الاثنين، 7 يوليو 2008

تاجاااااااااااااااااااااااات .. !!

السلام عليكم ...
معلش والله على تاخير البوست دا لأسباب طااارئة
المهم يعنى ... إن شاء الله البوست بتاع النهاردة كله تاجات
واحد من الاخت نورا والتانى من الحاج النجم القادم
***********************
فى الاول أحب أخبركم أنى الحمد لله قدمت للثانوية العام وطبعاااا بالذل .. لأن كانت أعداد مهووووولة
وعلشان تدفع المصاريف لزماا تقف فى طابور ألعن من بتاع العيش
وعلشان تقدم هتقف طابور ألعن منه .. يعنى أنا روحت الساعة تسعة الصبح رجعت الساعة أتنين الظهر
وطبعااا ربنا يعينا
************************
وعاوز أقولكم بس نكته واحد قالها فى البوست الى فات .. وهتضحكوا منها أوى
بيقول إن الإمام حسن البنا ملهوش فكر ... ومش بيعرف حاجة عن الفكر

*************************
وعاوز أشكر الأخت عاشقة الطب وصريعته على الشعر الجميل أوى الى كتبته ليا ...
ويا ريت يا جماعة تدعوا ليها ... علشان بتمتحن وشكلها اتقتل :)
وأقولها ربنا يوفقك إن شاء الله
*************************
ندخل بقا فى التاجات الحلوة أوى
نبدأ من الأخت نورا بتاجها الجميل دا

س1 : أذكر خمس أحلام على الاقل ..تخص ماضيك وتحلمفيها بتغيير اشياء ..ماذا ستعدل وماذا ستترك؟؟
* انا كنت بحلم فى الماضى أنى أكون منشد
وكنت بحلم كمان أكون لعيب كورة قدم
وكنت بحلم أن ماما تولد واد بعديا ( علشان مكونشى فى ذيل الأمم ما بين إخواتى )
برده كنت بحلم إن يكون ليا إخوات بنات
وكنت بحلم إنى أستنا فى طفولتى


س2 : أذكر خمس أحلام على الاقل ..تخص مستقبلك
انا بحلم إنى أطلع أشطر مهندس كمبيوتر أو احسن مصمم جرافيك فى العالم
وبحلم برده إنى أكون فى فلسطين وأقاتل مع حماس
وبحلم إنى أموت شهيد وبحلم كمان إنى اروح القدس واكون مع الجيش الى بيحررها
وبحلم أن ربنا يرضى عنى
وبحلم إن مصر تدعود قوية مش بتخاف من حد
وبحلم إن ربنا يهدى الحكومات العربية أو ياخدها



س3 :أذكر شخصين على الأقل غير متواجدين فى حياتكحاليا كنت تود وجودهم الان او فى حياة اولادك مستقبلا
انا بتمنى إن يكون موجود معانا الشيخ وجدى غنيم
وبتمنى أيضا أن يكون موجود فى حياتى شخص من كتائب القسام لأشم عبق الجهاد و الحرية منه


س4: أعطيتك ثلاث وردات .. من هم الثلاث الأشخاصاللى هتهديهم الورد اللى معاك ؟؟
وردة لأمى
ووردة لأبى
ووردة لمشرفى


س5 : لو أعطيتك ورقة بيها 3 سطور فقطو قلت لك أكتب فيهم اللى أنت عيزه هتكتب إيه ؟؟
أى حد انا غلط فى حقه يسامحنى ... وانا بجد بجكم كلكم
ويا رب يخليك ليا يا مشرفى يا غالى .. وانتا أفضل مشرف فى الكون
ويا رب يا أحمد ومحمد يتم ليكوا الجواز على خير


س6 : ما هو هدفك فى الحياة ؟؟
هدفى إنى أحاول أرضى ربنا بقدر الإمكان علشان أدخل االجنة



إن شاء الله بكرة هيكون أحسن من النهارده"
س6 : هل تصدق هذه المقولة ؟؟ و لماذا ؟؟
أنا طبعا مؤمن بهذه المقاله ...علشان الكلمة دى بتخلى الناس تجاهد علشان بكرة يكون احسن من النهاردة

س7 : أجمل مقولة سمعتها فى حياتك ؟؟
مقالات كتير جدااا عجبتنى بس والله ما فاكر حاجة دلقوتى :(


س8 : من المغنى اللى بتحبه أوى و إيه أحلى أغنية ليه بتحبها ؟؟
هيا فرقة اسمها فرقة الوعد ... واحسن نشيد ليها بتاع يا قدس إنا قادمون


س9 : غزة" تمثل لك إيه فى حياتك ؟؟"
ياااااه ... غزة دى بتمثل حاجات كتير جوايا بتمثل الأم الحنونة مهما اشتد الحصار ترضى بخبز وزيتون
مش بترضى العيش بالذل .. حتى لو ضحت بولادها كلها
رمز العزة والكرامة ..
واشرف مدينة فى العالم كله .. لأنها لم تمد يدها


س10 : أعطى لإنتمائك لوطنك درجة من مائة ؟؟
انا والله بحب مصر دى من كل قلبى .. وبحس بالأحاسيس دى أول لما أسمع أى أنشودة بتمدح بمصر والتغير والإصلاح


س11 : لو تزوجت و أنجبت بنتين و ولدين أى الأسماء تختار لهم ؟؟
الأولاد ( خالد ومصعب )
البنات ( حبيبة وشهد )


س12 : عمرك غشيت فى أمتحان و انت صغير ؟؟
الحمد لله .. لا


س 13 :لو أتعرض عليك رشوة كبيرة و انت فى زنقة ماليه هتعمل إيه ؟؟
مش هقدر آجد الرشوة ... لأن ربنا هوا الى ادان الفلوس وممكن ياخد منى فى ساعتها فلوس الرشوة تانى


س14 : قول 3 صفات ب 3 كلمات بس توصف بيهم شخصيتك
هادى , رومانسى , مبتسم


س 15 : برضه بكلمة واحدة ايه اهم صفة عايزها في شريك حياتك
مش هينفع .. بس هقول كل الصفات اى فى بالى ( متدينة _ هادية _ طيبة _ بنت ناس محتريمن _ تتقى الله فى زوجها _ رومانسية _ مش بتزل بسرعة )
دى الحاجات الى فى بالى .... ثم أنى مين الى قال السؤال دا ؟؟؟!!! ههههههههههههههههههه


س16 : ايه المجال اللى غير دراستك وشايف نفسك فيه قوي
انا طبعااا لسا مدخلتش كلية ... بس لو نفترض إنى دخلت هندسة كبيموتر
يبقا نفسى أكون مدرب كمال أجسام


س17 : بتحب السفر؟
جداااااااااااااااااااااااااااااااااااااااااااااااااااااااا
س 18 : طب دلوقتى حالا ايه المكان اللى نفسك تكون فيه
نقسى أكون أدام الكعبة
س19 : تمرر التاج ده لمين ؟؟
مدونة باسمك نحيا

مدونة مش هسكت

مدونة رحال

مدونة احلم معايا

مدونة اوعى تفكر .. بس هوا غالبا كان جاوب على ما اعتقد على التاج دا قبل كدا

مدونة مصر فى خطر .. عبدو هيجاوبوا وسارة هتجاوبوا

مدونة رد إلى روحى

مدونة بنت البنا

مدونة دواير

مدونة حطم قيودك

و مى مى

و المبرمج المحترف

ويوميات مظلومة
أشكر الأخت نورا على التاج الجميل دا والكبير ..هههههه
************************************************************
ندخل فى تاج الحاج النجم القادم
س1 : مانظرتك للبنات ذات الملابس المخالفة للإسلام؟
والله النت دلقوتى وهيا نازلة الشارع بتكون عارفة إن الشباب بتوع اليومين بايظ ..
فأكيد لو واحدة محترمة هتمشى بلبس محترم زيها علشان متتعاكسشى إنما لو واحدة ماشية بمحزق وملزق يبقا هيا عاوزة تتعاكس .. وبالتالى مش بتكون بنت محترمة وعيب كبير يقع على أهلها لأنهم أزاى يخرجوها باللبس دا
دا والأكتر من كدا .. كانت فيه واحدة معايا فى الدرس لقيتها ماشية مع أبوها بفستان قصير جدااا
مع العلم إن المنطقة بتاعتنا معظمها أرياف
س2 : هل تحكم على اي بنت بمجرد النظر الي لبسها ؟ وماهو معنى الاحتشام عندك ؟
لا .. بس لو كانت لابسة لبس وحش يبقا هيا وحشة .. إنما لو كانت لابسة حجاب مقدرشى احكم عليها
لأن ممكن البنت تكون وحشة بس لابسه كدا علشان أهلها ضاغطين عليها
والتحشم من وجه نظرى .. إن البنتة تكون صاينة نفسها من كل حد ممكن يتعرض ليها إذا كان باللبس المحتشم وأخلاقها وإلتزاما بالشارع
س3 : مامدى تاثير اصدقائك على طباعك وشخصيتك؟
فيه صحابى لو شافونى بعمل حاجة خير .. بيتحمسوا وبيدخلوا معايا
أو ممكن يتصرفوا تصرف وانا بحاول انصحهم وهما بيقتنعوا
س4 : أترى ان الغزو الفكرى أحد الاسباب التى ادت الى هذا الوضع؟
اكيد .. الفكر الغربى
الغرب والله مش بيهمهم الناس الكبيرة .. لأن الناس الكبيرة بعد كام سنة هترحل عن الدنيا
بس هما بيحاربوا الشباب .. علشان أول لما أمريكا تدخل مصر إحنا نقولها أهلا وسهلا
فالفكر الغربى هوا السبب فى كل دا
س5 : هل تدخل اسرتك في انتقاء ملابسك يضايقك ويقلل من شأنكويسلبك حريتك الشخصية؟
انا عن نفسى بدخل فى حوارات كتير مع أسرتى أول لما يجيبوا ليا لبس جديد لأنه فى فساعات مش بيعجبنى :)
بس أهو بيعدى وبلبسه .... فمش لدرجة إنه بيسلب حريتى
تشكر يا نجوووووووووم على التاج الحلو دا :)
وبكدا نكون خلصنا النهاردة :)









هناك 48 تعليقًا:

جمعاوى يقول...

كنت بتحلم تكون منشد ؟؟؟؟؟؟؟؟؟؟؟


طيب إزاى ؟؟؟؟؟؟؟


هو إنت مش بتسمع صوتك خااالص !!!!

===========

موضوع ماما تولد بعديك ده مش علشان ماتكونش فى ذيل الإمم يا معلم ده علشان تلاقى حد تعمل عليه ريس زى ما أحمد و محمد بيعملوا معاك ...صح ؟


و بعدين أوعى تكون ماما قرت ابوست ده ..!!!!
================

و أكيد بتدعى لإخوتك ربنا يتم زواجهم بخير علشان يفضوا لك الأوضة ...ًصح ؟

===========

و بعدين بالله عليك إنت هادىء إنت ؟؟؟؟

ياراجل حرااام عليك ...!!!

============


أكتر حاجة فطستنى من الضحك إنك عاوز تطلع مدرب كمال أجسام


ياراجل ....فكنا



حبيبى يا درش و الله

ريمان يقول...

السلام عليكم

انت ورطتنى فى التاج ده

بس حاضر من عنيا والله

همسات شاب يقول...

ليك عندي واجب يا جميل .... تعالى حلو

الواجب عندي في المدونة

أخوك همسات

رحـــــال يقول...

لبينا النداء يادرش ..:)

بس انا مش عارف ليه دايما الجدع الروش دة مستقثدك علطول ...؟؟؟

ايه الحقد دة ...ههههههه

والله يادرش اتمنى لك التوفيق في كل ماتمنيت واسال الله ان يعطيك اياه ..

وسلملى على احمد ومحمد .. وقولهم يستعجلوا شوية فى الجواز .. وياريت الاتنين فى يوم واحد ..:)

على فكرة انا حبيت المشرف بتاعك من غير ماشوفه لحبك الكبير ليه ..

سلملى عليه بردة ..

أخــوك :)

Unknown يقول...

بجد جامد البوست دا والله شكرا ليك وشكرا لمرورك على مدونتى

aaahhmd يقول...

ايه الجمال دا يادرش ولا اقول باش مهندس افضل بوست جميل ومعبر عن مكنونات شخصيتك المرحةوالمنطلقة صحيح الصوارتين اللى سئلة عنهم في المدونة عندى لى اثنان اثرو فيه اوى هما الاستاذ الراشد والاستاذ مصطفى مشهور

إخوانى حتى النخاع يقول...

جمعاوى روش طحن


أزيك يا معلمى ؟؟


وانا أحلم الى انا عاوزه ... دا صوتى أجمل صوت فى العالم

ههههههههههههههههه


*******************

واكيد طبعاااا مكنتش عاوز اكون فى ذيل الأمم علشان اطلع العذاب الى بتعذبه من إخواتى الأتنين :))

ومتخفشى ... انا مش متراقب :)

***************************

انا والله عاوزهم يفضولى الكمبيوتر والأوضة والبيت كله ..ههههههههههههههههههههههه

*****************

وانا هادى جدااااااااااااا ... انتا بقا متعرفنيش كويس :)

اسأل كل حد بكله فى الشات ... انا احسن واحد هادى
هههههههههههههههههههههه

***************************


وليه فطسك من الضحك ؟؟


عاوز بس أقولك الى انا عما قريب هروح بطولة كمال أجسام

ونشوف مين الى هيضحك

ههههههههههههههههه

إخوانى حتى النخاع يقول...

ريمان


طب دا انا مطورت فى تاج تانى أهو من همسات شاب

هههههههههههه

دى سنة الحياة .. هتعملى إيه ؟؟؟!!!

وتشكرى على الرد .. وعاوزين بقا نشوف إيه حكاية العدوانية للجنس الآخر

بس أنتى أكيد قصدك الجنس الثالث مش الشباب صح ؟؟!!!
هههههههههههههه

إخوانى حتى النخاع يقول...

حبيب قلبى همسات شاب


ازيك يا معلم


انا مش عارف ليه التاجات بتنزل مرة واحدة كدا علينا



بس هجاوبه البوت الى جاى .. ولا يهمك يا باشا


وتشكر للتاج

أخوووووووك

إخوانى حتى النخاع يقول...

رحال

تشكر يا أستاذى على تلبية النداء :)

وانا برده مش عارف هوا ليه بيستفذنى كدا ليه ؟؟!!!

زى ما بقتلو ... الحقد بيدخل فى القلوب

هوا أول لما الواحد ينط فوق بمجهوده وعرف جبينه .. كل الناس تهاجمه :)

وشرااا للتشجيع .. مش زى ناااس

والله يسلمك ... ويا رب يخلصوا النهاردة قبل بكرة .. علشان استفرد بابيت حبة :)


وإن شاء الله هسلملك على المشرف بتاعى


أخوووووووووك

إخوانى حتى النخاع يقول...

المبرمج المحترف



ازيك يا باشا ؟؟


بس أوعى متاوبشى على التاج

لزما تجاوب عليه

انا مستنيه

يلا

سلالالام

إخوانى حتى النخاع يقول...

أستاذ أحمد ...


ازيك يا أستاذ أحمد ؟؟


والحمد لله إنه عجبك

و طبعااااا الشخصيتين دولت ربنا يكرمهم جداااااااا ... فقد كانوا رمزا للإخوان المسليمن


شكرااا ليك يا باش مهندس على التعليق :)


أخووك

طلاب من أجل مصر يقول...

السلام عليكم
مصطفى البوست الصراحه جميييل-ربنا يبارك فيك -

بس طموحك المستقبلي احسن من الماضي بكتيير وده معناه ان تفكيرك كبييير

وهدفك اسمى هدف في الحياة -رضا الله سبحانه-0

والصفات اللي وصفت بيها شخصيتك برده راائعه والاروع صفات شريكة الحياة -بس انت طماع قوي ههههه حاطط كل الصفات ومفيش حد يخلو من الخطا ربنا يرزقك بيها

تدخل كلية هندسة كمبيوتر ..وتبقى مدرب كمال اجسام تيجي ازاي ..ممكن تيجي!!0

بتحب السفر -زي ابن بطوطه يعني كان برده بيحب السفر -يريت تقلنا موقف حصلك في السفر او سفرة متنسهاش -سؤال تاني يعني معلش بقه رخامه -0

يااااارب يا كريم يحققلك امنيتك الجميله دية -انك تكون عند الكعبه - اخلص النيه وربنا هيرزقك

ولا احجزلك من عندنا ههههههه مشهغتلى عليك ..فكر وقلنا ههههه

وانا بقرا اجاباتك كنت عماله اقول في نفسي ده لو الاسئله دية اتسئلتها انا هقعد فيها كتييير ويمكن نصها مش هحلها ..في الاخر اتصدمت لقيتك بعتهولي ..ماشي ولا يهمك هحاول احله
-ربناااا المستعااان-
***********************
نظرتك نظرة كل الشباب اكيييد لانه فعلا كل واحده عارفه انها لو لبسها مش اسلامي هتتعاكس ..طيب في بنات بتقول -وانا الحمد لله مجربتش كده- بتقول ان الشباب بيعكسوا حتى المحجبة انا رديت عليهم ان مش اي واحده لبسه طرحه يبقى اسمها محجبه صح ولا ...؟؟

وجهة نظرك لاحتشام جميله جدا
وانا عندي سؤال
س/لو عندك اخت هتخليها تلبس الحجاب من سن كام؟؟وتلبس الحجاب الزاي بمعنى طرحه +بنطلون ولا جيبه ولا جمار ؟؟-واضح السؤال..

وحلو جدا ان انت اللي تاثر في صحابك مش همه اللي ياثرو عليك -ربنا يلهمك كلمة الحق-0

كلامك كله يدل على ثقافتك العاليه وتربيتك الاسلامية واخلاق وتعامل راقي
.. ربنا يوفقك ويحفظك ويخليك لاهلك وامتك ووطنك..ويحققلك امانيك ..وتتجوز هههههههه

تقبل تحياتي
س ا رة

إخوانى حتى النخاع يقول...

اختى سارة


الحمد لله إنه عجبك البوست دا ...

والحمد لله إنى طموحى كل لما أكبر بيزيد .. ودا إن شاء الله يخلى ليا يطموح عالى فى مستقبلى إن شاء الله

******************
وإن شاء الله يكون هذه الهدف السامى يتحقق

******************
وعلى صفات شريكة حياتى .. دا أنا يا بنتى لسا مقولتش حاجة
ههههههههههههههههههههههههه

هيا طبعاا اهم حاجة الإلتزام وتكون فى نفس تفكيرى ونفس المستوى

والحاجات التانية ممكن تتغير تتغير لو كانت بتحبنى .. لأن الى بيحب واحد بيعمل ليه أى حاجة هوا عاوزها
حتى لو هيرمى نفسه من بلكونة الدور الأول :))

*******************

ويا ستى على حكاية مهندس كمبيوتر ومدرب كمال أجسام

السؤال بيقول طموحك التانى .. يعنى لو انا مطلعتش مهندس ممكن اتجه لأنهو شغلانة

***********************

انا والله نفسى كدا أروح الكعبة .. بتمنى

وانا ححجز عندكوا ... انا موااااااافق

آجى الساعة كام ويوم إيه ؟؟؟؟ :)

*******************************

مهو انتى لزما تحلى الأسئلة ... وانا والله قعدت فيها كتير جدااااااا

لزما تحليها .. وانا مستنيكى

*****************************

اكيد طبعا زى ما قولتى وانا قولت برده إن البنت الى بتلبس كدا بتكون عاوزة تتعاكس

وزى ما قولتى مش كل واحدة لابسه طرحة تبقا خلاص ستنا الشيخة

وانتى فكرتينى بموقف انا شوفته .. واحدة غالبا فى سنى ولابسه حجاب كامل

بس ماشية مع واحدة وفى الطريق العام ومشغلة الموبايل على الأغانى بتاعت اليومين دولت


*******************************

على حكاية ألبس بنتى الحجاب فى سن كام ؟؟

فانا عاوز بس أقول إن بجد البنت بتكون عهسوولة جدااا وهيا فى الحجاب وهيا صغيرة

والله العظيم بكون معجب جدااا بالبنت الصغيرة وهيا لابسه الحجاب بتاعها

انا بقا هلبس بنتى طرحة من أول مثلا سنة تالتة ... وبعدين فى الإعدادى تبقا تلبس الحجاب بتاعها

وطبعا هيكون جيبة وخمار

**************************************

وشكرااا ليكى أختى على ذوقك دا

***************

ياااااااااااااااا رب يسمع منك :))


شكرااا لكى أختى على التعليق الحلو دا

والله سعيد جداااا بالتعليق دا

أخوووكى

walaa rizk يقول...

طب أعلق على آيه ولا آيه

اجاباتك جامده اوى

على فكره لما أخواتك هيتجوزوا هيفضى البيت أينعم

لكن صدقنى مش هتلاقى حد ترزل عليه وترخم عليه

زى حالاتى كده

على فكره الصغير مش فى دليل الامم
الصغير ده اخر العنقود

زى حالاتى كده

اخر بهدله

ربنا معاك

بس بجد اجاباتك عاجبتنى

كنت نفسى أعرف انت فى سنه كام

والحمد لله عرفت

الله أكبر على اشبال الاخوان ايوه كده

عايزين اشبال بجد

ربنا يكرمك ويوفقك

وادى للدعوه على اد ماتقدر وان شاء الله ربنا هيفتح عليك جامد

ربنا يخليلك المشؤرف بتاعك

دمت بخير

إخوانى حتى النخاع يقول...

عاشقة الأقصى


يا سبحان الله

دا أنا أول لما خلصت تعليق عند حضرتك لقيت حضرتك علقتى عندى


المهم يعنى

*********

بس أول لما يفضى هيكون احسن

المشكلة الى هوا مش هيفضى غير بعد تلت سنين ... يعنى أول لما أخلص الثانوى العام


مش مكشلة .. أهو زى ما قولتى

نرزل حبة عليهم كداااا


*************
وانا خلى بالك برده أصغر واحد فى عيلتى من الصبيان

وأصغر تانى واحد فى العيلة بعد بنت عمى

وبجد الصغير بيكون متبهدل مووووووووووووووووووووووووووووووووت

بيبقا شغال عند إخواته ... وأول لما يطلب منهم طلب يقولوله لأ

أكيد بيحصل معاكى كدا :))

******************

ولو مكنشى أشبال الإخوان كدا ... يبقا مين الى هيكون كدا ؟؟!


شكرااااا ليكى على التعليق

أخووووكى

ahmed saker يقول...

السلام عليكم
اجابات كلها جميلة و موفقة
الا قولي صحيح
هي الوالدة جابت اخ صغير و لا انت لسة الدلوعة
هههههه
شكر لك

ريمان يقول...

انا عملت التاج

وانت اول واحد هتعلق

يلااااااااااااااااااا

عمرو المصري يقول...

السلام عليكم
انا اول مرة ادخل هنا
لكن
ماشاء الله
مدونة ممتازة
واجابات رائعة جدا
وكلام الرجل يدل علي شخصه
ربنا يكرمك ويوفقك
جزاكم الله خيرا



===============================================

نداء
من
الواقفون خلف الجدار
الي
كل من يسمع ندائهم
هل لنا من وقفة ؟؟؟؟
الواقفون خلف الجدار
تابعون فقط
علي
ارض الحرب

mthlykaweyy يقول...

كيف حالك
مدونتك جميله رغم اختلافى معك
انا ملحد لا اؤمن باى اله او دين
لقد رايت قريبا الشيخ جمال البنا
فى سؤال له عن الاخوان ؟
قال دول شويه هلسيه عاوزين الحكم وبيضحكوا على عقول الشباب وبيستخدموا عاطفتهم عشان يجيشوهم

اتمنى تحرر عقلك من كلام الشيوخ والاخوان الذين سلبوك اعز شىء لديك
وهى حريتك

تحياتى
ملحدمثلى قوى

رُدَّ إلى َّ روحى يقول...

جميل اوى البوست ده بجد

ماشاء الله يا باشمهندس

قطــــوفها دانيــــــة يقول...

السلام عليكم...
ربنا يعزك كلام جميل ربنا يثبتك ونشوف فعلا الاقصى بتتحرر على يدى شباب الاسلام قريبا

Unknown يقول...

ايه دا انا اسمى هنا :)

مبروك اولا ع التقديم...ويارب بقي مجموع كبير وكليه حلوه مستقبلا

احلامك جميله اوى ربنا يحققهالك...وكلامك عن غزه اجمل....ربنا يفك كربها وحصارها يارب

بارك الله فيك.. واستعملك لدينه ويارب تبقي اخ جامد مسئول كده مش اى كلام..وبوادر كده واضحه عليك ماشاء الله ربنا يثبتك

بجد..ربنا يكملك بعقلك....ودايما في تقدم اخى الصغير

اوعى تفكر يقول...

هو انت لسه شوفت حاجه
دى البدايه بس
ده انت لسه هتشوف فى الثانويه
التاج كان عندى ياباشا من الاول

غير معرف يقول...

السلام عليكم
ازيك يا مصطفى
ربنا يحققلك كل أمانيك يا درش ودعواتك معانا

eman alaa eldin يقول...

السلام عليكم ورحمه الله وبركاته

هذه حملتك أتينا بها إليك
إلى متى الصمت

إلى متى نترك أمورنا يحمل همها غيرنا
فنحن لها إن شاء الله

مهما قالوا ومهما زيفوا الحقائق فتلك عقولنا باقية

ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا

أنشروا لوجو الحملة ورابط المدونة والجروب لديكم

حثوا كل من تعرفوا على المشاركة والتفاعل

هدفنا ان نصل مليون فرد وسوف نصل أن شاء الله

بيك وبينا وكل امتنا هنعلنها ونقول

أنا بحب الإخوان

http://iloveikhwan1928.blogspot.com/

همسات شاب يقول...

اجاباتك مميزة جدا .... ربنا يكرمك يا اخي

ابن ادم يقول...

سلامو عليكم ..

معلش بقي انا جديد علي مدونتك بس عديت علي اغلب المواضيع اللي في الارشيف :) .. كنت عاوز اعلق علي كام حاجه بس قلت خلينا في الجديد .. :)


هقولك علي حاجه و ماتزعلش ..
مش عارف ليه حاسس انك بني ادم لمض ..

مع ان انا كمان ابن ادم .. بس ما علينا



تشرفت بالمرور من هنا يا باشا :)

إخوانى حتى النخاع يقول...

أحمد

عامل إيه يا باشا ؟؟

ولسا يا عم

الحاجة الوالدة مجبتشى حد نغنوغة

انا النغنوغة لسا :)

تشكر يا باشا

أخوك

إخوانى حتى النخاع يقول...

ريمان

انا شوفت التاج

وإجاباتك متميزة :)


أخوكى

إخوانى حتى النخاع يقول...

عمرو المصرى

أهلا بيك يا عموووووور


وشكرا ليك يا باش على التعليق والزيارة

وإن شاء الله نتواصل علطول


اخوك

إخوانى حتى النخاع يقول...

ملحد


أولا لا اعتز بمرورك هنا فى مدونتى


بس هنعمل إيه ؟؟

قدرنا


هرد أول حاجة على بتاعت جمال البنا


أنتا يا عم الحاج رايح لواحد بيخرف فى الإسلام وتسأله ؟؟؟!!!

دا بيحرم الى حلله ربنا

روح اسألو احد معتدل .. مش واحد زى جمال البنا


*********

ثانيا حكاية الحرية دى


أنا دلقوتى واخد أكبر حرية فى حياتى

فأنا لست عبد للحرام

انا بس نفسى اعرف ... إيه معنى الحرية عندكوا ؟؟؟


خايف بس إنها تكون تحرر المرأة والرجل من الثياب



أنتوا متعرفوش معنى الحرية ...

********************

وعلى حكاية ملحد


إيه رأيك لو انتا مدينى معاد

وأنا أتأخرت عليك أول بس بعد فترة طويلة لقيتنى جيت

قولتلى انتا ليه اتأخرت ؟؟

قولتلك كان فيه بحر بيفصل بينى وبينك

بس الحمد لله لقيت خشب نزلى من السما وجالى حبل واتربط الخشب ونزلى سارى من السما
وجيت لغاية ععندك

انتا هتكون انى مجنون وبخرف وحاجات زى كدا

فما بالك يا عمى بالكون الى انتا عايش فيه

القمر بيتعاقب مع الشمس

والأشجار أول لما تنمو
والجنين
والإنسان


انتا بقا عاوز تفهمنى إن كل دا جاء من غير صانع ؟؟!!!




ربنا يهديك

إخوانى حتى النخاع يقول...

رد إلى روحى

أهــــــلا بيكى أختى

والحمد لله إنه عجبك

أخوووكى

إخوانى حتى النخاع يقول...

قطوف

أهلا بيكى أختنا الكريمة

وإن شاء الله تشوفى الأقصى بيتحرر


شكراا ليكى للتعليق

أخوكى

إخوانى حتى النخاع يقول...

حطم قيودك


أهلا بيكى أختنا الكريمة


والله فرحان جدااا بتعليق حضرتك


ويا رب أكون مسؤؤؤؤؤؤؤؤؤؤال قريبا


شكراا ليكى أختنا :)

أخووكى

إخوانى حتى النخاع يقول...

أوعى تفكر



ربنا يبشرك يا بنى بالخير


صحيح

أخوك جاب كام ؟؟

والله قلقان عليه

لأن الموبايل بتاعه مقفووووول


طمنى عليه

إخوانى حتى النخاع يقول...

عمر المصرى



فينك من زمااااااان ؟؟

يا ترا انتا فى السعودية ولا لسا فى مصر ؟؟

ورينا يوفقك يا رب

أخوك

إخوانى حتى النخاع يقول...

إيمان


فى البوست الى جى لزما هعلن عنها


أخوكى

إخوانى حتى النخاع يقول...

همسات شاب

أهلا بيك يا باشا

وشكرااا للتعليق
أخومك

إخوانى حتى النخاع يقول...

ابن آدم


أزيك يا باشا ؟؟


وانا لمض

عادى يعى :)

تشكر يا باشا على التعليق والزيارة

ونتواصل إن شاء الله


أخوك

طلاب من أجل مصر يقول...

ازيك ..يا مصطفى
هو انت عجبك البوست ده قوي ...

يا اخونا عاوزين جدييييد...فين نشاطك ..عاوزين مواضيع جامده زي ماتعدونا منك
شكلك من زمان مدخلتش مدونتك ..صح

ربنا معاك

دعواتك
سارة

سمية-بنت البنا- يقول...

السلام عليكم ورحمة الله وبركاته


المدون الفاضل ..إخواني حتي النخاع ..

عذراً لتـأخري في الرد ..

و وصل التاج ..

ولكني لست علي ثقة بأنني سأجيب عليه ...


ولكن ..

ما شاء الله إجاباتكم متميزة ..

أعزكم الله وأكرمكم
وجعلكم زخراً للإسلام والمسلمين
وحقق لكم ما تتمنون وترجون ..


وبوركتمـ

__
أختكمـ::
سمية_بنت البنا_

إخوانى حتى النخاع يقول...

سارة


والله معلش يا سارة

انا متبهدل لأنى بقيت بشتغل فى مكتب دعايا وإعلان


معلش


هنزل بوست بكرة بالكتير إن شاء الله وهيكون بوست جميل


استنينا :)


أخوكطى

إخوانى حتى النخاع يقول...

سمية


أهلا بيكى أختنا الكريمة


ومش إجبارى إن حضرتك تردى عليه :)


وشكرااا لكى أختنا على التعليق

أخوكى

غير معرف يقول...

السلام عليكم
اخي الفاضل
الف الف مبروك علي اشتراكك في رحلة العذاب الابدية الثانوية وبعدها الكليه وبعدها الحياة المهنية
ربنا يعينك والله بتوع ثانوية عامه بيصعبوا علي وبيخلوني اقول الله لا يعيدها ايام

ايه الاجابات الحلوة دي ..ماما برضه كان نفسها حد من عيالها يبقي منشد ويشترك في فرقة اسلامية ..بس ياعيني علي اخواتي وصوتهم كل مايجوا يغنوا نزعقلهم حرام عليكم هتكرهونا في الاناشيد فيغنوا في سرهم....
ووالله يابني انا بحقد علي الصغيرين
اختي متحكمة في البيت كله من اول بابا لحد الاخر مرورا بي طبعا
وطلباتهتا كلها مجابة وبتشخط زي ماهي عايزة..ونفسهااسيب البيت مع اني مش مستوليه علي حاجة يعني..يلا نصيب هههههههههه
ربنا يوفقك يارب وتكون افضل مهندس مسلم علي وجة الارض
عارف علي قناة الاقصي مرة المذيع قال ادعوا ان احنا نلاقي طريقة ندمربيها قاذفة الصواريخ دون طيار لانها بتغتال رجال المقاومه ومش عارفين ندمرها
يارب يلاقوا طريقة في اسرع وقت
بس لو مادمروهاش لحد ماتبقي مهندس يارب تكون يحيي عياش الثاني وتدمرها


الموضوع بقي ياباش مهندس اللي اجلته لاني كنت طالعه من امتحان وهلكانه هو ياسيدي متاخر شويه بس ماعلينا
ان درجاتك 255 مش كده ياسيدي مجموعي كان 257
وعمال تقولنا انا فاشل ومش بذاكر ماشاء الله عليك
..اصلي كنت بدح وانا في الاعدادية
يعني في امل كبيييير وبما انك مش عايز تدخل كليتي الحبيبه "قال انت اللي مش عايز تدخلها"هههههههههههه
ففي امل كبييير ان شاء الله انك تدخل الهندسه ولكن ياسيدس السماء لاتمطر ذهبا ولافضة ولامجاميع تمنية وتسعين في الميةولا شهادات ترشيح لكلية الهندسة
يعني خد قرار انك ان شاء الله تحط هدف انك لازم تذاكر كويس وتتفوق
وليس المهم ان تفعل ما تحب ولكن المهم ان تحب ما تفعل
وربنا يوفقك الهم امين
شكرا جزيلا علي الدعاء ونسالكم الاستمرار انا لسه قدامي ل30 احداشر
ننتظر حملتك التي وعدت بها

إخوانى حتى النخاع يقول...

عاشقة الطب وصريعته


ههههههههه .. بتباركيلى على إيه ؟؟!!

دا الواحد كره الثانوى العام من كتر الكلام الى عليها

وأيام نتيجة الثانوى كل شوية بنت عمى تقولى فاضلك سنة

************************

هههههههههههههه .. يعنى انتوا بتعملوا زى إخواتى برده

انا بكون سرحان مع الكمبيوتر خاااااااااالص وبكون مشغل اناشيد وبردد وراها

الحاجة الوالدة تقول وطى صوتك يا بنى حرام عليك :))

******************************

انا بقا عكس أختك تماما

هما الى متحكمين فيا ... وفيه طلبات مش مجابة ليا

ولو عاوز حاجة إخواتى يطلعوا فيها القطط الفطسانة

وان شاء الله تسيبلها البيت اهو عما قريب :)

***********************


وان شاء الله اكون احسن مهندس ... ولو هما مصنعوش حاجة تدمر الطيارة دى

أنا ان شاء الله اخترع ليهم طائة تدمر الطائة دى وتدمر إسرائيل نفسها

******************************

وانا بجد مش مصدق إن مجموعك كان 257

طب كويس ... فيه أمل انى أدخل هندسة :))

وان شاء الله اذاكر كويس


وانا عمرى ما هدخل الطب دى .. من الكلام الى انتى بتقوليه دا

ولا تى هفكر ولو لبره إنى ادخلها لو جبت موجموع يدخلنى الطب


وبجد ربنا معاكى ... لسا أدامك وقت طووووووووووووووووويل جدااا

ربنا معاكى

وفى الأخر يعنى هتشتغلى دكتور ؟؟!!!

مهو الدكاترة أهمت مش لاقيين شغل

ولو لقوا شغل مرتبهم ضعيف

وعلى حكاية الحملة دى .. فانا موعدكيش فيها

لأن فيه أسباب

معلش


وشكراا ليكى للتعليق

أخوووووكى

نـــــــور يقول...

معذرة اني اتأخرت في الرد .. شكرا على اجاباتك الجميلة للتاج ..

وربنا يحقق لك ما تتمنى ..

أبو أحمد الحسنات يقول...

أرسل لك تحية إخوانية حمساوية قسامية من غزة أرض العزة