السبت، 11 أكتوبر 2008

تاج .... مش بيلبسه إلا الشجعان !!

تحديث
يا جمااااعة الأميل بتاعى اتسرق ... بس متشلوش الأميل
ضيفوا الأميل الجديد بتاعى : ikhwange@yahoo.com
علبال ما نشوف حكاية الأميل دى ... أصل المبرمج المحترف سمعت إنه قال لحسن حنفى إنه يعرف يجبهولى تانى
يااااا رب بقا
يا ريت بقا أى حد كان ضايفنى يضيف أميلى الجديد دا
************************
السلام عليكم ورحمة الله وبركاته ...
معلش طبعااا علشان البوست الى فات دا مخلتهوش يقعد كتير .. بس علشان أخلى البوست دا يقعد أسبوع وبعدها أنزل شغل المدرسة الى حدث خلال الأسبوع الى إحنا فيه دا
وطبعااا مقلقوش ... الشغل هيكون نااااااااااااااااااااااااااااااااار ... نااااااااااااااااااااااااااااااار
بس أنتوا تابعونا بس
*************
النهاردة جالى تاج حلو أوىىىىىى ... وبجد أشكر الحاجة صاحبة التاج على التمرير ...
يلا نبدأ التاج ... 3 . 2 .1 ...GOOO

السؤال الاول :مين الى دبسك فى التاج؟
* مش مهم تعرفوا .... لأنها أصلا مش لاقية اسم

السؤال التانى :اذكر سته اسرار قد لا يكتشفها من يقابلك اول مره ؟
* 1_ إنى بذااكر على الآخر وقاتل نفسى فى المذاكرة ..... بس طبعا العكس لأنى بكره المذاكرة
2_ بيقولوى إنك عاوز تطلع دكتور .. بس انا مش عاوز اطلع دكتور
3_ ......
4_ ......
5_ ...........
ههههههههههههههههههههههه .... معلش بقا .. أصل شخصيتى واضحة :))

اذكر 16 صفة عن نفسك ؟
1_ رومانسى جدااااا جداااا جداااااا
2_ مدمن كمبيوتر ونت
3_ عنيد ... بس مش قوى
4_ أمووووت فى المشى ... بس حاليا كعب رجلى مش عارف فيه إيه ( أصلى نطيت من حتة عالية ) ... فمش بقدر أمشى كويس .. بس الحمد لله يعنى بدأ يتسحسن
5_ بحب أهزر جداااااااااااا فى وقت الهزار ... بس فى وقت الجد بكون جد .. ومش بحب حد يهزر فى وقت الجد
6_ مش بحب أزعل حد ... ومش بحب أفضل مخاصم حد
7_ امووووووووت فى حاجة اسمها سفر ... وبحب الحاجات المتعبة
8_ بحب العمل الدعوى جدااااااااااا
9_ بموووووووووووووووووووووووت فى البنات ....... بس البنات الصغنططين
10 _ حنين جدااااااااااااا وطيب جداااااااااااا إلى أبعد الحدود
11_ مش بحب الناس الى بتقعد تعيد وتكرر فى الكلام .... هيا الكلمة مرة واحدة .. مش بحب حد يزيد
12_ بحب أرغى كتير جداااااااااااااااا مع الناس الى بحبها
13_ بسمع أكتر ما بتكلم
14 _ بسمع الناس لغاية الآخر ... وبقول رأى
15 _ بحب الأكــــــــــــــــــل ... بس المشكلة إنى مش بطخن :))
16 _ بحب مساعدة النااااااس .... حتى لو كان على حسابى
امرر التاج على :
1_ بنت الحرية
2_ مصر فى خطر
3_ البنت الشقية
4_ اوعى تفكر
5_ جنة الله
6_ أحمد أشرف
وبشكر الاخت مش لاقية اسم على التاج الحلو دا ... تشكرى على التاج :)
واستنوناااااااااااااااااااااااااااااااااااااااااااااا بقا الأسبوع الى جى دا ..... مجموعة عمل " جيل النصر القريب "

هناك 27 تعليقًا:

عمر يقول...

بسم الله الرحمن الرحيم

أول تعليق .. الحمدلله

واحشني جدا والله ، أعتذر عن انقطاعي عنك الفترة اللي فاتت ..امتحانات بقى

مع اني ما احتكيتشي بيك وجها لوجه ، بس خليني اضيف عنك صفتين ...

- اولا : انك متعاون جدا وما بترفضش إفادة احد ، خصوصا لو كان ده في دعوة لله عز وجل .. ربنا يبارك فيك
- ثانيا : انت ما شاء الله عليك مبدع في الفوتشوب وليك مستقبل كويس فيه بإذن الله .

آخر حاجه ... ياريت تشيل من عنوان المدونة كلمة - شبل بيحب الإخوان - لأنك عمريا مش شبل ، انت ما شاء الله دخلت ثانوي ، والثانوي ده سن الشباب ، وعقليا أراك رجلا إن شاء الله ؛ فياريت تشيل شبل وتخليها ( أسد ) ...ههههه

تحياتي وتمنياتي القلبية .. وألف سلامة على رجلك

خالد فوده يقول...

السلام عليكم
الف سلامه عليك يا غالي
كل سنه وانت طيب
تاااااااااااااااج جمييييييييييل
وإجابتك الي حد ما واضحه
هههههههههههههههه


تحياتي

غاوي حرية يقول...

السلام عليكم ورحمة الله وبركاته ... حبيبي ايه التاج التدبيسة ده وكنت صريح اوي بسم الله ما شاء الله عليك يا حوبي

احمد اشرف يقول...

السلام عليكم
اجاباتك جمييييييييييله وواضحه

وشكرا على التاج

تحيـــــــــــــــاتــــــــــــى

البنت الشقيه يقول...

اااااااااااااااااااااااااه هعيط انا كده عندى اكتر من 4 تيجان
ينفع كده والنبى

...........................
الف الف الف الف الف مبروك على التاج


تحياتى
البنوته الشقيه

عبدالهادى_سارة يقول...

تاجين ورى بعض ..اييه الهنا الي نزل علينا ..ولا العيد بيفتح نفس الناس

بس علفكرة بقه هوه واحد بس فينا اللي هيجاوب
...
بجد مش عارفه اقلك ايه ..مااشااء اله عليك كنت شجاع فعلا في حل التاج ده
ربنااا يعيناااا

فعلا مي حلوش الا الشجعان

....
والناس الي بتعيد وتكرر في الكلام ..اصدك ان كلمة الراجل وحده يعنى ..وعلى كده بقه انت بتسمع الكلام علطول..؟
:)

عمري ما شفت حد بيحب الحجات المتعبه

اما السفر بقه..فعشان خاطر انت بتسافر داخل مصر بس ...اما لو طلعت بره بقه ..(فحدث ولا حرج)0

وعلفكرة احسسن حاجه ان الانسان يسمع اكتر ما يتكلم ..بس انا مش عارفه ازاي بتحب الررررغي ..وبتسمع بره كتيير
بس ممكن تيجي برده

بس انت مااشااء اله عليك ..بتذاكر ومقطع المذكرة ..-امال ازاى بنشوفك على النت - اصل بعيد عنك الطالب المجتهد عندنا في البيت المفروض ميلمسش الكمبيوتر .نهااائي

وانك بتحب الكمبيوتر والنت ..دا العادى لاي حد اليومين دوول
ربنا المستعان

اجباااتك بجد جمييله
وتدبيييسه محترمه للشجعان ربناا معانا

ايمان @@ بنت الحرية يقول...

بجد اجابتك جميلة
وفعلا للشجاعة ناس :D
وبعدين ازاى بتحب الحاجات المتعبة حرام عليك :-O

ووووووووووو
اخيرا
ربنا يستر واقدر احله ....بس لو قدرت احل التاجات الكتيرة اللى كانت مركونة قبله :D

جنة الله يقول...

اجاباتك باين عليها انها صريحة وجميلة جدا
وشكرا على التاج
وانا خلاص جاوبت عنه في مدونتى

مش لاقية اسم يقول...

اية يا عمى الاجبات الجامدة دى يا لهوى
بس حلوة الحنية دى ها
انا اعرف عن الراجل انو غبى ومش حنين
ههههههههههههههههههههه
لالالا طبعا فى وفى
كل سنة وانتة طيب
تحباتى

اخوان من اجل مصر يقول...

شجاااااااااااااااااااااااع بجد

Ghada , Rofayda يقول...

الف سلامه على رجلك...شفاك الله وعفاك

ربنا يعز بيك الاسلام


تحيااااااتي

دمت بخير....

Ghada , Rofayda يقول...
أزال المؤلف هذا التعليق.
إخوانى حتى النخاع يقول...

عمر

أزيك يا حبيب قلبى .. عامل إيه ؟؟؟


فينك من زمااااان يا عم ؟؟

شكل يا عم الى اسمه طب دا واخدك مننا :)


بجد ربنا يكون فى عونك

والصفتين الى انتا قولتهم بجد من ذوقك :)


وربنا يكرمك يا رب

وعلى حكاية شبل دى ... فالشبل هو ابن الأسد :))

ههههههههه.. إيه رأيك فى المبرر دا ؟؟!!


إن شاء الله هبقا أغير البانر بالكامل أصلا عما قريب بإذن الله تعالى :)


ربنا يكرمك يا رب

أخوووك

إخوانى حتى النخاع يقول...

خالد فوووودة


ازيك ياالى كنت السبب فى ضياع اميلى :((


وانتا طيب يا غالى

والله يسلمك :)

ونعمل إيه ؟؟؟
إحنا الرجالة مش سالكين :)

تشكر يا حبيبى على التعليق
أخووك

إخوانى حتى النخاع يقول...

غاوى حربة


إيه يا عم غاوى ؟؟

عامل إيه ؟؟؟


وبجد كان تدبيسة :))

تشكر يا حبيبى على التعليق

أخووك

إخوانى حتى النخاع يقول...

أحمد أشرف

وعليكو السلام يا باشا

عامل إيه ؟؟؟

وتشكر يا حبيبى على التعليق

ومتناسش تجاوب عليه

أخووك

إخوانى حتى النخاع يقول...

البنت الشقية


مهو انتى لزما تجاوبى على التاج بتاعى .. مليش دعوة :)


والله يبارك فيكى

وشكراااا للتعليق

أخووكى

إخوانى حتى النخاع يقول...

سارة

أهـــــلا


بركات العيد بقا :))

*********************

وعلى حكاية الكلام الكتير .. انا فيه فساعات مش بسمع الكلام

بس مش بحب كل شوية واحد يقولى نفس الحاجة ...بس انا مقولتش إن كلمتى مرة واحدة والى مينفزهاش حتحصله حاجة

عادى يعنى


************

وعلى حكاية الحاجات المتعبة ... أنا بموت بقا فيها

***********

وعلى حكاية السفر .. انا والله نفسى أسافر برا

أشوف ناس عندها تقاليدى غيرى وحاجات حلوة .. غير إنى بحب المتاعب

**************

وعلى حكاية الكلام دى ... انا قولت انا بحب أرغى مع الناس الى بحبها

بس لو فيه نقاش .. بحب اتكلم فى الآخر

*****************

وعلى حكاية النت .. انا ممكن يجيلى إنهيار عصبى لو مقعدتش عليه :))


وألــــــــــــف شكر على التعليق :)



أخوووكى

إخوانى حتى النخاع يقول...

إيمان @ بنت الحرية


انا فعلا بحب المتاعب .. تعملى إيه بقا ؟؟؟

الواحد عنده صحة ومش عارف يوديها فين !!


وإحنا اتفقنا إنك هتجاوبى

يلا .. انا مستنى


أخووكى

إخوانى حتى النخاع يقول...

مش لاقية اسم


هنشتغل بقا شغل ستات .. ويالهوى ومش يالهوى ؟؟!!!! :((

ههههههههههههههههههههههه

************************

وخلى بالك ... انتى بتتكلمى عن الصبيان .. وانا منهم

يعنى انا غبى .. صح ؟؟؟!!!

مااااااااااااااااااااشى .. ححاسبك عليها بعدين



بس بجد انا الحمد لله حنين ..والحمد لله


والبنات برده حنين .. بس أول لما يتجوزا .. بيحطوا جوازهم فى سجن ويقفلوا عليهم

إشى يغسلوا .. ينضفوا .. يرضعوا البى بى

ههههههههههههههههههههههههههههه

دا انتوا عليكوا حاجات :))

إخوانى حتى النخاع يقول...

إخوان من أجل مصر

تشكر يا حبيبى على التعليق

أخوووووووك

إخوانى حتى النخاع يقول...

غادة ورفيدة


أهلا بيكى أختى الكريمة


والله يسلمك

وبجد نورتينى فى المدون

وشكراا ليكى للتعليق

أخووكى

ايمان @@ بنت الحرية يقول...

حليت الواجب
اخيييييييييييرا

فتوح أبو المفاتيح يقول...

ههههههه
حلو اوي نظام التاج دا
حاجة في السريع
بس كويس انك بتحب العمل الدعوي كتير من اللي حوالينا بيخافوا يكلمو حد حتى لو هو مستعد
خير
بس تاج صغنون خااالص
يلا خير
محدش عارف الخير فين


سلااااااااام

المبرمج المحترف يقول...

هههههههههه

ايه ياعم التسيييح دا

ههههههههههههههه


انا قلت ححاول

والمحاولة دى عاوزه وقت كبيير


وبالمناسبة
بقا

انا عاوز منك طلب عشان نحاول نرجع الميل

انا بطلت هاكر

لانى اساسا كنت هاكر جامد بس الحمد لله ربنا تاب عليا

وعاهدت نفسى انى م اسرقش حاجه تانى
غير حاجتين
بس

ايميلى ومدونتى لو حد عمل هاكينج عليا بس مش اكتر

ف اعذرنى انا مش حستخدم هاكر

انا كنت بعمل هاكر من غير تووولس

المهم

دلوقتى انا عاوز منك اكبر بيانات بقدر المستطاع

يعنى اسم الميل اساسى
واخر مرة غيرت الباسورد فيهاامته


واخر واحد ضفته امته

وضافك امته

واخر لوج اون كان امته

يعنى كل حاجه
وتاريخ الميلاد وكل حاجه بس حاول
تجيب اغلبهم
عاوزه فى ريبورت ورد كدا
اكتب كل حاجه
ولو تعرف تكتب اللى كنت مسجلهم عندك يارييت
ييعنى حاول اى معلومة تيجى فدمغاك حطها


عشان نقدر نرجعه ان شاء الله بس مش اوعدك انه يرجع

صدقنى بطلب هاكينج


واخدت عهد مرجعلهوش
بس حنعمل طريقة كدا اسمها

Social Engineering


اوكى المهم حبقا اتصل بيك بس انت ابعتلى الريبورت دا على الميل


على فكرة الايميل دا احسن من التانى

هههههههه

على العموم ححاول والله
حجيب ايميلك واميل رامى سعدة ان شاء الله

تحياتى

سلام

اتحاد المدونين المصريين يقول...

الزملاء والزميلات

ادعوكم للدعاء بالشفاء للعزيز


******************* ( سعيد الشريف )*********************

صاحب مدونة الايجابية والاصلاح ..

بسم الله اللهم اشف انت الشافى لا شفاء الا شفاؤك شفاؤا لا يغادر شقما

عاشقة الشهادة يقول...

بسم الله الرحمن الرحيم
السلام عليكم أخواني واخواتي في الله
الاخ أخواني حتى النخاع بارك الله فيك
وبجد المدونه أكثر نت رائعة
و بالتوفيق دائما ان شاء الله

أختكم : عاشقة الشهادة
انا جديدة معكم و ارجو قبولي اخت لكم في الله