الأحد، 29 يونيو 2008

طردونا من المسجد ... ووجه نظر لشبل من أشبال الإخون المسلمين

السلام عليكم ورحمة الله وبركاته ........
هكلمكم النهاردة عتن موضوضوع مهم جدااااااا ...
بس قبلها لزما نتكلم عن موضوعين
أول موضوع :- انا كنت قولت للإخوة إنى ححط باقى الصور ... بس فيه أخ كلمنى
والأخ دا انا بحترمه جداااا وبعزه جدااااا ونصحنى وقالى لأ ... وقالى بعض الأسباب وانا فعلا أفتنعت بيه
فطبعااااا معلش جدااااااا ... سامحونى
***************************************************
ثانيا :- أحب اقول لوزارة الأوقاف ربنا يهديكم ... والله يسامحكم
لأنها بكل بساطة طردنا من مسجد الله .. الى هوا مسجد ربنا مش مسجدهم هما
وبكل بساطة كنا بنحفظ قرآن .. ومعانا المشرف بتاعنا الى هوا لسا فى رابعة كلية
وقاموا بطردنا من المسجد ... أحب أقولهم الله ينتقم منكم ..لأنكم لستم أهل للمحافظة على أوقاف الله تعالى
*************************************************
نكتب الآن فى الموضوع الأساسى بتاع الأسبوع دا :-
بما أنى شبل من اشبال الإخوان المسلمين ... واول لما أدخل النت والناس الى بيهاجمون الإخوان وبيقولوا عليهم
الإخوان المتأسلمون ... والكلمة دى معناها إنهم يأخذون الدين ليحققون بيه مكاسبهم .
فبما أنى شبل وواحد منهم من زمان جدااااا جدااااااا .... والحمد لله نشأتى نشاة إخوانية من أسرة كلها إخوان .
والحمد لله إنى كان عندى مشرف من سنة أولى إبتدائى ... عمرى ما شوفته بيقول الإخوان المسلمون
حتى لغاية سنة ثالثة إعدادى .
كل المشرفين الى مروا علينا ... كانوا يربوننا على الدين أولا
مكنوش بيقولوا إحنا الإخوان المسلمين ومفيش حد أدنا وإحنا الى مية مية فى مصر
دا حتى كان فيه ناس معايا فى اسرتى مكنوش يعرفوا إنهم ماشيين مع إخوان مسلمين
هما بس عارفين إنهم ماشيين مع واحد محترم ... عاوز ينشأهم على التربية الإسلامية الصحيحة
وماشى مع واحد عاوز حكم إسلامى ... عاوز الدين هوا الى يحكم .. مش قوانين الطبيخ الى بيعملوها دى بالخلطة
السرية بتاعت مجلس الشعب
كنا ممكن نتكلم عن حسن البنا ... بما إنه واحد غير كتير جدااااا فى مصر
واحد أسس جماعة إسمها الإخوان المسلمين .
وكان من الممكن إن فى كتاب الأنشطة الصيفية الى إحنا بنأخذه كل سنة فى الصيف وبنتنافس فيه أنهم يكتبوا حياة
الإخوان المسلمون
وللعلم .. الصبف دا إحنا اول مرة نأخذ لمحة بسيطة عن الإخوان المسلمون
لأن الكتاب يتكلم عن الجماعات الإسلامية فى مصر ... ومدا تأثير الجماعات فى الشعب
يعنى يمعنى أصح ... هما بيهتموا بالدين
علشان أول لما نكبر نعرف نتكلم بالدين ... نعرف نحكم بالدين الإسلامى
وعاوز أعرف الى مش من الإخوان .. إن بتاع الإبتدائى بيتربى على الدين والإعدادى والثانوى والجامعى وحتى لما
يتجوز وحتى لما الراجل يشيب .
كل أسبوع لزما يكون لهم على الأقل وقت للجلوس مع بعض و التكلم بالدين الإسلامى
يعنى والله مش بيخدوا الدين سبهلله ... ولا بيخدوا الدين مص شفايف
يعنى كمان إنهم بيطبقوا كل حاجة هما بيأخدوها
أديكم مثلا مثال على كدا ... كنت مرة عاوز اشترى فلافل والجرايد
فروحت لبتاع الفلافل وكان المشرف بتاعى بيجيب الفطار
فقالى جيبلى معاك الفلافل وانا اروح وأجيبلك الجرايد ( وبتاع الجرايد كان قريب جداا )
بس لقيته اتأخر جدااااا .. وبعد حبه لقيته جى .. قالى معلش
أصلى ملقتشى الجرنال الى انتا عاوزه عند الراجل الى على أول الشارع .. فجبتهولك من الراجل التى ( بعييد جداااااا جداااا عننا )
وكان ممكن يقولى ملقتشى الجرنال عند الراجل دا ...
بس شوفوا الأخلاق .. مع إنه أكبر منى بكتير جداااا وهوا المشرف بتاعى
فى النهاية عاوز أقول
أنى أفتخر بأنى من الإخوان .... والله يبارك فيكم
واكملوا المسيرة ولا تبالوا بالكلام.. فوالله إنكم لمنصورين

هناك 72 تعليقًا:

_**( قلب الأسد )**_ يقول...

لا اعلم ماذا اقول فأمام هذة الحوادث تتزاحم بداخلى احاسيس كثير من الاسى والالم على هذا الحال الذى نعيشفية ةهذو الظروف التى تحيطنا ولكن اقولما قالة الحبيب ان كان يؤتى بالرجل يقسم يالمنشار نصفين ولا يخرجة هذا عن دينة قيد انملة فإ اغلقو المساجد فأرض الله جميعها لنا مسجدا
جزاكم الله خيرا اخى الكريم
تقبل تحياتى

المبرمج المحترف يقول...

السلام عليكم

على فكره انا عندى 15 زيك بالظبط

بس انا مدونتى كلها كمبيوتر×كمبيوتر

تشرفنى اوى لو جيت زرتها وسبت تعليق كده..

اخوك ف الله
عمر محمد

إخوانى حتى النخاع يقول...

قلب أسد

أزيك يا حبيبى ؟؟


مهو غحنا فى زمن الى ملتزم بالدين زى القابض على الجمر


ربنا يهدى الجميع

شكرااا ليك أخى الكريم على التعليق

أخووك

إخوانى حتى النخاع يقول...

المبرمج المحترف


أكيد يا باشا لزما نزورها

أهو نتعلم حبة فى الكمبيوتر :)


تشكر يا حبيبى على الزيارة والتعليق

أخوووك

جمعاوى روش طحن يقول...

السلام عليكم

تصدق و تؤمن بايه يا أبو درش


قول لا اله الا الله ..

أنا فرحت أوى بالبوست ده ...بجد فرحت جدااااا


ربنا يعزك يابنى و الله و يبارك فيك

البوست ده يستحق هدية كبييييييييييييييييرة


مصاصة من اللى بتحبها ...!!!

عبدالهادى_سارة يقول...

اخونا مصطفى ..
كلامك رائع اوي ..ومنطقي ان الاخوان مش بيعملوا ليحققوا مكاسب ..المشكله انها الفكره عند بعض الناس
*******
واللي يتربى على الدين ويصلي ويلتزم بالدين..يقولو ده:اخوانـــي
*******
طيب انا عاوزه اسئلك سؤال..؟؟
..
..
طردوكم من المسجد لييه..؟؟
اكيد في سبب يريت تقولنا..
******
ارق تحياتي
س ا ر ه

إخوانى حتى النخاع يقول...

جمعاوى روش طحن

حبيب قلبى


لا إلــــــــــه إلا الله


والحمد لله إنه عجبك

:)


تشكر للتعليق

أخوووووك

إخوانى حتى النخاع يقول...

سارة

أهلا بيكى أختنا الكريمة


واكيد الإخوان مش عاوزين يوصلوا الحكم باسم الدين وبعدين يتركوا الدين ... إحنا ملتزمين بالدين داائماااا

ويا ستى على طردنا من المسجد .. إن المشرف معهوش ترخيض لتحفيظ القرآن

شوفى بقا .. دا السبب

هوا طبعا مش سبب منطقى للطرد من بيت الله


وغحنا بعد طردنا قعدنا جنب باب المسجد فى الشارع .. وعادى جدااا

لأن مش واحد زى دا يقدر يوقف دعوتنا

شكراا ليكى أخحتى للزيارة والرد

إخوووكى

رحـــــال يقول...

اخى الحبيب مصطفى ..

حفظك الله ورعاك ..

لاتحزت ولاتغضب فلست اول من يطرد من بيت الله ولست بالاخير ..

ولاتدعو على احد .. ادعو لهم بالهداية فهم جاهلون بالصواب ..

واعلم ان كل من سبقوك لمثل هذة الجلسة فى هذا المسجد كان مصيرهم الطرد ..

فابشر .. ولاتيأس فان الفرج من الله اتٍ لامحاله ..

دم طيباً ..

إخوانى حتى النخاع يقول...

رحال

أهلا بيك حبيبى


اكيد ... كل ما كان يدعوا لله أو حتى يحفظ قرآن مع جماعة فى المسجد كان يطرد

وانا دعيت لهم بالهداية

شكرااا لك حبيبى على التعليق

أخوك

GiGi يقول...

اولا انا معاك ان ربنا ينتقم منهم انهم يطرودوكم من المسجد
ثانيا انا غير مقتنعه بتاتا ان افضل فى الاخوان وان ده يمنعنى انى امارس اي نشاط ليا طيب ماانا اخلينى انسان عادي واعمل اللى انا عايزه لكن انى افرط فى هدف اهم علشان انى افضل فى الاخوان انا مش مقتنعه وفى الاخر احنا مسلمين ليه لازم نقسم نفسنا خلينا مسلمين كفايه
قرانا مش ناقصه قيم علشان اروح اجيب دستور تاني او كتاب تاني ادرسه يعني معلش اصل انا ضد تماما تماما تقسيم المسلمين بما يسمى بالاحزاب والجماعات

رامــــى حجــــاج يقول...

لك الله يا مصطفى

نفس اللى حصل معاكو ده حصل معانا من شهر تقريبا

لكن يا أخى لا تعبأ بما يفعلون

فكلما أغلقوا للحق بابا

فتح الله لدعاة الحق أبوابا أخرى

إذاً

انتظر الخير و الفتح القريب

والله معكم و سيفتح لكم

اوعى تفكر يقول...

اولا
كويس انك بعت عن الصور دى
لانها كانت ممكن تجبلك مشاكل
وانا من انصار انك متحطش اى صور على المدونه
ثانيا
حسبى الله ونعم الوكيل
انا مش متصور اممام مسجد يطرد ناس عشان بيحفظوا قرات حتى لو بيخافوا
تصور انا عندى بحفظ فى مصلى نساء
وفى ناس بتدى الكتاب فى بيوتها لانى مش لاقيين مساجد نحفظ فيها كتاب ربنا وتكون النتيجه ان الاطفال بيبقوا مجرمين ويسوقوا توك توك
ثالثا
بالنسبه لموضوع التربيه
انا راجل مشرف اشبال والله ياجماعه عمرى ماقلت اخوان لان هدفى الاساسى ان الاولاد دى متطلعش غير مسلمين ملتزمين فى الاساس
اما بخصوص الاخوان المتأسلمين
الكلمه جى بتكفر ناس كتير ياجدعان

إخوانى حتى النخاع يقول...

جى جى

أهلا بيكى أختى ...

وحلو أوى إن حضرتك سألتى اسؤال
وانا كنت اتوقع إن فيه ناس تسال السؤال دا


بصى ... انتى المفروض متكونيش زى أى إنسان عادى ملتزم

طب فيه ناس كتيرة ملتزمة ومش بتنفع الإسلام

أقولك انا مثلا ... انا الى المفروض فى كتاب الأنشطة الصيفية الى بحضر الجماعات الإسلامية على الساحة المصرية


باخذ الصوفية والسلفية والتبليغ والإخوان

وبأخذ منهج كل واحد منهم ودرجة تفكيره ودرجة تأثيره على الناس ودرجة صموده فى المستقبل

وكلهم كانت درجة صموده ضعيفة جدااااا إلا الإخوان المسلمين .

وكمان حاجة .. الرسول بيقول الذئب يأكل من الغنم القاسية ( الى هيا بعيدة عن القطيع )

مش هتلاقى انتى حد تقعدى معاه فترة طويلة
وحتى لو قعدتى فترة طويلة .. معظم الاوقات هتكون للتسلية



إنما إحنا حاجة تانية خاااااالص .. إحنا كل يوم لزما نتقابل ونقسم وقتنا

والله لو كان فيه حفظ القرآن ولو كان فيه لعب الكورة ولو كان بنتمشا أو لو كنا هنلعب بلاى ستشن أو لو كنا هنتفرج حتى على كأس الأمم الأروبية عند بيت واحد .

وبالذمة لو انتى كنتى مع واحدة بتعملى الحاجات دى .. أولا لزما هتعملوا ذنوب ( بأى نوع من الذنوب ) ومش هتستفيدوا بالوقت .


ودى وجه نظرى ..

شكرااا ليكى أختى على التعليق

أخوووكى

إخوانى حتى النخاع يقول...

رامى الحجاج


أزيكي ا باش مهندس ؟؟

شكراااا ليك على التعاطف دا


وكلما أغلقوا بابا فتحنا أبواب كثييييرة


شكرااا لك حبيبى على التعليق ..

إخوانى حتى النخاع يقول...

اوعى تفكر


أزيك يا حبيب قلبى ؟؟؟

والله هوا الأخ دا قالى الى هتحطه هنا هيطلع على أبوك :)

انا مستنى بس أطلع البطاقة دى علشان لاقدر الله حصل حاجة اتمسك انا مش أبويا

وهوريهم الويـــــــــل :)
*********************

على حكاية المسجد .. صح , فيه نا بتدى فى البيت علشان مفيش مسجد يدوا فيه
وخلى بالك .. رئيس الأوقاف الى عهندنا هوا الى طردنا وقعدنا فى الشارع نحفظ عادى جداااا

*****************

وزى ما اتا بتقول إنك مش بتقول إخوان مسلمين ولا غيره ..

وانا برده همسك مجموعة أشبال قريبا إن شاء الله .. وبرده مش هقولهم الإخوان المسلمين

فمن أهداف الجماعة تنشئة الفرد والأسرة والمجتمع على طاعة الله

كانوا ممكن يقولوا تنشئة الفرد والأسرة والمجتمع على طاعة الله والدخول فى الإخوان المسلمين


تشكر يا حبيبى على التعليق

وسلملى على صاصا .. وقوله شد حيلك .

سمية-بنت البنا- يقول...

السلام عليكم ورحمة الله وبركاته

المدون الفاضل .. إخواني حتى النخاع ...

حسبنــا الله ونعمـ الوكيــل ..

ذكرنــي سيدي موقف طردكمـ من المسجد ..

بعــدة مواقف قد حدثت معي ومع أخواتــي بمحافظتي ..


تخيــلوا سيدي أنهمـ يقومون بطرد الأخوات ..

فأذكــر .. أننا كنا سنقومـ بتكريمـ بعد الأخوات المتفوقــات بعد الانتهاء من جلسة تحفيظ القرآن في المسجد ..
وبعد أن جهزنا كل شئ ..
وذهبنا للمسجد ..
نجدهمـ قد أغلقوا الأبواب أمامنا ..
ولمـ يسمحــوا لنا بالدخــول ..

ومرة أخرى .. بعد أن كنــا قد بدأنا .
نجدهمـ يقولون لنا أنهمـ يريدون تنظيف المسجد .. .. ويطابون منــا الخروج ..
وإلا ... ..........


وحسبنــا اللـه ونعمـ الوكيــل ..

صدقــا .. مواقف كثيــرة الآن تجول في ذاكرتــي ..

*****

أمــا عن الجلسة ..

فنحن الإخوان لا نريد جمــيع النــاس إخــوان ..
فكمـ منــا وليس فينا ..
وكمـ فينا وليس منــا ..

بل نحن نريــد أن يكــون جميــع النــاس تحت تنشأة إسلاميــة واعيـــة فيتكون الفرد المسلم فالاسرة المسلمة فالمجتمع المسلم فالدولة المسلمة ومن ثم نصل الى الخلافة الاسلامية ....
نسعــى لتكوين الفرد المسلمــ الذي إذا وجد وجدت معــه أسباب النجاح ذلكـ الفرد سليمـ العقيدة..صحيح العبــادة .. قوي الجسمـ..متين الخلق ..مثقف الفكــر .. قادر على الكسب .. مجاهدا لنفسه .. حريصــا على وقته .. منظمــا في شئونه .. نــافعــا لغيره ..




باركـ الله فيكمـ ..
وفي مسئول جلستكمـ ..
وجعلكمـ الله زخرا للاسلامـ والمسلمين ..


__
نسألكمـ الدعــاء ..

__
أختكمـ ::
سمية_بنت البنا_

إخوانى حتى النخاع يقول...

أختى سمية

فعلا والله اسعدنى مرورك فى المدونة


وانتى تعملى إيه مع ناس ينافقون ؟؟؟

مع ناس تعمل لحساب الأمن تحت مسى الدين ؟؟!!!

حاجة غير معقوله

******************

والكلام دا يمكن أن أكون ذكرته للاخت دواير

أننا نهدف إلى نشاة فرد ملتزم أسرة ملتزمة ومجتمع ملتزم

إذا تحقق كل هذا .. فعند ذلك سوف تتحقق الخلافة الإسلامية

****

والله اسعدى جدااااااا جدااااااا جدااااا تعليق أختى الكريمة


شكرااا للتعليق

أخوكى

اصحى يا نايم يقول...

شيئ جميل اعتزازك بانتماءك للاخوان يا درش .. الأجمل ان ربنا يثبتنا جميعاً ... قول آمين

ثانياً .. أنصحك ما تطلعش بطاقة .. لأن شكلك كده مش هاتجيبها البر .. وبعدين كفاية والدك هاتبقوا انت الاتنين زوار لحبايبنا ( ربنا ياخدهم ) !!! ـ

إخوانى حتى النخاع يقول...

أصحى يا نايم


آميــــــــــــــن



ويا عم انتا كدا الى مش هتعدى البر علشان كلمة ربنا يخدهم دى

انا هروح ابلغ عنك

ههههههههههههههههههه

تشكر يا حبيبى على التعليق

أخووووك

ريمان يقول...

اخواتى حتى النخاع

بسم الله

احب اولا اشكرك على زيارتك لمدونتى المتواضعه ونورتنى والله

ثانيا

انا مش مستغربهوالله من اللى حصل ده

لانه بيحصل معانا كتير واطردنا كتير من المساجد اللى هى بيت الله وحده مش بيوت وزارة الاوقاف

وياما منعونا من اللقاءات فى المساجد

مش هقول غير حسبى الله ونعم الوكيل

وبالنسه انك من الاخوان لك الحق ان تفتخر انك منهم

على فكرة يا اخى انا كنت مع السلف وكنت سلفيه متعصبه جدا لكن انا بأييد الاخوان جدا جدا مع انى مش من الاخوان لكن انا اصحابى كلهم اخوان ودايما بشارك الاخوان فى اى حاجه وبمشى معاهم وبأيدهم

ربنا يبارك فيك يا رب

واتمنى لك التوفيق والنجاح

اختك ريمان

اه من حق بقولك يا ريت توضحلى يعنى ايه اخوانى حتى النخاع

وكمان مش تخاف من موضوع العدوانيه ده
انت اخويا بقه خلاص

إخوانى حتى النخاع يقول...

أختى ريمان

أهـــلا بيكى فى المدونة

والله سعيد جدااا بالهلة الجميلة دى


والله يهدى كل الناس


وعلى الإخوان ...

فيه ناس كتير جدااا بيعتقدوا إن الإخوان بيزرعوا روح التعصب للسلفين

هما برده إخواتنا بس بيكون منهم حاجات طائشة منهم ..

زى شتيمة علماء المسلمين زى القرضاوى

بس مش عاوزين نظهر أى إختلاف بينهم علشان عاوزين توحد المسلمين


شكراااا ليكى أختى على التعليق والزيارة


وكويس الى انا بقيت فى دائرة الهدوء ..

وكدا مخفشى من أى حد .. ورانا رجالة :)


شكراا ليكى

أخووكى

إخوانى حتى النخاع يقول...

نسيت أجاوبك على سؤالك صحيح



إخوانى حتى النخاع

يعنى إنى هكون من الإخوان حتى نهاية عمرى

:)

شكررااا ليكى

Ibrahim A.Salam يقول...

بسم الله
السلام عليكم يا أستاذ مصطفى
هذه ليست المرة الأولى التي أدخل فيها مدونتك الرائعة.. وكنت أعجب كل العجب.. و كنت أود أن أترك هاهنا تعليقاً منذ زمن، لكن لم يكن عتدي من الوقت ما يسمح بذلك..
أن يكون واحد في سنك ويكتلك مدونة فهذا أمر لا بأس به ولاوجه للإعجاب فيه، لكن أن يكون في مثل فكرك ونضوجك وجرأتك، فهذا هو العجب العجاب... فأنت ياأخي الصغير مثال حي وواقعي يثبت أن شبابنا لازال بخير، وأنه مازال هناك من يعتز بدينه ويفخر بقناعاته وتوجهاته.. والله يا مثطفى فخور بك كل الفخر، وأعو الله لك أن يديم عليك نعمه، وأن يؤيدك بالحق ويؤيد الحق بك..
+++\لي فقط تعليق صغي
اتفق مع الأح رحال في مسألة الدعاء عليهم،، تأسَّ بحبيبي وحبيك النبي محمد صلى الله عليه وسلم، وادع لهم بالهداية بدلا من الدعاء عليهم

حفظك الله
السلام عليك

إخوانى حتى النخاع يقول...

اهلا إبراهيم

أهـــلا بك معانا فى المدونة


وبجد يعنى فيه لسا برده شباب تانى كتير جدااا فيهم الخير وممكن كمان يكونوا أحسن منى

وممكن يكون ذلة لسان الدعاء عليهم .. لأنى فعلا كنت منفعل وكمان الحدث كان لسا طازة :)

اشكراااا جداااا على التعليق :)

شكرااا ليك
أخووك

عاشقة الطب يقول...

السلام عليكم ورحمة الله...
والله ياباشمهندس انا مش لاقبة رد غير الاية اللي بتقول انه ليس هناك اكثر ظلما ممن منع مساجد الله من ان يذكر فيها اسمه وسعي في خرابها..انا مش عارفه هما بجد مش خايفين من ربنا وهو ذكرهم في القران؟؟؟؟؟؟؟؟؟؟
الحمد لله علي هذه التربيه..يابختك ياباشمهندس رزقنا الله اياها
جميل جدا فهمكم للعمل الاسلامي بهذا الشكل
الحقيقة كنت وعدت اني اكتب شعر للمدونه...بس الحقبقة انه كتبت بس هو مش شعر اوي لاني لسه بتعلم الشعر
بس هو هيادي لغرض ان شاء الله
بس في البدايه نحسبكم كذلك ولا نزكي علي الله احدا..ليه وجهة نظرك تنقص هاء؟؟؟؟

عاشقة الطب يقول...

بسم الله
كان في مرة واحد اخواني
بيدون وكلامه شئ تاني
ومدونته كانت عجباني
اصل كلامها دوم حقاني
بيقولها وبالصوت العالي
عالنت وع بلوجر الغالي
لاه ياظاااااالم مليون لا
لو مرة تخش مدونته هتلاقي مفاجاتها كتير
من البروفيل سنه هيخضك
حاجه تخلي العقل يطير
شاب صغير تالته اعدادي
وكلامه يابويا علي كبير
فاهم ايه معني الحرية
وعمال ينده بالتغيير
مل سيادته الدكتاتورية
وقال ايه عرف الليبرالية
ويقولك اصلانا اخوان
مين؟؟؟؟؟؟؟؟؟؟؟؟؟
مين ياعم الحاج كمان؟؟؟؟؟؟؟؟؟
منهجنا القران والسنه
لجل ما يرضي علينا المولي
وبنتمني نروح الجنة
نسكن في الفردوس الاعلي
راح تلقي جواها مسابقة
جوايزها كلها حقيقية
ولا فيها زيرو تسعماية
ولا دوسلنا علي الارقام ديه
ده صاحبها فاهم ايه هدفه
وليه المولي تعالي خلقه
ولانانسي شغلاله حياته
او هايفه لاحسه دماغاته
ولا عايش جوه سبيس تون
وحياته كلها كرتون
رب يبارك في مدونته
يجعلها قدوة للغير
للاصلاح خطوة تغيير

جنّي يقول...

هؤلاء يعرفون حجم وحقيقة الجماعة ولكن يدفعهم الحقد الدفين على كل ما هو إسلامي لمهاجمة الجماعة ..

--------------------------
حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

smsm يقول...

والله العظيم يا درش
حصلت معايا
انا في رمضان بروح المسجد احفظ بنات بعد صلاة العشاء علشان العدد بيبقي كتير
في يو اتخبطت في دماغي وفكرت وقلت ليه طب في صلاة الجمعه العدد اكبر
وعملتها
وسمعت كلاااااااااااام!!!!!
مش عارفه انا
طلع واحد بقفطان
وقلي............
انتم قعدين هنا ليه
رديت وقلت دقايق يا حاج
ومشيــــــــــن معلش
رد وقال:
لالالالالالالالالالالالالالالالالالالا
الجامع ده ممنو ع في القعاد يادوب تصلي
يالا قوموا روحو كلكم
يالا بره
طبعا مشينا كلنا
وشي ملخبط
مش من الكرشه وبس..
مش مصدقه ان حالنا وصلنا لكده
طب هو الراجل ده لو امرينه بكده ليه ميفكرشي هو؟؟؟؟؟؟؟؟؟
علي العموم شكرا انك طرحت الموضوع ده واتمني اني اكون مغلستش وطولت
انا عرفاك مش بتطيق تعليقي

هههههههههههه

بس اسفه

اختك

روينا يقول...

السلام عليكم
يااااه بقالى كتير مدخلتش نورررررررت مدونتك
يلا شده وتزول بس ادعيلى
اما بالنسبه لطرد من المسجد فدى مش اول مره
ونفسي اعرف هما مخدوش بالهم ولو مره من الايه فى سوره البقره
(ومن اظلم ممن منع مسجد الله ان يذكر فيها اسمه وسعى فى خرابها اولئك ماكان لهم ان يدخوها الا خاءفين لهم فى الدنيا خزى ولهم فى الدنيا خزى ولهم فى الاخره عذاب عظيم)

صدق الله العظيم
والله مفروض كل يوم نشكر ربنا انه رزقنا بهذه الصحبه الصالحه يارررب يديمها علينا ويبعد عنا اللى بالى بالك

همسات شاب يقول...

أخي الكريم

ربنا يبارك في حضرتك

ونعم الشبل أنت
ونعم الجماعة هي

وبصراحة مش لاقي كلمات أعبر بيها عن سروري بك

فربنا يكرمك
وتقبل مروري

الزهراء يقول...

بسم الله الرحمن الرحيم
كم انا مسرورة بزيارة مدونتكم والله فرحتى لا توصف الآن برؤية هذا البوست وان شاء الله اشوف باقى البوستات ..
كنت على وشك كتابة بوست بمدونتى عنوانه اريد مسجدا لكنى مشغولة لمدة ..
لا يسمح لنا بالجلوس فى المسجد من سنوات طويلةحتى فى رمضان بعد صلاة الفجر كانوا يطردون أبى وكل من يجلس لقراءة ورده..
حسبى الله ونعم الوكيل وان شاء الله الامل فيكم وفى الاشبال

نـــــــور يقول...
أزال المؤلف هذا التعليق.
دواير يقول...

أولا..بالنسبة لحكاية انهم يطردوكم من المسجد فدي حاجة عادية جدا وبتحصل كتير اليومين دول(على أساس ان الصلاة وحفظ القرآن اليويمن دول بقت عمل ارهابي)
وربنا يكون في العون...

وثانيا....حلو أوي إن حد يكون عنده مبادئ معينة ويدافع عنها زيك كده..بس اسمحلي اختلف معاك وأنا مش إخوان...وأقولك ان يمكن الناس تكون بتحب الاخوان لكن زي ما بيقولوا(لا حبا في زيد ولكن كرها لعمرو) يعني اكيد الناس لما تقارن بين الاخوان والحزب الوطني طبيعي ان الاخوان هما اللي يكسبوا..بس لو جينا للاخوان مش هنلاقيهم عملوا حاجة ملموسة في الواقع..هتقولي ان عليهم ضغوط وتضييق شديد..هقولك مضبوط بس برضه هم يقدروا يعملوا كتير لو عايزين...حاجة تانية ودي اللي خلتني أستغرب جدا وهو موقف الخوان من اضراب أبريل...الكبار فيهم امتنعوا عن مساندة الاضراب والصغيرين أو الشباب يعني قالوا امين وما حدش فيهم جاب سيرته خالص....
حاجة تانية ودي بقابلها كتير اني بحس ان كتير من الاخوان وخاصة الشباب مش بياخدوا من الدين غير مظاهر أو نقول بيهتموا بالمظاهر اهتمام مبالغ فيه ونسيوا ان الاسلام دين حياة..

أما بالنسبة لحكم الاسلام فمتهيالي لا أنا ولا اي حد عاقل ممكن يكره ان مصر تحكمها الشريعة الاسلامية (مع الفرق بين ده وبين انها تدون دولة دينية) لكن على ايد مين ده اللي يخوف..وخصوصا لما الاقي الدكاترة (مش كلهم عشان ما اظلمش لكن بتحصل كتير) في امتحان الشفوي ممكن ينزلوا البنت درجات عشان لبسها مش محترم أو الولد عشان مش ملتحي....بيتهايلي من حقنا باه نخاف ونسال يا ترى الاخوان هيعلوا ايه لو مسكوا البلد..

أما بالنسبة لتعبير (الاخوان المتأسلمين) فأنا طبعا شم موافقة عليه لان ده فيه ظلم ليهم لكن برضه وللحق..خايفة ييجي يوم يبقى التعبير ده في محله وساعتها يبقى قلبي عليكي يا مصر....

دواير يقول...

صحيح نسيت..........اسفة على الاطاااااااااااااااااالة

حطم القيود يقول...

اخى الصغير مصطفي

لا بجد بجد يعنى... ربنا يعزك ويكرمك يارب

كلام رائع....وشكلك ما شاء الله اكبر بعقلك من سنك بكتير

بسطتنى اوى التدوينه دى مع ان الكمبيوتر نفسه مش باسطنى خالص

عقبال يارب كده متبقي مشرف وتدى الاشبال...بجد هتبقي ممتعه...انا كنت زهره ودلوقتى بدى مع المشرفين اللى كانو بيدونى ايام ما كنت زهره ... يللا ذكرياااات :)

عقبالك يارب....كل التوفيق

طالبه الفردوس يقول...

السلام عليكم

اخى اخوانى حتى النخاع

موضوعك بيحرق دمى اوى كل لما افتكر طردهم لينا من المساجد ومين اللى اعطاهم الحق ده اصلا

ربنا يهدى الجميع

بجد صدرى انشرح لما قرات فهمك للاخوان وعدم التعصب الاعمى
فانتم جيا المستقبل والنصر القادم

تحياتى لك

إخوانى حتى النخاع يقول...

عاشقة الطب


أهـــــلا .. فينك من زمان ؟؟!!

أكيد الإمتحانات عاملة شغلها

ههههههههههههههههههههههههههه


وانا برده مش عارف هما ليه مش خايفين من ربنا

وبيقولوا ترخيص ومش ترخيض

وبجد مش عارف أقولك إيه والله

والله العظيم رووووووووووووووعة

بجد مش قادر أقولك أنا مبسوط أد إيه

وفرحان والله أوى أوى أوى أوى أوى اوى أوى أوى اوى أوى أوى اوى اوى اوى اوى اوى أوى


ربنا يباركلك بجد

والشعر دا ححفظه ورد وهطبعه واعلقه عندى فى الأوضة :)


بجد جميل جدااااا

وانا مستغرب والله .. إن انتى بتقولى إنك كاتبه متميزة وكذا حاجة

طب ما تعملى مدونة يا ستى

على العموم .. انا بتمنى إنك تعملى مدونة ليكى


شكرااااااااا ليكى على الشعر الحلو دا

أخووكى

إخوانى حتى النخاع يقول...

جنى


أكيد طبعا كل االكلام الى انتا بتقوله


شكراا ليك على التعليق


وأنا رايح أحط أهو لوجو الحملة إن شاء الله

وبارك الله فيكم

إخوانى حتى النخاع يقول...

سمسم

اهلا بيكى

وانا والله بكون سعيد أوى بتعليقك


انتى تعرفى .. الراجل الى طلعلك دا بقفطان وبيقولك انتى تصلى وبس

عاوز اقوله إن الصحابة كانوا يتصارعون فى المسجد

والمسجد دا كان مركز علم .. مش تصلى ومع السلامة

ربنا يهدى الجميع


شكرااا ليك على التعليق

وسعيد بتعليقك أختى

أخووكى

إخوانى حتى النخاع يقول...

روينا

اهـــــــــــــــــــــلا


هههههههههه .. شكل الإمتحانات عاملة شغلها معاكى


بس فين بوستاتك ؟؟!!

المدونة بتاعتك واقفة من زمان ..


انتى تعرفى .. هما غالبا يعنى بيقرأوا القرىن من غير ما يتدبروه او يعرفوا معناه


لأنهم لو عرفوا معناه عمرهم ما كانوا يتجروا يعملوا كدا


ويا رب يا ستى يبعد عننا الى بالى بالك


هههههههههههههه

شكرااا للتعليق

أخوكى

إخوانى حتى النخاع يقول...

همسات شاب


شكرااا لك أخى الكريم ...

وانا معاك إنها نعم الجماعة

شكراا ليك للزيارة والتعليق

أخوووك

إخوانى حتى النخاع يقول...

الزهراء

أهلا بيكى اختى معانا فى المدونة


والحمد لله إن البوست عجب حضرتك


وربنا يهدى الجميع ...

وخلى بالك .. انتى قولتى نقطة مهمة جدااااااا


هما طردوا والدك ومن معه .. يعنى مبعنى أصح ناس كبيرة

إنما كنا كلنا فى ألى ثانوى ومعانا المشرف الى هوا فى رابعة كلية


ربنا يهديهم ... أو يبدلنا ناس تحترم القرآن وشريعه الله


شكرااا ليكى أختى الكريمة على الزيارة والتعليق

أخوكى

إخوانى حتى النخاع يقول...

دواير

أهلا بيكى أختى ...

طبعااا ... انتى بتتكلمى على عصر الإنفتاح

لن الإنفتاح بيعرف الإسلام بأنه دين تأخر وإرهابى لتدمير البشرية وقيادتها للهلاك

******************

1_ هرد على اول نقطة حضرتك قولتيها

وطبعا عاوزين نقول إختلاف الرأى لا يفسد للود قضية

انا ممكن أوافقك إن فيه ناس بيرشحوا الإخوان علشان بيكرهوا الحزب الوطنى بس مش كلهم ولا اغلبهم ولا يجيوا 1%

99 % بيصوتوا و بيشجعوا وبيحبوا الإخوان علشان عاوزين يرجعوا الحكم والخلافة الإسلامية

وانتى زى ما قولتى الإخوان عليهم ضغط رهيب جدااا ومع ذلك فيه حاجات ملحوظة جدااا ... الحزب الوطنى دلقوتى بقا بيعمل ألف حساب لأى حاجة بيعملها وتعالى وشوفى مقرات أعضاء مجلس الشعب بتاعت الإخوان ... بيعملوا حاجات ملموسة والناسس كلها بتستفاد
وبيحركوا الشعب المصرى .. وبيعرفوا الشعب المصرى النظام على حقيقته
وطبعاااا بمشاركة حركات أو أحزاب او ناس أخرى

وبالنسبة للإضراب ... بالذمة لو الإخوان شاركوا كانوا هيشيلوا الليلة ولا لآ ؟؟

دا الإخوان مشاركوش .. ومجلس الشورى اتهمهم بإنهم هما الى عملوا الفوضى دى ؟؟

لو كانوا بقا شاركوا كان حيحصل إيه ؟؟

كان مليون فى المية 90 % من اعضاء الماعة هيكونوا فى السجون .

*************************

2_ أنا ممكن أكون معترض مع حضرتك فى النقطة دى

انا زى ما قولت إن كل الشباب الى ماسك أشبال والى مش ماسك بيحضروا لقاءات بيتعلموا فيها الدين حتى الناس الكبيرة .. حتى كمان الحاج الوالد .

وانا كذا مرة أشوف المشرف بتاعى وكذا شاب من شباب الإخوان عندنا بيقعدوا فى المسجد لوحديهم كدا بيذكروا ربنا وبيهتموا إن مفيش حد يشوفهم علشان لا يكون عندهم رياء أو أى شىء

*************************
3_ جميل أوى إن حضرتك طرحتى النقطة دى

بصى حضرتك .. كنت بسأل الباش مهندس على ( مدير مركز رؤيا للدراسات المستقبلية بالأسكندرية ومن قيادات الإخوان ) هل الإخوان لو أتيحت لهم الفرصة بأن يمسكوا زمام الحكم فى مصر هيمسكوها ؟؟
قالى لآ ..

الإخوان لزما الأول يهيؤا الشعب لحكم إسلامى ...

****************************


وطبعااا انا والله سعيد جداااااااا بالتعليق

وانا كنت كاتب الموضوع دا علشان يكون فى حوار
لأنى عارف إن فيه ناس مش من الإخوان بتدخل المدونة

وانتى والله مطولتيش ولا حاجة

شكرااااا ليكى للتعليق

أخوووووكى

إخوانى حتى النخاع يقول...

حطم قيودك

اهلا بيكى اختى فى المدونة

والحمد لله إن البوست بسطك


ولو عاوزة جهاز تانى نجبلك جهاز تانى :)


وانا والله بحلم إنى اكون مشرف أشبال

لأنى بحب العيال الصغيرة أوى


شكراااااا ليكى للتعليق

اخوووكى

إخوانى حتى النخاع يقول...

طالبة الفردوس


هذه يا أختى مؤامرة على دين الله


بس كلهم مش عارفين إن الله متم نوره


واول لما يكون الواحد فى حزب أو جماعة لزما ميكونشى متعصب ليها التعصب الأعمى

لزما يكون فيه حوار ونقاش

شكراا ليكى أختى للرد

أخوووكى

محمد حلمي مخلوف يقول...
أزال المؤلف هذا التعليق.
سمية-بنت البنا- يقول...

السلام عليكم ورحمة الله وبركاته


المدون الفاضل .. إخوانــي حتى النخاع ..


جعلكمـ الله عزوجل من السعداء دائما بإذن الله تعـالى ..

ورزقكمـ الجنـة ..

وجعلكمـ زخــرا للاسلامـ والمسلمين ..

ونحن سيدي بانتظار مسابقة شهر يوليو بإذن الله تعالي ..


وتشرفنا زيارتكمـ لمدونتي وإدرادجي الجديد ..


وبوركتمـ ..


__

أختكمـ ::
سمية_بنت البنا_

إخوانى حتى النخاع يقول...

محمد حلمى مخلوف


اولا دا لا يسمى إحترام

فيه ناس أختلفوا معايا فى الرأى بادب

لم يقولوا أن الإخوان سفهاء ولا أى شىء


بس أنا هرد عليك


بس ... انتا أول واحد يقول إن حسن البنا لم يكن له فكر


لو لم يكن له فكر لم ينشا جماعة والجماعة تدخل 22 دولة

لو مكنشى عنده فكر مكنشى هيتحارب

لو مكنشى عنده فكر مكنشى حيحى أمة


وعاوز أقول إن مفيش سياسية تنفع بدون دين .. ومش هينفع دين من غير سياسة



اديك مثال بسيط ... الرسول

مهو كان بيدير شؤن الدولة الإسلامية
مع الدين

مش هوا إدارة شؤن البلاد عمل سياسى ؟؟

يبقا اهو كان فيه دين وسياسة


دا ابسط رد ممكن أرد بيه على حضرتك

إخوانى حتى النخاع يقول...

سمية

أهلا بيكى اختنا الكريمة



وانا قرأت البوست وعلقت


وعلى المسابقة

أنا والله كنت ناوى ألغيها
حتى اانا شيلت الأسئلة

بس والله علشان حضرتك حضعها أهو أول لما اعلن الفائزين


وشكرااا لكى اختنا على المتابعة الطيبة


أخوكى

محمد حلمي مخلوف يقول...
أزال المؤلف هذا التعليق.
إخوانى حتى النخاع يقول...

محمد


بص أخى الكريم ... فعلا انا موت على نفسى من الضحك عندما قولت أنه بدون فكر

انتا شكلك ناصرى

فتعالا قارن ما بين رسائل البنا رسائل عبد الناصر

ونشوف مين الى عنده

موافق ولا مش موافق ؟؟؟

**********************
وفن التمكين دا بيقول إنك تاخد من العدو بقدر الممكن بالقدر الذى نرضى به . بس فى إطار الشريعة الإسلامية

عنى الان ممكن نحصل من اليهود على غزه فلنحصل عليه ولكن بدون تنازل او اعتراف ونترك الحصول على باقى فلسطين الى الاجيال القادمه والسنين القادمه المهم الا نؤسس لتنازل ولا نرضى باعتراف او ابتعاد عن ديننا وشريعتنا.
وهذا ايضا فى اطار استمرار المحاوله للحصول .عنى لا ننام ونركن للضعف ونقول هذا هو الممكن وخلاص .

*************************

وعلى حكاية أن الدولة الإسلامية كانت صغيرة

انا معاك إن الدولة الإسلامية فى عهد الرسول كانت صغيرة جداااا

ولكن بعد الرسول توسعت ومسكت العالم بأسره واتسعت املاكها الى الصين والهند وفرنسا واسباينا

وكان ذالك فى عهد الخلافة العباسية والأموية

مش بقا بنتكلم عن مصر بس

مصر تساوى إيه أمام الخلافة الإسلامية ؟

*******************

اما عند الحديث بتاع الرسول صلى الله عليه وسلم

معناه ان الاسلام دين الحريه والعقل وانه ترك للمسلمين ان يفكروا ويخترعوا ويعملوا وينتجوا فى امور دنياهم
يعنى لم ياتينا فى القران كيف يمكن ان نصنع سياره مثلا.
م يقل لنا الاسلام كيف نختار حاكمنا ولكن المسلمين هم الذين فكروا واعملوا عقولهم ووصلوا لاساليب ادارة الحكم.

لمهم كل ماسبق يكون فى اطار الشريعه الاسلاميه



يا ريت أكون رديت عن كل حاجة انتا قولتها أخى

محمد حلمي مخلوف يقول...
أزال المؤلف هذا التعليق.
إخوانى حتى النخاع يقول...

هههههههههههههههههههههههههههههههههههههههههههههههههههههههههههه


والله انا ما قادر أمسك نفسى من الضحك


طبعا .. انا طبعا مقدرشى أقارن البنا بعبد الناصر


لأن البنا لا يقارن بعبد الناصر

عبد الناصر كان بيقولوا فيه تعدد أحزاب

بس لو انتا شوفت الأحزاب أيامه كانوا اشتراكين كلهم بدون إستثناء


حسن البنا كان مؤسس أكبر جماعة إسلامية فى العالم


لو كان واحد معندهوش فكر عمر ماكان هيكون فيه أعضاء للجماعة أوفياء ليها


أضربك مثال بسيط ( الحزب الوطنى )

الحزب الوطنى معندهوش فكر يستميتون من أجله

يعنى لو اتحول ليسارى أو لبرالى أو إشتراكى أو أى حاجة الأعضاء هيقولوا وماله .. نسير مع المركب

كل دا علشان معندهوش هدف وفكر

إنما الإخوان يستميتون من أجل الفكر

وانا قولت ليك أقرأ رسائل البنا

**********************

وانا قولت قبل كدا ... الإخوة الكبار جدااااااا بيتعلموا الدين وبيكرروه علشان يتعاملوا بالدين

أديك مثال برده .. مع أنى والدى أخ كبير مع إنه برده بيقعد فى حلقات دينية

وانا قولت أمثلة كمان كتيرة جداااا لو كنت قريت التعليقات الفائتة

***************************

وعلى إن الإخوان قتلوا ومش قتلوا

فهات دليل واحد على إن الإخوان قتلوا شخصا واحدا

وانا اتحداك

محمد حلمي مخلوف يقول...

ههههههههههههههههههههه
عبد الناصر كان ايامه فيه تعدد احزاب الظاهر انك متعرفش حاجه عن التاريخ متعرفش ان عبد الناصر لغي الاحزاب وعمل حزب واحد

وبعدين ايه علاقة الحزب الوطني بعبد الناصر وبعدين انتوا مع الليبرالية الجديدة زي الحزب الوطني بالضبط اعتقد انكم مع الخصخصه
اخيرا وجدوا في العام 48سيارة جيب بها اسماء اعضاء الجهاز الخاص واماكن مخازن السلاح وفي العشرين من ديسمبر 48 اصدر النقراشي باشا رئيس الوزراء قرارا بحل الجماعه
وفي الثامن والعشرين من نفس الشهر تم قتل النقراشي باشا من قبل اعضاء الجهاز الخاص
وفي 13فبراير 1949 تم قتل حسن البنا بايعاز من السرايا
اتحدتيني يا بني ارجع للتاريخ بعدين اتكلم انتوا تاريخكم اسود اسود
و عبد الناصر ارتكب العديد من الاخطاء انا انتمي لافكار

إخوانى حتى النخاع يقول...

يبدوا أنى أخطأ ... ما بين السادات وعبد الناصر



المهم يعنى

يا حبيبى هذه أقاويل كاذبة

حتى الآن لم يستطع واحد إثبات هذا الكلام


والحمد لله الإخوان مش واخدين الدين صلبنطح ...

لو هما كدا .. كنت أول حاجة حمسح تعليقك

واشتمك .. بكل بساطة لأنك غلط فيهم


وحلوة أوى إن الإخوان عاوزين خصخصة



وانتا خلى بالك فيه حاجات كتير أوى مردتشى عليها


لو عاوزنى أقول عليها

قولى .. وانا أقولهم واحد أتنين وانتا تجاوبنى عليها واحد أتنين

aaahhmd يقول...

جدع مصطفى اقول لك
الناس تصنعك فى المكان الذى تصنع فيه نفسك

إخوانى حتى النخاع يقول...

ازيك يا أستاذ احمد ؟؟

شكراا ليك على التشجيع :)


إبنك

العسكري عتريس يقول...

دعوة لحضور المناقشة المفتوحة للمدونين عبر غرفة شرقاوي اون لاين علي البالتوك ، سيدير حلقة النقاش الاستاذ الدكتور إيهاب إبراهيم استاذ المسالك بكلية الطب وصاحب مدونة فليعد للدين مجده ، وذلك في تمام العاشرة مساء اليوم الجمعة 4 يوليو والدعوة لمناقشة موضوعات المدونين المختلفة .
اقرأ المزيد علي شرقاوي أون لاين موقع طلاب جامعة الزقازيق
http://www.sharkawyonline.com/Articalshow.asp?NewsID=2223&Categories_ID=17

قطــــوفها دانيــــــة يقول...

السلام عليكم...
ما شاء الله البوست جميل جدا وربنا يرزقك الاخلاص واوعى تزعل ابدا وتذكر قول الله عز وجل أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ }العنكبوت2
ولكن لى عندك رجاء انت وكل اخ اخوانى والله انا لست ضد الاخوان المسلمين بالعكس انا معجبة جدا بالنشاط بتاعهم وبمنهجهم واهدافهم بس رجااااااااء
بلاش تعصب لجماعة الاخوان ليس فى الاسلام تحزب او تعصب لفرقة معينة
جزيت خيرا وثبتك الله وايانا على الحق

رحلة بحث عن الله .. يقول...
أزال أحد مشرفي المدونة هذا التعليق.
رحلة بحث عن الله .. يقول...
أزال أحد مشرفي المدونة هذا التعليق.
إخوانى حتى النخاع يقول...

أختى قطوف

والله انا مش متشدد ليهم

لزما الواحد يكون وسط

لو انا متشدد ليهم مكنشى هيكون لجماعة الإخوان أنصار من أحزاب و ناس تانية


وشكراا ليكى على التعليق

محمد حلمي مخلوف يقول...
أزال المؤلف هذا التعليق.
محمد حلمي مخلوف يقول...
أزال المؤلف هذا التعليق.
إخوانى حتى النخاع يقول...

هههههههههههههههههههههههههههههههههههههههههههههههههههههههههههههههههههه



انتا الى شكلك مش بتعرف حاجة


دا انا الى مش هضيع وقتى معاك

smsm يقول...

فين البوستات الجديدة


انا دخلت بالعافية



علشان اشوف بوستاتك


يالا بقي


اختك

محمد حلمي مخلوف يقول...
أزال أحد مشرفي المدونة هذا التعليق.
قتيلة الطب يقول...

السلام عليكم
بسم الله
ازي الاحوال يا باشمهندس
ويا اخي انا في غياهب الطب
اسال الله ان يلتقطني بعض السييارة
ولا ابالي ان باعوني بثمن بخس اهو احسن من اللي لنا فيه
والله ما عارفين ناخد نفسنا
تخييييل لسه فاضل ثلات شهور كمان امتحانات
امتحانات وبسسسسسسس
ويا اخي ليس روعة ولا حاجه
ده علي قد ما قسم..بس الحمد لله انه عجبك ..كلل الله مسيرتكم بالجنة
ووالله هاعمل لوكان لي عمر وطلعت سليمه من السنه دي من غير شلل اطفال
مدونه ان شاء الله
بس افضي بس
ونسالكم الدعاااء لحسن والله محتاسيين خالص
جزاكم الله خيرا لاطرائك
صحيح..ولا خلي الموضوع ده للبوست الجاي
سلام الله عليك اخي المهندس

إخوانى حتى النخاع يقول...

سمسم


أهلا بيكى يا سمسم


وإن شاء الله بوست جديد حيتحط

وانا عارف إنك بتدخلى بالعافية

بس معلش

هكتبه اهوووو

شكرااا للمتابعة

أخووووكى

إخوانى حتى النخاع يقول...

محمد حلمى


انا طبعاا مسحت تعليقك لأنك تجاوزت حدودك


ومليش غير إنى أقولك ربنا يهديك

يابنى كل الحاجات دى مردود عليها


والحاجات دى حيطان مايلة انتوا والى زيكو بتسندوا عليها


كفاية بقا خرافات وكفاية ميول للحكومة ....

قال حسن البنا معندهوش فكر .... ههههههههههههههههههه

والله انتا موتنى من الضحك

إخوانى حتى النخاع يقول...

قتيلة الطب


أهلا يا دكتورة ... انتى شكلك خلالالالاص اتقتلتى فعلالالا


بجد ربنا معاكى

كلية الطب دى عذااااااااااااااااااااااااااااااااااااااااااااااب :)
علشان كدا مش عاوز أدخلها


ربنا يطلعك منها سليمة :)

وانا هستنى مدونتك ... والحمد لله اقتنعتى بفكرة إنشاء المدونة


وانا مستنيكى فى الموضوع الى جى تقوليلى الحكاية :)

شكرااا ليكى وللمتابعة


وشكراا ليكى للشعر .. بجد فنانة :))


أخووووكى