السبت، 7 يونيو 2008

وأدى جزاء الى يفكر يتجوز فى بلدنا .. !!!

السلام عليكم ...

أديننا بدأنا أهو فى أول بوست حلو أوى من الى كنت محضرهم :)

قبل ما أبتدى البوست عاوز أقول على موضوعين

أول موضوع الإخوة والأخوات الى فازوا فى المسابقة الأسبوعية

1_ روينا _ مدونة فتاة الأندلس _

2_ مصطفى فارس _ مدونة إحلم معانا _

3_ مدونة رد إلى روحى


أحب أقوووووووولهم ألف ألف ألف ألف مبرووووووووووووووووووووووك


وإن شاء الله السؤال الجديد هيتحط مع الأسئلة الشهرية


والأجوبة بتتبعت على الميل
MOSTAFA_YEHIA33@HOTMAIL.COM


* الموضوع الثانى :- انى عاوز اقولكم أنى هأخذ دورة فوتوشوب من أخ من عندنا

هتقوليلى أزاى ؟؟؟ هقولكم والله انا صليت ركعتين إستخارة وكان فيه إختيارين إنى اروح اسكندرية أو أروح عند الأخ دا
أول لما خلصت الركعتين لقيت موضوع الأخ مشى زى جاااااااااااااااااااااااامد

وقابلت الأخ دا وقالى ماشى وشاف تصميماتى ولقاها حلوة

وان شاء الله كمان حيودينى مكتب إعلانات ودعايا .... زى تدريبب

وانا حاسس إن كدا أفضل بكتير جداااااااااااااااااااااااااااااااااااااااااااااااااا


يلا ندخل على البوست

**********************************

دى حكاية شاب مصرى عادى زى أى واحد مصرى .... واحد بيحب الروشنة بيحب اللعب وهوا اسمه مصطفى , فى كلية الهندسة

تعالوا نشوفه حكايته إيه مع الجواز .


( - يظهر مصطفى وهوا لسا صاحى من النوم وبعد كام تمطيعة مشى كام خطوه لغاية لما راح المطبخ ومد أديه علشان
يفتح التلاجة ياكل أى حاجة كدا

* الوالدة : مش تخش يلا يخش الحمام تتشطف ؟؟؟

* مصطفى : ماشى يا جمممممممممممممممممممممممممممميل ... بس إيه رأيك وانا لسا صاحى من النوم ؟؟ ملاك صح ؟

- الحاجة الوالدة تحدف سلك المواعين الى فى أديها فى وش مصطفى

* مصطفى : مقبولة يا عسل .. بس ضرب الحبيب زى أكل الزبيب

- مصطفى يدخل الحمام يتشطف وبعدها يروح المطبخ علشان ياكل حاجة يتصبر بيها لغاية الفطار وينزل الكلية

* الوالد : هوا انتا يلا مش بتبطل أكل ؟؟ حياتك كلها فى المطبخ ؟؟؟؟

حراااااااام عليك ميزانية البيت بتخلص بسببك

* مصطفى : والله يابا انا باكل بس مش بضخن

* الوالد : انتا عاوز تتخن علشان تاكل إخواتك بالليل وانتا نايم؟؟!!

* مصطفى : لالالالالا .. متخفشى , انا باكل كويس قبل ما أنام بالليل

- يخرج الوالد وهوا عنده الضغط والسكر والمرارة

- مصطفى قاعد يدور على حاجات الكلية وعلى لبسه ... اشى يجيب البنطلون من تحت السرير والقميص من عند
الجيران والشراب من الحمام , وفجأة يرن جرس الباب

* محمد ( صاحبه ) : حبيب قلبى يا صفصوووووووووووووف .. عامل إيه يلا ؟؟!!

* مصطفى : كويس يا برنس .... بس أخبارك انتا إيه ؟؟؟ كويسة ولا إيه نظامها ؟؟

* محمد : انا والله كويس طحننن مووووووووووووووت

* مصطفى : وانا أخبارى النهاردة هناك سحابة سوداء فيها غيوم ولكن بعدها هيكون فيه طقس مشمس يا بااااشااااا

* محمد : ماشى يا عم الأمور .. يلا علشان الكلية

* مصطفى : انا نازل أهوووو .... خد بس لمعلى الجزمة دى علبال ما أدور على بقيت حجاتى الضايعة دى

- فى الأتوبيس محمد بيتكلم مع مصطفى

* محمد : انتا يلا مش ناوى تتجوز ؟؟

* مصطفى : لالالالالالا ... ابدااااااا .. العزوبية رااااااااحة

* محمد : ماشى ... إن شاء الله عنك متجوزتش

- مصطفى يدخل المحاضرة وجنبه زميله أحمد

* أحمد ( من بعيد ) : مصطفىىىىى ... مصطفىىىىى

* مصطفى : نعم ياااااض ؟؟؟ ... وبراحة حبة .. انا مش عاوز اتطرد النهاردة من المحاضرة

* أحمد : انا عازمك النهاردة على كتب كتابى

*مصطفى : : يابن اللذينة ... مهو انتا بقيت مثقف أهووووو .. هتكتبه عن إيه ؟؟!!!

* أحمد : يا عمى .. هتجووووووووووووووووووووووووووووووووووووز

* مصطفى : والله ؟؟!! .. يا بن اللذينة ... صحيح مهو ابوووك بسبس كات

ألف مبروووك يا باشا .. وعقبالنا

- مصطفى ذاااهب إلى البيت وهوا متحسسسسسسسسسسسسسسسسسسسسسسر جدااااا

* الوالدة : مالك يا طفطف ؟ .. فيه إيه ؟

* مصطفى : مفيش حاجة يا جميل

* الوالدة: لا والله ... فيه حاااااااااااجة .. دا انتا كنت فى بطنى تسع شهور وكنت أغتت واحد فىى عيالى .

* مصطفى : انا يا حاجة عاوز أتجوووووووووووووز من الآخر

* الوالدة : آآآآآه يا قلبى ... انتا قولت إيه ؟؟!! ... قولت تانى كدا

* مصطفى : إيه ياما .. انتى هتسمعينى نانسى عجرم ؟؟ ... بقولك عاوز اتجوز

* الوالدة : متقولشى يابنى الكلمة دى تانى احسن أمووووووووووووووووووووووت

* مصطفى : ليه؟؟!! انا قولت انا عاوز انتحر ؟؟

* الوالدة : بص يا روحى ... انتا لزما تشتغل الأول

* مصطفى: سهلة .. اشتغل حتى زبااال

* الوالدة : لزما تجبلك شقة فى حدود (50 , 60 , 80 ) ألف جنية

* مصطفى : يا ققشطة بالمهلبية .. دا انا محوش هما أربع تلاف بس

*الوالدة : عاوزلك بقا الدهب الى فى لفوووووووووووووووووق أوى

* مصطفى : يا حلالالالالاوة بالقشطة

* الوالدة : لزما طبعااا تهشتك العروسة بالهدايا كل يوم والمواسم والأعياد

- مصطفى يخلص القميص ويبدوا أن القميص تبلل من العرق

* الوالدة : ولزماااااااا كمان تعشيها فى فندق 8 نجوم

- مصطفى يسيح من العرق

* الوالدة : ولزمااا يا حبيبى تحوش فلوس علشان العيال الى هتيجى عاوزه لبس واللذى منه

- مصطفى يجرى ويشوف أقرب شباااااااك وينط منه .. الله يكرمك يا رييس

* الوالدة : يا عينى يا حبيبى .. دا الواد موت نفسه من غير ما اكمله عن العفش والبياض والسجاد والمقدم والمؤخر
وقاعة الأفراح و...و...و....و.....و....... إلخخخخخخخخخخخخخخخخخخخخخخخ !!!!!!


هناك 60 تعليقًا:

اوعى تفكر يقول...

لالالالالالالالالالالالالا
جامده اوى يا طفطف
بس واضح انها قريبه من قصة حياتك
ده انت حتى سميبت اللى فى القصه مصطفى
بس هى القصه معبره جدا
ودل على انا هعمله كمان شويه
ههههههههههههه

Unknown يقول...

ههههههههههههههههههههههه
لا يا بنى خفيف جامده طحن وقشطه بالمهلبيه بس بصراحه كده انا اللى قلقت عليه القميص !اوعى تكون نطيت بيه انا بقولك وابقى كلملى الست الوالده تبعتلى الاربعه تلاف جنيه لاحسن اخوك مزنوق ومقشفر
بس دى اهم حاجه

مجداوية يقول...

السلام عليكم

قل مسلم حتى النخاع

لكن سامحنى بالفعل كان لازم اتابعك من زمان لكن قدر الله وما شاء فعل وجئت فى الوقت الضائع

أنا فعلا بنتى أدك بالظبط انا معنديش أولاد صبيان يعنى ولكن ان شاء الله تكون فى جدعنة ميت راجل زيك كده
ما شاء الله عليك ربنا يبارك فيك ويقر عين والدتك بيك

ان انشاء الله حاتابعك من بعيد يا مصطفى لأن الوقت أزف

أراك على خير ابنى الكريم

والسلام عليكم ورحمة الله

غير معرف يقول...

بس انته انوي تتجوز و مالكش دعوة .. إخوانك متكفلين ليك بكل اللي انته قلته ده .. ما عدا
المهر .. والشبكة .. والفرش .. وجهاز البيت .. وحتي الفرقة
يعني بالعربي واقفين معاااك حتي النخاع
عشان انته إخواني حتي النخاع
شكراً لزيارتك مدونتي واسعدني رايك فيها .. سلامي لك
واكيد هتعزمني ف فرحك

Unknown يقول...

ههههههههههه

لا حلوه....واسمه مصطفي كمان :)

الحق انت حوشلك من دلوقتى قرشين...(يعنى مليونين) لاحسن تبقى نهايتك ماساويه زى البطل

:)))))

"النجم القادم" يقول...

الله ينور يادرش

طب انت مش ناوى تتجوز ههههههههههههههه

يا عالم يا هوووووووووووو يقول...

إيه يا بني إللي فتح عنيك على الحاجات دي من دلوقتي.
أنت لسه صغير....3 إعدادي وبتفكر في جواز.
إعقل يا درش..... صدقني العزوبية ما تتعوضش.
بكرة تعرف قيمتها لما تلاقي أخرك تروح الساعة 10 بليل وبعد كده الشبب الإلكتروني يتعامل.
معا للحرية...... شعارنا للمرحلة الجاية
ده أكيد مش شعار انتخابات.... شعار مناهض للزواج....ههههههه
سيبك من ده كله أكيد بهزر

نور جديد يقول...

السلام عليكم
بصراحة يا فندم انا كنت داخلة ابص بس على المدونة و الله مكنتش ناوية اقرأ او اعلق
بس ما شاء الله بوست جميل فعلا خلاني اعلق حتى لو كنت عايزة اقوم بسرعة
اسمح لي بأه
هههههههههههههههههه
جميل يا فندم
ربنل يهون على الجميع

غير معرف يقول...

السلام عليكم
جامدة يا صفصوف
بس ما انت عايش وزى الفل أهو يا اخى كنا عايزين قصة واقعية وحد ينقلها لينا بعد ما تكون انت رمين نفسك من الشباك
عموما كويس انك أخدت بالك من الموضوع ده وانت صغير علشان لما توصل ان شاء الله للمرحلة دى تكون مقتنع أنه لن تفيدك أى محاولات يا درش
تحياتى يا جميل

روينا يقول...

ياكتموتو ياصغنن ايه يا اخوانى ده انت لسه قدامك 10سنين على الاقل لحد متطلع من البيضه
بس سبحان الله الاسامى خلصت من الدنيا ومسمتش البطل غير مصطفى
يمكن صدفه بلالاش نفهم غلط
وبعدين الف الف الف مبروك ليا
اخيرا كسبت فى حاجه فى حياتى
دى اول مره تحصلى
لولولولى
اشكرك ياررررررب
واهدى هذا الفوز للسيد رئيسناسحلول

إخوانى حتى النخاع يقول...

أوعــــى تفكر

أزيك يا حبوبى ؟؟!!
عامل إيه ؟؟

طبعااا يا حااااج .. قريبة جدااا من قصة حياتى

ويا عمى مستنينك علبال ما تنط من الشباااااااك :)

تشكر يا حاج على التعليق

إخوانى حتى النخاع يقول...

الحاج صاصا

ازيك يا روحى ؟؟
عامل إيه ؟
شلونك ؟

مهو انا عارف الى هيا جامدة طحن :)

انتا هتلاقى القميص دا ب 12 جنية بس

ويا عمى هقول للوالدة تبعتهملك
ابسسسسسسسسسسط
علشان متقولشى إن عمووو مصطفى حارمك من حاجة

إخوانى حتى النخاع يقول...

المجداوية

اهلا بيكى يا أمى

وعلى حكاية إخوانى حتى النخاع
فأنا أيضا مسلم حتى النخاع

الأن الإخوان يعلمون الأشبال فى هذا السن الدين فقطططططططططططططط
لا يدخلونهم فى عمق السياسة
يعلمونا كيف نتمسك بالدين


وإن شاء الله تتعوض ...
وإن شاء الله بنت حضرتك تكون بألف راجل بأفعالها

وإن شاء الله مستنييك من بعيد لبعيد يا أمى :)

ربنا يبارك فى حضرتك

وشكراا ليكى للتعليق

إخوانى حتى النخاع يقول...

أستاذ حسام المتيم


والله يا أستاذى انتا كدا خبط الفكرة فى دماغى


انتوا لاقولى عروسة بس
أو مش مهم .. فيه عرايس كتير عندنا

وانتوا اتبرعولى بكل حاجة :)

وانتا يا باشا أكيد معزوووم فى الفرح:)

مشكوووور على الزيارة والتعليق

جنّي يقول...

هي دي آخرة اللي يبص لفوق ..
عيشوا على قدكم ..
وامشوا جنب الحيط أو حتى جوه الحيط ..
عيل مفعوص وعايز يتجوز ..
حتى لو اتخرجت واشتغلت ابقى قابلني لو اتجوزت طول ما انا قاعد على قلبكم..

رسالة من الريس


تحيتي

said

ِِAdem El-Mahdy يقول...

ماشى يا عم

رامــــى حجــــاج يقول...

جامدة يا مصطفى

بس يابنى متقلقش سيبها على الله

بس الصراحة هى مدونة تقلق

انت يابنى مش لسه فى 3 اعدادى باين

حتى لو بتألف قصة تألفها عن الجواز الله يهديك

ده دليل على ان عقلك الباطن بيفكر فى كده

الله

طب و ايه المشكلة

فى عهد سيدنا عمر بن عبد العزيز كانو بيعدو على البيوت يسألو أهل البيت الولد بلغ .؟؟؟ يقولو اه
يروحو جايبنلو عروسة و بيت و مواصلة توصله لشغله و و

احلم يا مصطفى احلم

تحياتى
أخوك

Ahmed El-Agouz يقول...

الله يرحمه بقي حصلت معايا بس كان الشباك مقفول

بس ريح والله
وارتاح علي الاخر ربنا يسمحها امه

تسلم ايديك
العجوز

Unknown يقول...

والله معاك حق ده انا متبهدل بس والله احنا اللي معقدين الموضوع والموضوع كان ابسط من كل التعقيد اللي احنا فيه
بس والله متقلق ربنا بيسر المواضيع لأنك طالب العفاف

أحمد سعيد علي الدين يقول...

بس والله الحل اللي عمله مصطفى ده جميل جدا

يعني أنا واحد مخلص امتحانات الليسانس من كام يوم
والمفروض اشتغل يعني كده لوهنحسبها تقدر تقول هتجوز إن شاء الله 2040

ده إن ربنا كرمني ولاقيت شغل

ايه رأيك نعمل زي مصطفى ؟

محاولة لكسر الصمت يقول...

أول احمد الله على السلامة ولو انها جت متاخرة بس كفارة على الامتحانات ومبروك كبرنا اهو وهندخل ثانوي ..ده اولا..
أما ثانيا..فهو سؤال جواز ايه ده...باه لما نت بتوقل كده امال الناس اللي رايحة تتجوز فعلا تعمل ايه...خليك في اللي انت فيه وما تستعجلش الاكتئاب والاحباط ومع ذلك فهي حكاية حلوة جدا....

ومستنين باقي الشغل وكمان الفوتوشوب

بنوته مصرية يقول...

حمدالله علي السلامه يا مصطفي

القصة حلوة اووي وغريبة اني اسمه علي اسمك هههههههههههههه

مشاء الله جاي كلك نشاط اهوو نمسك الخشب

لك تحياتي

إخوانى حتى النخاع يقول...

حطم قيودك


والله انا برده بقول كدا

أحوشلى كام قرش

انتى شكلك بتحسبى عندنا فرخة بتبيض دهب :(

أو ممكن ألم تبرعات .. علبال ما أول للمبلغ دا :)

تشكرىىىىى على التعليق

أخووووووكى

إخوانى حتى النخاع يقول...

النجم القادم


والله يا باشا انا ناوى

كل شوية أقول للحاجة عاوز اتجوز

تقولى انتا عنست خلالاص :))))))


تشكر ياباشا على التعليق

أخووووووووووووووك

إخوانى حتى النخاع يقول...

ياعالم ياهوووو


ازيك يا باشا ؟؟
عامل إيه ؟؟

عاااادى أول لما واحد ينوى الجواااز :)

كلنا عاوزين نتجوز


بس انا معاك فى حكاية الساعة عشرة دى

والله بتفكرنى بواحد من اليمن كنت بكلمه وكنا عاوزين نعمل جمعية العزابيين

وكل واحد قال : انا مش هتجوز والى يتجوز يبقا عيل :)

هههههههههههههههههههههههه


تشكر يا باشا .. وأمتى ترجع أيام سى السيد


اخووووووووووووووك

إخوانى حتى النخاع يقول...

نور


أهلا بيكى اختى فى المدونة ...


والحمد لله إن البوست عجبك


أخووووووووووووكى

إخوانى حتى النخاع يقول...

عمر المصرى
وعليكم السلام
أزيك يا روووحى ؟؟
عامل إيه ؟؟

هوا انا يا عم قولت الى انا مصطفى الى فى القصة ؟؟!!!


على العموم ... اكيد هجبلك قصة واحد انتحر علشان الجواز

ههه


تشكر يا باشا على التعليق


أخوووووك

إخوانى حتى النخاع يقول...

روينا


بصى يا حاجة روينا ...
تعالى نحسبها مع بعض

انتى قولتلى الى انا لسا فاضلى 10 سنين علبال ما أخرج من البيضة

يعنى 25 سنة


يعنى انتا كمان لسا مخرجتيش منها

مش انتى 20 سنة ؟؟
يبقا لسا :)))


وايوووووووه .. ملقتش إسم حلو غير اسم مصطفى :)))


واخيييييرا .... شفرة دفينشى اتفكت من عليكى
وكسبتى مرة فى حياتك

تشكرى على التعليق

أخووكى

إخوانى حتى النخاع يقول...

جنى


ازيك يا باشا ؟؟

عامل إيه ؟؟؟

وكويس أوى ان الريس بعت رسالة مخصوووووص ليا

كتر خيره

هوا أصلا فيه حد قادر يعيش وهوا قاعد على قلبنا

يبقا حنتجوز يعنى ؟؟!!!


تشكر يا باشا على التعليق
أخووووووووووك

إخوانى حتى النخاع يقول...

أدم


ازيك يا حاج آدم ؟؟

تشكر يا باشا على التعليق


اخووووووووك

محاولة لكسر الصمت يقول...

صحيح انت ليك تاج عندي من زماااااااااااان تعالى خده عشان أنا عايزة أشوف ردك عليه....

rtrcbh يقول...

بيان رقم 3

وبدأت مسيرة الحملة ولن تتوقف بأذن الله حتى نرى ثمارها

(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك

3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه

4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال

rtrcbh يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

رُدَّ إلى َّ روحى يقول...

ما شاء الله

ههههههههههههه

جميلة بجد بس ابدأ حوش واحدة واحدة او عندى اقتراح

تعالى اشتغل معايا فى المشروع بتاع البلاطى ده احنا هنكسب دهب

يالا منتظرينك

صانعة الحرية يقول...

السلام عليكم
عارف يا مصطفى القصه ججميله فى الاول وضحكتنى
ولكن شعرت بمراره فى النصف التانى
لان فعلا هذا ما يعانى منه ابناءنا واخوانا
وارتفعت نسبة العنوسه وبرضه الناس مش راضيه تتنازل عن الحاجات الفارغه اللى مصممين عليها
عارف المشكله فين يا درش فى عقول الناس
المشكله فى العادات والتقاليد التى لم ينزل الله بها من سلطان
------
بوست جميل يا درش
ربنا يرضى عنك يا رب

غير معرف يقول...

السلام عيكم ورحمة الله وبركاته
بسم الله
اخي الكريم الباشمهندس الفاضل\
اولا الف الف مبروك لاخواني واخواتي الي فازو في المسابقة
ثانيا لكم انا سعيدة بتيسير الله لك امر الدورة ..طبعا علشان مصلحتي لان في ناس هتشرحهالي من طاطا لسلام عليكم
علي فكرة ياباش مهندس هقولك علي حاجة بس ماتموتش نفسك بعدها انا اخدت دورة الفوتو شوب السنة دي..لا لا لالا..لا لا لا لا
ثالثا انا طول مانا قاعدة اقرا ما بطلتش ضحك لدرجة اني حسيت ان عمي اللي قاعد جنبي قال عليه اتجننت
ايه الابداع ده كله..رائعة يا باش مهندس ..
شوف ياسيدي انا اصلا كاتبة قصص واعتبرني من اكثر الكتاب اجادة للكتابة ..فرايي ان حضرتك عندك موهبة في الكتابة قد تخرج امثال الرافعي ..وعلي فكرة ده ينفع اسكتش بجد والله
شوف ياباش مهندس لازم تنمي الموهبة دي ولن تنمو لا بالقراءة اقرا قصص كثيرة فرصة انت في االاجازة..اقرا للرافعي لاحمد باكثير اقرا حتي رجل المستحيل ...
واقولك ايه والله الوضع مخزي الشباب هيلاقيها منين ولا منين في اعتقادي ان الصح ان الزوجين يبدوا من الصفر ويبنوا حياتهم واحدة واحدة..يعني لو جاب ده كله قبل الجواز هيسيب ايه لبعد الجواز؟؟؟
انت عامل زي اخواتي الاتنين مستعجلين علي الجواز ودايما بقولهم يعني اقول لابوها باخطب لاخويا بالثانوية؟؟ا
انت باه هاقولهم باخطب لاخويا بالاعدادية؟؟؟
طولت طبعا يارب تكون ما زهقتش
نسالكم الدعاااااء الوضع عندي اصبح سوادا كالحا..هي ليالي سودا انا عارفة.

إخوانى حتى النخاع يقول...

رامى حجاج
ازيك يا باشا ؟؟؟

وإيه الى عرفك الى انا بتكلم عن نفسى ؟؟؟ :)

وزى ما قولت .. انا بحلم

هههههههههههههههههههههههههههههههههههههه

وانا بغلت ياباشا ..جبلى انتا بقا عروسة وشغلانة :)))

تشكر يا باشا للتعليق

أخوووووووك

إخوانى حتى النخاع يقول...

أحمد العجوز

أزيك يا أستاذ احمد ؟؟

والحمد لله .. فيه دليل واقعى على الى بيحصل
ههههههههههههههههههههههههههه

تشكر يا باشا على التعليق

أخوووووووووك

إخوانى حتى النخاع يقول...

مظلومين

والله انا معاااك الموضوع سهل جداااااااااااااااا
وإحنا الى معقدينه ... بس برده العيشة معقداها حبة

وطبعاا الى طالب العفاف والستر ربنا بيسرها أدامه

إخوانى حتى النخاع يقول...

نور الأزهر

ازيك يا حاااج ؟؟

وانا بردهبقول كدا ... دا أحسن حاجة عملها
ويا عم سنة 2040 قليلة قوىىىى على الوضع الى إحنا فيه دا

وانا معااااااااك
يلا .. 1 2 3
هيلاهووووووووووووووووووووووووب

إخوانى حتى النخاع يقول...

دواااااير

الله يسلمك .. وكبرناااااااا بقا
نعمل إيه ؟؟!!!
ومش عارف انا مين الى قالك الى مصطفى دا أنا ؟؟

انا قولت دى حكاية شاااااااااااااااااااااااااااااااااااااااااااااااااااااااب
مش حكاية صاحب المدونة


وعلى التاااج .. انا جاوبت التااج دا من زماااااااااااااااااااااااااان جدااااااااااااا جدااااااااا

فى بوست أسمه مكتب الإرشاد فى ألمانيا

وشكرااا ليكى للتعليق

أخوووووووووكى

إخوانى حتى النخاع يقول...

بنوتة مصرية

الله يسلمك
والحمد لله إنها عجبتك

والى يعمله ربنا فيه الخير

شكرااا ليكى للتعليق ..أخووكى

إخوانى حتى النخاع يقول...

دكتور أبو يحيي وآدم

كلمت حضرتك فى الياهوو
ويا ريت تعذرنى لأنى والله فعلا كنت تعبان
واكيد هشارك لأنى فعلا مقصر فى حاية اللغة العربية دى
وعاوز اصلحها حتى فى كتاباتى

وشكراااا ليك يا دكتور

إخوانى حتى النخاع يقول...

رد إلى روحى

الحمد لله إنها عجبتك

وانا معاااكى
ونبيع بلطوهات بقا ... انتى كنتى قولتى البالطوا التأجيرة بتاعت فى المحاضرة الواحدة بجنيه صح ؟؟!!!

يبقا كدا أشطااااا خاااااااااااااااااااااااااااااااااالص

هههههههههههههههههههههه

شكرااااا ليكى أختى للتعليق

إخوانى حتى النخاع يقول...

صانعة الحرية

أهلا بيكى اختى ...

كويس الى هيا أضحكتك .. الحمد لله

والنصف التانى انا متفق معاكى فى جداااا

إيه لزما الشبكة دى ؟؟
والهدايا ... يعنى لو الواحد مجبشى لخطيبته هدية يبقا هوا مش بيحبها ؟؟

وكمانلزما هدية كبيرة كدا وغالية

مش عارف انا إيه دا

صحيح ... فيه جواز إسمه جواز أبو تريكة

حلو أوى الجواز دا

شكراا ليكى للتعليق

إخوانى حتى النخاع يقول...

عاشقة الطب

فى الأول قبل ما أعلق عليه
بما أنى إنساان ممكن احس بالشخص الى بيكلمنى

فأنا حاسس إن فيه مشكلة عندك

إن شاء الله تتحل بسرعة


وكمان علشان بالك فترة كبيرة اكتر من أسبوه مدخلتيش خاااااااااااااااالص

وانا والله كنت هسأل عليكى فى البوست الى جى .. لو كانت فيه حد من الأخوات تعرفك

انا حاسس الى فيه حاجة من قبل ما تقولى أيام سودة ومش سودة


تعليقى بقا

بجد الى انتى بتقوليه دا ؟؟؟؟
اخذتى دورة الفوتوشوب ؟؟؟
دا فيه ناس طلعت دمغة

انا أول لما أقول كلمة دكتور

تيجى فى مخيلتى أنى لو دخلت غرفته

أشوف هياكل عظمية
واشوفه وهوا جاى عليا ومعاه قلب واحد وماسكه بين كفيه والقلب طبعااااا قاعد ينزل دم
ههههههههههههههههه

تشبيه حلو صح ؟؟!!

والحمد لله إنه عجبك ...

وطالما يا حاجة انتى كاتبه قصص.. ومن أكثر الكتاب إجادة للكتابة ما تعملى مدونة ؟؟؟

مش انا قولت الى فيه ناس طلعت دمغة

والمشكلة الى انا مش بحب أقرأ غير الكلام القصير
بس مش القصير أوى يعنى
ويون أسلوبه فيه شىء من الضحك
يعنى يحط أفشات كدا فى الكتابات بتاعته

وانا هروح لواحدة فى كيجى وان واقول لأبوها أنا عاوز اتقدم لبنتك
هههههههههههههههههههههههههههههههههههه

وقولى لإخواتك متتسرعوش

أتجوز انا الاول وبعديها أتجوزا زى ما أنتوا عاوزين

ولا والله مطولتيش ولا حاااجة
انا والله بسعد جداااا لتعليقك

ومش انا قولتلك ال فيه مشكلة معاكى ...

تشكرى للتعليق ... وسعيد جدااا بيه

أخووكى

أنفاس الصباح يقول...

شوف يا مصطفى يا ابنى
انت تاخد الثانوية الاول وتجيب مجموع هندسة وتدخل هندسة
وبعدكده اذا اتبقى منك حاجة ابقى فكر فى الانتحار قصدى الجواز
اطمن ايامها الدنياهتبقى اتغيرت
والجواز هيبقى سهل والدنيا هتبقى رخص والحياة هتبقى بمبى
ده لان القيامة هتبقى قامت.

روينا يقول...

ايه يا اخوانى هو انت نمت ولا ايه مش ناوى تكبر لى الصوره بتاعت مدونتى
يووووووه مفروض اشكرك الاول
بس غير لى اللون الاخضر وكبرها وانا اساهم فى جزء من مصاريف فرحك

إخوانى حتى النخاع يقول...

إيمان عذب

أهلا يا أستاذةةإيمان


والله انا برده بقول كداا


انا بس خايف إن بعد عشر سنين يكون لسا عمنا سحلول قاعد على الكرسى بتاعه دا

دا الى مخوفنى

ههههههههه

تشكر على اتعليق

أخوووكى

إخوانى حتى النخاع يقول...

روينا


والله العظيم يا حاجة بعتلك الكلام دا كله فى رسالة


شوفى الرسايل بتاعتك تانى


لو كدا ابعتهالك كمان مرة

بس شوفى الرسايل ولو متبعتتشى ابعتهالك كمان مرة

روينا يقول...

عمليه ايه يا اخوانى ؟
والله زعلتنى لا ان شاءالله هتبقى زى الحصان
ومتخفش وراك رجاله بتدعيلك انك تقوم بالف سلامه
بس بجد الصوره تحفه ده انا مش مصدقه نفسى
جزاك الله كل خير

صلطح يقول...

ههههههههههههههههه
تبقى قابلنى لو اتجوزت يا مصطفى
بس حقول ايه ممكن تحجز كشك من بتوع العيش وتدخل فيه ويبقى ده فعلا عش الزوجيه
وتخلفلنا فراخ صغيرة

هاهاهاهاهاهاهاهاهاه
=========================
وصلطح صلطح ياعم الحاج

Unknown يقول...

مالها العزوبيه
مهي زي الفل
ولا مصاريف ولا انتحار
:)

على فكره الزواج مع انه صعب بس اللي بيبدا اول خطوه فيه ربنا بيعينه وبيلاقي الموضوع ماشي
تحياتي

Call for coexistence يقول...

وجعت قلبى
بيصعب على الشباب جدا هذه الايام
وخاصه بسبب الضغط اللى معرضين له
البنات بقت لابسه ومش لابسه
وحسبنا الله ونعم الوكيل
كل دا لاننا بعدنا عن ديننا
والله الاسلام هو الحل
التقوى هى الحل

ahmed saker يقول...

السلام عليكم يا مصطفي باشا
هو انت هتعقدنا في الجواز ليه
ايه يعني 90 الف جنيه عشان الشقة
و ايه يعني سعر الدهب بقي عالي
و ايه يعني كل اسبوع هجيب هدايا
و.......
بعد اذنك انا هقوم الحق انط قبل ما يقفلوا الشباك

إخوانى حتى النخاع يقول...

روينا


انا الحمد لله كويس ... ادعيلى بس الأسبوع الى جى دا

وطبعاااا ورايا رجااالة مية مية :)

والحمد لله إنه عجبك

ولو عاوزة أى حاجة تانى إحنا فى الخدمة


وشكرااا للسؤال .. :)

إخوانى حتى النخاع يقول...

الحاج الكبير أوى صلطح


أزيك يا باشا ؟؟



وياباشا انا عارف الى انا مش هتجوز


بس خلى بالك

مش صعبة حبة آخد كشك بتاع عيش

دا ممكن يكون أغلى من البيت ذات نفسه :)


تشكر يا باشا للتعليق

وصلطح صلطح يا عم الحاج :)))

إخوانى حتى النخاع يقول...

دمعاتى


أزيك يا دماعتى ؟؟

كلنا برده بنقول مالها العزوبية وفى الآخر نطنطط ونتجوز
صح ؟!!!


وأكيد طالما إنها على شرع ربنا ..ربنا بيسرها

ويا رب يسر الجواز الحلال على كل شباب المسلمين

شكراا ليك يا باشا على التعليق

أخووك

إخوانى حتى النخاع يقول...

Call for coexistence

أهلا بيكى أختى


انتى زى ما قولتى

البنات بقت لابسة ومش لابسة

والولاد ليهم غرائز ... واكتر الشباب دلقوتى الغرائز هيا الى بتتحكم فيهم

وزى ما قولتى التقوى والاسلام والإيمان هما الحل لكل المشاكل دى

شكراا ليكى أختى للزيارة والتعليق

أخوكى

إخوانى حتى النخاع يقول...

أحمد صقر

ازيك يا باشا ؟؟

فينك يا عم من زمان ؟؟

بس بسرعة إحلق قبل ما يقفلوا الشبااك

تشكر يا باشا على التعليق

اخووووك