وقع لحرية أستاذ إبراهيم الزعفرانى ...

نحن نتضامن مع الدكتور إبراهيم الزعفرانى ....



شارك معانا بتوقيعك على الرابط الآتى



http://yallanefdahom2.blogspot.com/2008/01/blog-post_3398.html

الحكومة تنخر فى الشوارع .... !!!!

السلام عليكم ورحمة الله وبركاته .. ,,

وأنا ماشى فى الحارة بتاعتنا لقيت كدا بلدوزر ماشى ومعاه عربيات تابعة لشركة المياة

انا استغربت ...مش معقولة يعنى الحكومة حتيجى فى الشتاء القااارص دا والدنيا مبهدلة وتيجى تحفر وتنيل الأرض أكتر ما هيا متنيلة

لكن لقيتهم فعلا شغالين حفر علشان يركبوا مواسير المياه .... وطبعا الأسفلت اتشاال بعد لما فرحنا ان الأسفلت اتعمل بس يا فرحة ما تمت خدتها الحكومة وطارت

طبعا أول لما حفروا ... حفروا ولم يردموها , وتركوها عااااادى جدااا .. وطبعا العربيات بتخاف تنزل المنطقة دى والتكسيات بالذات خوفا من أن يحدث شيئا فى العربية .

مش كدا وبس ..... دلقوتى يصعب عليك وانتا بتشوف السيدات الكبار فى السن وهن يعبرن الطريق إلى بيوتهن....

وبرررده مش كدا وبس ... دا هما حافرين فى الشتاااااااااء

وانا كنت أخذت صورتين للحفر ... ولكن بعد لما الجو اتحسن ..

بس عاوز اسأل الحكومة كام سؤال ...

انتوا ليه بترصفوا الطرق وبعدها تحفروا للمياه .... وبعدها ترصفوا وتحفروا للكهربا .... وترصفوا وتحفروا للتليفونات................الخ

مش دا برده إهدار للمــــال العام ؟؟؟!!!

للعلم : المنطقة الى بيحفروا فيها من أرقى المناطق ... ودلقوتى جعلوها من أعفن المناطق لدرجة ان لو انت قولت لسواق التاكسى ودينى الحتة دى هيقولك والله العظيم مانا موديك ..

الحصول على رغيف عيش اصبح في نطاق المستحيل

النهارده وانا كنت ماشي من امام مخبز عيش شفت منظر غريب اكد لى ان ما يقال عن رغيف العيش صحيح مائه بالمائه فقد رايت اناسا يقفزون على بعضهم البعض ويتزاحمون ويتشاحنون من اجل الحصول على رغيف العيش واكيد لازم كل واحد يطلع من الوقفه الهم دي وهو معاه على الاقل بنص جنيه عيش
وانى لهم ذلك ؟
فميعاد اغلاق الطابونه غالبا ما يكون الساعة الثانيه ظهرا وما زال هناك اناس لم يحصلوا على العيش

وبينما كنت اتأمل في منظر الناس اللي بيتخانقوا على العيش لقيت واحده ست متقدمة في السن طالعة من بين الصفوف تلهث من التعب وهي تقول "يا رب هو كل يوم عل الحال ده"
تخيل مش مصدقة ان كل يوم هيبقى على الحال ده امال لو عرفت انهم هيشيلوا الدعم من على رغيف العيش
واخيرا نقول حسبنا الله ونعم الوكيل لـ كل من تسول له نفسه سرقة المال العام وكل من تسبب في هذا البلاء