طردونا من المسجد ... ووجه نظر لشبل من أشبال الإخون المسلمين

السلام عليكم ورحمة الله وبركاته ........

هكلمكم النهاردة عتن موضوضوع مهم جدااااااا ...

بس قبلها لزما نتكلم عن موضوعين

أول موضوع :- انا كنت قولت للإخوة إنى ححط باقى الصور ... بس فيه أخ كلمنى

والأخ دا انا بحترمه جداااا وبعزه جدااااا ونصحنى وقالى لأ ... وقالى بعض الأسباب وانا فعلا أفتنعت بيه

فطبعااااا معلش جدااااااا ... سامحونى

***************************************************

ثانيا :- أحب اقول لوزارة الأوقاف ربنا يهديكم ... والله يسامحكم

لأنها بكل بساطة طردنا من مسجد الله .. الى هوا مسجد ربنا مش مسجدهم هما

وبكل بساطة كنا بنحفظ قرآن .. ومعانا المشرف بتاعنا الى هوا لسا فى رابعة كلية

وقاموا بطردنا من المسجد ... أحب أقولهم الله ينتقم منكم ..لأنكم لستم أهل للمحافظة على أوقاف الله تعالى

*************************************************

نكتب الآن فى الموضوع الأساسى بتاع الأسبوع دا :-

بما أنى شبل من اشبال الإخوان المسلمين ... واول لما أدخل النت والناس الى بيهاجمون الإخوان وبيقولوا عليهم

الإخوان المتأسلمون ... والكلمة دى معناها إنهم يأخذون الدين ليحققون بيه مكاسبهم .

فبما أنى شبل وواحد منهم من زمان جدااااا جدااااااا .... والحمد لله نشأتى نشاة إخوانية من أسرة كلها إخوان .

والحمد لله إنى كان عندى مشرف من سنة أولى إبتدائى ... عمرى ما شوفته بيقول الإخوان المسلمون

حتى لغاية سنة ثالثة إعدادى .

كل المشرفين الى مروا علينا ... كانوا يربوننا على الدين أولا

مكنوش بيقولوا إحنا الإخوان المسلمين ومفيش حد أدنا وإحنا الى مية مية فى مصر

دا حتى كان فيه ناس معايا فى اسرتى مكنوش يعرفوا إنهم ماشيين مع إخوان مسلمين

هما بس عارفين إنهم ماشيين مع واحد محترم ... عاوز ينشأهم على التربية الإسلامية الصحيحة

وماشى مع واحد عاوز حكم إسلامى ... عاوز الدين هوا الى يحكم .. مش قوانين الطبيخ الى بيعملوها دى بالخلطة

السرية بتاعت مجلس الشعب

كنا ممكن نتكلم عن حسن البنا ... بما إنه واحد غير كتير جدااااا فى مصر

واحد أسس جماعة إسمها الإخوان المسلمين .

وكان من الممكن إن فى كتاب الأنشطة الصيفية الى إحنا بنأخذه كل سنة فى الصيف وبنتنافس فيه أنهم يكتبوا حياة

الإخوان المسلمون

وللعلم .. الصبف دا إحنا اول مرة نأخذ لمحة بسيطة عن الإخوان المسلمون

لأن الكتاب يتكلم عن الجماعات الإسلامية فى مصر ... ومدا تأثير الجماعات فى الشعب

يعنى يمعنى أصح ... هما بيهتموا بالدين

علشان أول لما نكبر نعرف نتكلم بالدين ... نعرف نحكم بالدين الإسلامى

وعاوز أعرف الى مش من الإخوان .. إن بتاع الإبتدائى بيتربى على الدين والإعدادى والثانوى والجامعى وحتى لما

يتجوز وحتى لما الراجل يشيب .

كل أسبوع لزما يكون لهم على الأقل وقت للجلوس مع بعض و التكلم بالدين الإسلامى

يعنى والله مش بيخدوا الدين سبهلله ... ولا بيخدوا الدين مص شفايف

يعنى كمان إنهم بيطبقوا كل حاجة هما بيأخدوها

أديكم مثلا مثال على كدا ... كنت مرة عاوز اشترى فلافل والجرايد

فروحت لبتاع الفلافل وكان المشرف بتاعى بيجيب الفطار

فقالى جيبلى معاك الفلافل وانا اروح وأجيبلك الجرايد ( وبتاع الجرايد كان قريب جداا )

بس لقيته اتأخر جدااااا .. وبعد حبه لقيته جى .. قالى معلش

أصلى ملقتشى الجرنال الى انتا عاوزه عند الراجل الى على أول الشارع .. فجبتهولك من الراجل التى ( بعييد جداااااا جداااا عننا )

وكان ممكن يقولى ملقتشى الجرنال عند الراجل دا ...

بس شوفوا الأخلاق .. مع إنه أكبر منى بكتير جداااا وهوا المشرف بتاعى

فى النهاية عاوز أقول

أنى أفتخر بأنى من الإخوان .... والله يبارك فيكم

واكملوا المسيرة ولا تبالوا بالكلام.. فوالله إنكم لمنصورين

تووووو إن واااااان !!

السلام عليكم ..

فى الأول أحب أقول إن العلمية اتأجلت سنة كااااااااااااااااااااااملة

*******************************

انا بعت رسالة للأخوة من يوم أو يومان بأنى سوف أضع صور للحبايب " أمن الدولة "

بس أتأخرت حبة ... معلش

النهاردة هيكون معانا بوستين ... لأن البوستين مينفعوش يتأجلوا خاااااالص

أول بوست هيكون مع صور حبايبنا مع رجال أمن الدولة وهقول ليكم الموضوع

والصور التانية هتكون مع الهدايا الى جاتلى فى نجاااحى .. صحيح نسيت أقولكم الى انا نجحت الحمد لله

والصور دى كلها هتكون موجودة إن شاء الله معانا النهاردة

نبدأ ببوست رجال أمن الدولة

***************************

فى يوم الخميس الى فات كان هناك مؤتمر فى مقر عضو مجلس الشعب عن دائرة كفر الدوار بعنوان " لا لتصدير الغاز لإسرائيل "

وحضر فى المؤتمر ثلاث شخصيات محترمين جداااا وجزاهم الله كل خير

المهندس : على عبد الفتاح ( مدير جمعية رؤيا للدراسات المستقبلية )

الأستاذ : رفعت سيد أحمد ( مدير مركز يافا للدراسات الإستراتيجية بالقاهرة )

والأستاذ : حمدى أبو المعاطى (أمين الحزب الناصرى بكفر الدوار )

انا كنت محضر نفسى العصر علشان اروح المقر علشان أصور المؤتمر .. دخلت المقر بالسلامة

بس لقيت أخ بيقولى دا شكل فيه قلق علشان حجزوا كام اتوبيس

فروحت بصيت بصه من الشباك

لقيتهم حاطين أكمنه ... وأخ جاه وهوا بيقول دا بيفتشوا كل حاجة فى طريق المقر ويرجعوها

المهم يعنى من كل دا تعالوا نشوف حبة صور لامن الدولة

وانا حذفت بعض الصور الى انا كنت ناوى احطها ولكن لدواعى امنية ...

***************************************

ندخل على البوست التانى وهوا بوست جوااااااااااااايز النجاااااااح

طبعااا الى هيدخل لزما يجيب فى أيده خمسة كيلو قشر موز .. اتفقنا ؟؟!!

وانا طبعاااااا بحى ناس كتيرة جداااا فى حياتى .. بجد هما الى فرحوووووونى جداااااا بنجاحى

الوالد والوالدة وإخواتى الأتنين وكل عمامى وكل خيلانى وستى وكل حد خلانى سعيد أوى

وتحييييييية خاااااااااااااااااااااااااصة للحااااااج صاصا صاحب مدونة إحلم معايا

وبشكككككر كل الناس الى جم ليا ... وأقولهم ألف شككككككككككككككككككككككككككككككككككككككككككككككككككككر


والسلام عليكم ورحمة الله وبركاته

سيادة فى الكلـــــــــــــــــــوب ...!!!

السلام عليكم ..,,

أيضا قبل ما أبدأ فى البوست أريد أن اتكلم عن شيئين

أولا : انا محتاج لدعواتكم علشان هعمل عملية الأسبوع القادم .. فياريت تدعولى

ثانيا : حملة " لغتى هويتى " التى أقامتها مدونة آدم ويحيي ... والحملة رااائعة فعلالالالا

وأى شخص لديه إستفسار ممكن يدخل مدونة آدم ويحيي http://sunlightatnight.blogspot.com/

إن شاء الله نشارك فيها .... وجزاكم الله خيرا ...

***********************************

بسم الله الرحمن الرحيم ...,,

كثيرا ما نجد مصر تتكلم عن ما يسمى سيادة مصر ... وانها لن تتنازل عن سيادتها

وان سيادتها تعتبر كأعز ما تملك وتمثل عرض وشرف مصر ...

قولنا جميل جدااااا إن مصر تعتز بشىء عندها ....

ولكن يا روعة ما حصل ..... وكالعادة تنازلت مصر عن ما تملك والتى تتدعى أنها عرضعا وشرفها

نرى فى كل فترة فى الأخبار " مقتل مواطن مصرى برصاص جندى إسرائيلى بالقرب من الحدود "

وهناك أيضا خبر ولكن لم ينشر وكنت قد شاهدته فى مدونة مصر فى خطر أنه قد تم قتل فتاتين كانوا فى زيارة مدينة قرب الحدود

ولم نرى أى شجب .... لم نرى إصبح يرفع ويتوعد قاتل الناس

ولم نرى عين تنظر نظرة الصقر للذى لقتل الأبرياء

بل وجدنا أفواه صامته ... مبتسمه للذى يحصل

وجدنا إناسا صم بكم عمى ... لا يهمهم شىء

لا يهمهم شىء غير أنهم فى الحياة ... وشهواتهم تأتيهم حتى عندهم

ولكن ... الذى زلزلنا معبر رفح ... عندما قال الريس " سحلول " إننا لن نسمح لأحد بإختراق سيادتنا

كنا نرى هذا الخطاب وأفواهنا مفتوحة خمسون متر ... كيف يقول هذا الكلام ؟؟؟

أم أنه يظهر أمام إخوانه الضعفاء كالأسد الجسور .. ويقف أمام عدوه الأقوى منه كالكتكوت ؟؟!!!

لماذا تكلم أمام الغزاويين عن السيادة .. ولم يتكلم أمام إسرائيل عن السيادة ؟؟؟

أنا فعلا أعطى " سحلول " أسوء رئيس على مر التاريخ

ولا أقول له غير حسبنا الله ونعم الوكيل فيك يا " سحلول "

يا رب أجعله أسقل الساقلين .. واجعله يرى العذاب فى الدنيا وفى الآخرة يا رب العالمين

وانا أطبق عليه موقف لأمير المؤمنين سيدنا عمر _ رضى الله عنه _ عندنا أختار رجل ليتم له عمل معين

فقال له الرجل : والله ما قبلت لى ولدا قط

فقاله له سيدنا عمر : فوالله لأنت بأولاد الناس أل رحمة ... اذهب ولا تعمل لى عملا قط

هيا لنطبق الموقف على أرض الواقع ..

نرى أن " سحلول " يعذب شعبه كل يوم ... لم يفرحهم يوما واحدااااا .. جعل حياتهم أسود فى أسود

فكيف سيكون بشعب غير شعبه أكثر رحمة ؟؟؟!!!!

ممكن يكون تشبيه بسيط ..... ونقول فى النهاية حسبنا الله ونعم الوكيل

أستودعكم الله التى لا تضيع ودائعه ...

سبحانك الله وبحمدك أشهد أن لا إله إلا انت نستغفرك ونتوب إليك

بسم الله الرحمن الرحيم " والعصر إن الإنسان لفى خسر إلا الذين آمنوا وعملوا الصالحات وتواصوا بالحق وتواصوا بالصبر "

وأدى جزاء الى يفكر يتجوز فى بلدنا .. !!!

السلام عليكم ...

أديننا بدأنا أهو فى أول بوست حلو أوى من الى كنت محضرهم :)

قبل ما أبتدى البوست عاوز أقول على موضوعين

أول موضوع الإخوة والأخوات الى فازوا فى المسابقة الأسبوعية

1_ روينا _ مدونة فتاة الأندلس _

2_ مصطفى فارس _ مدونة إحلم معانا _

3_ مدونة رد إلى روحى

أحب أقوووووووولهم ألف ألف ألف ألف مبرووووووووووووووووووووووك

وإن شاء الله السؤال الجديد هيتحط مع الأسئلة الشهرية

والأجوبة بتتبعت على الميل MOSTAFA_YEHIA33@HOTMAIL.COM


* الموضوع الثانى :- انى عاوز اقولكم أنى هأخذ دورة فوتوشوب من أخ من عندنا

هتقوليلى أزاى ؟؟؟ هقولكم والله انا صليت ركعتين إستخارة وكان فيه إختيارين إنى اروح اسكندرية أو أروح عند الأخ دا
أول لما خلصت الركعتين لقيت موضوع الأخ مشى زى جاااااااااااااااااااااااامد

وقابلت الأخ دا وقالى ماشى وشاف تصميماتى ولقاها حلوة

وان شاء الله كمان حيودينى مكتب إعلانات ودعايا .... زى تدريبب

وانا حاسس إن كدا أفضل بكتير جداااااااااااااااااااااااااااااااااااااااااااااااااا

يلا ندخل على البوست

**********************************

دى حكاية شاب مصرى عادى زى أى واحد مصرى .... واحد بيحب الروشنة بيحب اللعب وهوا اسمه مصطفى , فى كلية الهندسة

تعالوا نشوفه حكايته إيه مع الجواز .


( - يظهر مصطفى وهوا لسا صاحى من النوم وبعد كام تمطيعة مشى كام خطوه لغاية لما راح المطبخ ومد أديه علشان

يفتح التلاجة ياكل أى حاجة كدا

* الوالدة : مش تخش يلا يخش الحمام تتشطف ؟؟؟

* مصطفى : ماشى يا جمممممممممممممممممممممممممممميل ... بس إيه رأيك وانا لسا صاحى من النوم ؟؟ ملاك صح ؟

- الحاجة الوالدة تحدف سلك المواعين الى فى أديها فى وش مصطفى

* مصطفى : مقبولة يا عسل .. بس ضرب الحبيب زى أكل الزبيب

- مصطفى يدخل الحمام يتشطف وبعدها يروح المطبخ علشان ياكل حاجة يتصبر بيها لغاية الفطار وينزل الكلية

* الوالد : هوا انتا يلا مش بتبطل أكل ؟؟ حياتك كلها فى المطبخ ؟؟؟؟

حراااااااام عليك ميزانية البيت بتخلص بسببك

* مصطفى : والله يابا انا باكل بس مش بضخن

* الوالد : انتا عاوز تتخن علشان تاكل إخواتك بالليل وانتا نايم؟؟!!

* مصطفى : لالالالالا .. متخفشى , انا باكل كويس قبل ما أنام بالليل

- يخرج الوالد وهوا عنده الضغط والسكر والمرارة

- مصطفى قاعد يدور على حاجات الكلية وعلى لبسه ... اشى يجيب البنطلون من تحت السرير والقميص من عند

الجيران والشراب من الحمام , وفجأة يرن جرس الباب

* محمد ( صاحبه ) : حبيب قلبى يا صفصوووووووووووووف .. عامل إيه يلا ؟؟!!

* مصطفى : كويس يا برنس .... بس أخبارك انتا إيه ؟؟؟ كويسة ولا إيه نظامها ؟؟

* محمد : انا والله كويس طحننن مووووووووووووووت

* مصطفى : وانا أخبارى النهاردة هناك سحابة سوداء فيها غيوم ولكن بعدها هيكون فيه طقس مشمس يا بااااشااااا

* محمد : ماشى يا عم الأمور .. يلا علشان الكلية

* مصطفى : انا نازل أهوووو .... خد بس لمعلى الجزمة دى علبال ما أدور على بقيت حجاتى الضايعة دى

- فى الأتوبيس محمد بيتكلم مع مصطفى

* محمد : انتا يلا مش ناوى تتجوز ؟؟

* مصطفى : لالالالالالا ... ابدااااااا .. العزوبية رااااااااحة

* محمد : ماشى ... إن شاء الله عنك متجوزتش

- مصطفى يدخل المحاضرة وجنبه زميله أحمد

* أحمد ( من بعيد ) : مصطفىىىىى ... مصطفىىىىى

* مصطفى : نعم ياااااض ؟؟؟ ... وبراحة حبة .. انا مش عاوز اتطرد النهاردة من المحاضرة

* أحمد : انا عازمك النهاردة على كتب كتابى

*مصطفى : : يابن اللذينة ... مهو انتا بقيت مثقف أهووووو .. هتكتبه عن إيه ؟؟!!!

* أحمد : يا عمى .. هتجووووووووووووووووووووووووووووووووووووز

* مصطفى : والله ؟؟!! .. يا بن اللذينة ... صحيح مهو ابوووك بسبس كات

ألف مبروووك يا باشا .. وعقبالنا

- مصطفى ذاااهب إلى البيت وهوا متحسسسسسسسسسسسسسسسسسسسسسسر جدااااا

* الوالدة : مالك يا طفطف ؟ .. فيه إيه ؟

* مصطفى : مفيش حاجة يا جميل

* الوالدة: لا والله ... فيه حاااااااااااجة .. دا انتا كنت فى بطنى تسع شهور وكنت أغتت واحد فىى عيالى .

* مصطفى : انا يا حاجة عاوز أتجوووووووووووووز من الآخر

* الوالدة : آآآآآه يا قلبى ... انتا قولت إيه ؟؟!! ... قولت تانى كدا

* مصطفى : إيه ياما .. انتى هتسمعينى نانسى عجرم ؟؟ ... بقولك عاوز اتجوز

* الوالدة : متقولشى يابنى الكلمة دى تانى احسن أمووووووووووووووووووووووت

* مصطفى : ليه؟؟!! انا قولت انا عاوز انتحر ؟؟

* الوالدة : بص يا روحى ... انتا لزما تشتغل الأول

* مصطفى: سهلة .. اشتغل حتى زبااال

* الوالدة : لزما تجبلك شقة فى حدود (50 , 60 , 80 ) ألف جنية

* مصطفى : يا ققشطة بالمهلبية .. دا انا محوش هما أربع تلاف بس

*الوالدة : عاوزلك بقا الدهب الى فى لفوووووووووووووووووق أوى

* مصطفى : يا حلالالالالاوة بالقشطة

* الوالدة : لزما طبعااا تهشتك العروسة بالهدايا كل يوم والمواسم والأعياد

- مصطفى يخلص القميص ويبدوا أن القميص تبلل من العرق

* الوالدة : ولزماااااااا كمان تعشيها فى فندق 8 نجوم

- مصطفى يسيح من العرق

* الوالدة : ولزمااا يا حبيبى تحوش فلوس علشان العيال الى هتيجى عاوزه لبس واللذى منه

- مصطفى يجرى ويشوف أقرب شباااااااك وينط منه .. الله يكرمك يا رييس

* الوالدة : يا عينى يا حبيبى .. دا الواد موت نفسه من غير ما اكمله عن العفش والبياض والسجاد والمقدم والمؤخر

وقاعة الأفراح و...و...و....و.....و....... إلخخخخخخخخخخخخخخخخخخخخخخخ !!!!!!