من شأنكويسلبك حريتك الشخصية؟
انا عن نفسى بدخل فى حوارات كتير مع أسرتى أول لما يجيبوا ليا لبس جديد لأنه فى فساعات مش بيعجبنى :)
بس أهو بيعدى وبلبسه .... فمش لدرجة إنه بيسلب حريتى

تشكر يا نجوووووووووم على التاج الحلو دا :)

وبكدا نكون خلصنا النهاردة :)

طردونا من المسجد ... ووجه نظر لشبل من أشبال الإخون المسلمين

السلام عليكم ورحمة الله وبركاته ........

هكلمكم النهاردة عتن موضوضوع مهم جدااااااا ...

بس قبلها لزما نتكلم عن موضوعين

أول موضوع :- انا كنت قولت للإخوة إنى ححط باقى الصور ... بس فيه أخ كلمنى

والأخ دا انا بحترمه جداااا وبعزه جدااااا ونصحنى وقالى لأ ... وقالى بعض الأسباب وانا فعلا أفتنعت بيه

فطبعااااا معلش جدااااااا ... سامحونى

***************************************************

ثانيا :- أحب اقول لوزارة الأوقاف ربنا يهديكم ... والله يسامحكم

لأنها بكل بساطة طردنا من مسجد الله .. الى هوا مسجد ربنا مش مسجدهم هما

وبكل بساطة كنا بنحفظ قرآن .. ومعانا المشرف بتاعنا الى هوا لسا فى رابعة كلية

وقاموا بطردنا من المسجد ... أحب أقولهم الله ينتقم منكم ..لأنكم لستم أهل للمحافظة على أوقاف الله تعالى

*************************************************

نكتب الآن فى الموضوع الأساسى بتاع الأسبوع دا :-

بما أنى شبل من اشبال الإخوان المسلمين ... واول لما أدخل النت والناس الى بيهاجمون الإخوان وبيقولوا عليهم

الإخوان المتأسلمون ... والكلمة دى معناها إنهم يأخذون الدين ليحققون بيه مكاسبهم .

فبما أنى شبل وواحد منهم من زمان جدااااا جدااااااا .... والحمد لله نشأتى نشاة إخوانية من أسرة كلها إخوان .

والحمد لله إنى كان عندى مشرف من سنة أولى إبتدائى ... عمرى ما شوفته بيقول الإخوان المسلمون

حتى لغاية سنة ثالثة إعدادى .

كل المشرفين الى مروا علينا ... كانوا يربوننا على الدين أولا

مكنوش بيقولوا إحنا الإخوان المسلمين ومفيش حد أدنا وإحنا الى مية مية فى مصر

دا حتى كان فيه ناس معايا فى اسرتى مكنوش يعرفوا إنهم ماشيين مع إخوان مسلمين

هما بس عارفين إنهم ماشيين مع واحد محترم ... عاوز ينشأهم على التربية الإسلامية الصحيحة

وماشى مع واحد عاوز حكم إسلامى ... عاوز الدين هوا الى يحكم .. مش قوانين الطبيخ الى بيعملوها دى بالخلطة

السرية بتاعت مجلس الشعب

كنا ممكن نتكلم عن حسن البنا ... بما إنه واحد غير كتير جدااااا فى مصر

واحد أسس جماعة إسمها الإخوان المسلمين .

وكان من الممكن إن فى كتاب الأنشطة الصيفية الى إحنا بنأخذه كل سنة فى الصيف وبنتنافس فيه أنهم يكتبوا حياة

الإخوان المسلمون

وللعلم .. الصبف دا إحنا اول مرة نأخذ لمحة بسيطة عن الإخوان المسلمون

لأن الكتاب يتكلم عن الجماعات الإسلامية فى مصر ... ومدا تأثير الجماعات فى الشعب

يعنى يمعنى أصح ... هما بيهتموا بالدين

علشان أول لما نكبر نعرف نتكلم بالدين ... نعرف نحكم بالدين الإسلامى

وعاوز أعرف الى مش من الإخوان .. إن بتاع الإبتدائى بيتربى على الدين والإعدادى والثانوى والجامعى وحتى لما

يتجوز وحتى لما الراجل يشيب .

كل أسبوع لزما يكون لهم على الأقل وقت للجلوس مع بعض و التكلم بالدين الإسلامى

يعنى والله مش بيخدوا الدين سبهلله ... ولا بيخدوا الدين مص شفايف

يعنى كمان إنهم بيطبقوا كل حاجة هما بيأخدوها

أديكم مثلا مثال على كدا ... كنت مرة عاوز اشترى فلافل والجرايد

فروحت لبتاع الفلافل وكان المشرف بتاعى بيجيب الفطار

فقالى جيبلى معاك الفلافل وانا اروح وأجيبلك الجرايد ( وبتاع الجرايد كان قريب جداا )

بس لقيته اتأخر جدااااا .. وبعد حبه لقيته جى .. قالى معلش

أصلى ملقتشى الجرنال الى انتا عاوزه عند الراجل الى على أول الشارع .. فجبتهولك من الراجل التى ( بعييد جداااااا جداااا عننا )

وكان ممكن يقولى ملقتشى الجرنال عند الراجل دا ...

بس شوفوا الأخلاق .. مع إنه أكبر منى بكتير جداااا وهوا المشرف بتاعى

فى النهاية عاوز أقول

أنى أفتخر بأنى من الإخوان .... والله يبارك فيكم

واكملوا المسيرة ولا تبالوا بالكلام.. فوالله إنكم لمنصورين