الاثنين، 28 أبريل 2008

تاااج .. وبوست < مقر إرشاد الإخوان فى ألمانيا ..!! >

السلام عليكم ورحمة الله وبركاته .......

أنا بس هبدأ الاول بتاج غالى ... شكله معمول من الذهب الفالصوا

ههههههههههه

من الأخت دوااااااااااااااااااااااااااااااااااااير ... أقولها معلش الى انا اتأخرت عليها

يلا نبدأ التاج :-

1 / أذكر 10 أشياء عن نفسك
2 / اختر 5 أشخاص تهدى لهم التاج
3 / لا تهدى التاج لمن أهداك اياه4
4/ أترك لصديقك الذى أهداك التاج بان التاج نزل وتعالى شوفه....

ج1 : 1_ أنى إنسان ممكن يعمل خطأ بس يرجع لنفسه علطول

2 _ الناس الى فى مجموعتى بيقولوا الى انا رومانسى

3_ الى انا لو عاوز حاجة بجيبها

4_ أمى بتقول عليا الى انا طويل على الفاضى :)

5_ أخويا بيقول عليا لعبى

6_ أخويا التانى بيقول الى انا مدمن نت

7_ انا بقول على نفسى الى انا كريم

8_ انا واحد سياسى

9_ انا واحد بيحب يهزر جداااا

10 _ واحد بيعفوا عن الناس

ج2_ أهدى التاج دا لكل من

مدونة إخوان من أجل مصر

فتاة الأندلس

صانعة الحرية

سفلى بس إخوانى

إحلم معانا

وتشكرى يا حاجة دواااير على التاج الجميل دا


البوووووووست

طبعا الكل مستغرب من العنوان ......



هوا إحنا لا مؤاخذة مجانين ولا إيه ؟



أيوه ياعم الإخوان المسليمن لهم....طالما أمن الدولة قال كده يبقا فيه مكتب إرشاد فى ألمانيا !!!!!



أضحك يلا وكركر ..... الإخوان يا جدعان مكتب إرشادهم فى ألمانيا



آدى الحكاية من أولها



كنت مع واحد أعرفه وقالى انتا تعرف الى أنا جالى إستدعاء من أمن الدولة ؟؟؟

قولتله والله ؟؟؟؟ طب حصل خير بس أوعى تخاف وانتا بتكلمه ...واعرف كويس الى دا بشر زيك يعنى مش سيدك ولا حاجة ....دا هوا واطى وانتا عالى أوى أوى أوى أوى أوى .



قالى ماشى ......



اليوم الى بعديها قابلنى وقالى عرفت إيه الى حصل معى ؟؟

قولتله لأ يا أخويا قول سمعنا .......




قالى انتا تبع الإخوان المسلمين بقا ؟؟؟ قولتله لأ دى جماعة انا بسمع عنها فى الشارع بس

قالى بس إيه ياله أخبار الأسرة ؟؟؟ قولتله الحمد لله بخير .....قالى لأ أخبار الأسرة التانية ..... قولتله اسرة إيه يا فندم ؟؟؟ :)

قالى بقا حبة الحركات الفشنك دى علشان يخوفنى ويقولى والله لو انتا استمريت فى الطريق دا مش هتلاقى شغل وانتا لسا شاب وخلى بالك أول لما تتجوز برده عيالك مش هيلاقوا شغل زى ما أبوك مل فيك كده .......

قولتله بكل ثقة ربنا هوا الى بيجيب الرزق مش انتا ........سكت



وقالى بعدها .......

انتا تعرف الى جماعة الإخوان دى جماعة إرهابية ؟

وتعرف كمان الى مكتب الإرشاد فى ألمانيا وألمانيا دى معقر الكفر ؟



انا فى نفسى بقا أول لما قالى الى الإخوان مكتب إرشادهم فى ألمانيا كنت هموووت من الضحك

قولتله أكيد يا فندم دولت جماعة محظورة .....هيا البلد بتمنع حد غير لما يكون عمل حاجات إرهابية ؟؟؟

قال مش عارف انا إيه الى بيحصل دا .......



قالى طب خلاص ......اطلع يلا



وانا طالع وانا داخل ناس بالأمم عندها إستدعاءات



وطبعا كلهم من جماعة الإخوان المحظورة على رأى المثل





ويا سلام ...

مكتب إرشاد الإخوان المسليمن فى ألمانيا ...آآآآه يا دنيا !!!!






هناك 62 تعليقًا:

رحاله يقول...

بسم الله
حاجه فعلا مضحكه وبتبين ان حكومتنا ماشاء الله ع العقل
تقبل مرورى وربنا يحفظكم
جيلان

موناليزا يقول...

ربنا يحميك وتعليقى على البوست
هو اخوك ليه بيقول عليك لعبى؟

أحمد السيد عبد الحميد يقول...

السلام عليكم اخوانجى مبروك الشكل الجديد وبوست جميل بجد وعلى وعد بالمتابعه
تحياتى

رامــــى حجــــاج يقول...

الله انت مكنتش تعرف ولا ايه الموضوع ده يا مصطفى


يا عم دى حتى بتوع الأمن عرفوها

ده انت طلعت قديم خالص

إخوانى حتى النخاع يقول...

ِكرااا ليكى يا حاجة رحالة على التعليق ...


دى حاجة تموت من الضحك

انا والله كل شوية اقرا البوست علشان أضحك

شكرااا ليكى

إخوانى حتى النخاع يقول...

والله يا حاجة موناليزا ...

علشان أنا لعبى

انا بحب اللعب مووووووووووووت

ومش بحب المذاكرة

أخويا بيقولى الى هوا حاسس الى الكرسى الى انا قاعد عليه فيه مسمار ..
أصلى كل شوية بقوم من على المذاكرة
هههههههه

تشكرى للرد .. اخوكى

إخوانى حتى النخاع يقول...

شكراااااا ليكى يا حبيبى مش عارف ...



تشكر للتعليق

أخووووووووووووووووووووووووووك

إخوانى حتى النخاع يقول...

هههههههههههههههههههههههههههه


معلش يا حاج رامى

شكل الجماعة ضحكت علينا
ههههههههههههه


تشكر يا باشا

Ahmed El-Agouz يقول...

الرجل اللي سابق سنه مبروك التاج واجابات جميلة ولذيذة بتدل علي شخصية مرحة وحبوبة ومتميزة

وبخصوص النكتة اللي تحت يا ما هنشوف

العجوز

ابراهيم يقول...

اخي الف مبروك علي افتتاح الجديد لمكتب الارشاد وممكن لو انتا روحت يكونو نقلوة فنزويلا اصلة مكتب متنقل

*سمر* يقول...

دنيا فعلا ....

جميل اجابات التج بتاعك..ظريفة جدا :)

دمت بخير

إخوانى حتى النخاع يقول...

ازيك يا حاج أحمد ؟؟
عامل إيه ؟؟


تشكر يا باشا للتعليق ...

واكيد يا عم هنشوف منها كتير
وغالبا هكتب كمان نكته زى دى
بس فى الصيف

إخوانى حتى النخاع يقول...

آه والله يا حاج إبراهيم

أصله مكتب متنقل
هههههههههههههههههههههههه

ممكن يكون فى إسرائيل .. بس لو الأمن عاوز كدا
ههههههههههههههههههههههههههههه

تشكر يا باشا للتعليق وللزيارة

أخووك

إخوانى حتى النخاع يقول...

شكرااااا ليكى يا سمر على التعليق


وفعلا .. دنياااااااااااااااااااا

أخوكى

واحد من البلد دى يقول...

يا آخى ..يمكن قصده (ألمانيا القمح)...
إنت دايما تفهم غلط كده..
هههههههههه
تحياتى

إخوانى حتى النخاع يقول...

ههههههههههههههه


صحيح .. ممكن يكون قصده ككدا
وليه لأ ؟!!!

هههههه

تشكر يا باشا للتعليق

أخووك

اوعى تفكر يقول...

هيييييييييييه
مكتب الارشاد فى المانيا يعنى مش فى مصر الجديده يعنى
كويس يعنى بعد منخلص دراسه هنشتغل فى باليورو طب كويس
صحيح هو مكتب امن الدوله فين يا ترى

اوعى تفكر يقول...

هى المانيا دلوقتى بقت معقل الكفر
سبحان الله على الاقل هناك مبيعملوش
فى الناس زيي اللى بيعمله حبيابنا الحلوين
ربنا يجعل كلامنا خفيف عليهم

إخوانى حتى النخاع يقول...

أحسن يقولوا الى هما بيهربوا الاموال أو بيغسلوها

ههههههههههههههههههههههههههههه


ماشى يا حاج أوعى تفكر

تشكر يا باشا للتعليق
أخووك

"النجم القادم" يقول...

ewايه ده مكتب الارشاد غير مقره

من المنيل الى المانيا مرة واحده

هههههههههههههههههههههه

هههههههههههههههههههههه

هههههههههههههه

على كده المرشد زى ماهو

فضيلة الاستاذ مهدى عاكف

ولا بقى هتلر ؟؟؟؟؟؟؟؟؟

هههههههه

المجانين فى نعيم

إخوانى حتى النخاع يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههه



تعليقك جميل جداا يا باشا يا حاج نجم


المنيل من ألمانيا مفرقتشى



تشكر يا باشا

Unknown يقول...

عمنا الكبير
ياعمي يمكن الاخوان احترفوا ولا حاجة مين عارف ماكل العالم بيحترف هتيجي علي الاخوان وتلاقيهم كمان عاملين نادي هناك اسمح الاخوان ليفر كوزن
وجزاكم الله خير ياسيدي

رامــــى حجــــاج يقول...

يا بنى اقعد ذاكر بقا شوية


الله يهديك يا مصطفى خد يا حبيبى أجازة من المدونة شوية و ذاكرررررر

أظن ان ده لسان حال والدتك ووالدك اللى أكيد ميعرفوش كم الساعات اللى انت بتقعدهم على النت


المهم أنا بحزرك

فيه ورقة بوستة هتوصل عند بيتكو فيها عدد ساعات النت اللى انت بتقعدهم على النت

حاجة عاملة زى التحقيق كده اللى بيجيلنا من الجامعة

و انت و حظك

ممكن الوالد يستقبل الراجل و فى الحالة دى فإنك هالكٌ

و ممكن انت تظبت الراجل و تديلو 5 جنيه و يبقى كده ربنا سترها معاك


المهم بجد انت لو مذاكرتش شوية أنا هعمل حملة شرسة ضد مدونتك وأجمع أد 25 توقيع من المدونين عشان يطالبوك فيها بغلق المدونة حتى انتهاء الإمتحانات

أخوك اللى بقا بيحبك مش عارف ليه
رامى حجاج

رامــــى حجــــاج يقول...

مش عارف ليه حاسس انك مش هتنشر التعليق اللى انا بعته لكن أظن ان مدونتك فيها قدر كبير من الحريات


ولا ايه يا إخوانى

غير معرف يقول...

السلام عليكم
ايه يا مصطفى يمكن الراجل كان قصدة المنيا المحافظة ولا المانيا القمح
يا عم دى ناس ربنا ختم على قلوبها قبل عقولها الحاجات دى كتير أوى عندهم
وأى خدمة اول ما سألت عن البوست نزلته مخصوص علشانك

إخوانى حتى النخاع يقول...

هههههههههههههههههههههههههه


والله صحيح يا جدع ... اللحضى احترف برا ومفيش حد عمله حاجة

أشمعنى الإخوان يعنى ؟؟


تشكر يا باشا للتعليق الحلو دا

اخوووك

إخوانى حتى النخاع يقول...

هههههههههههههههههههههههههه


والله صحيح يا جدع ... اللحضى احترف برا ومفيش حد عمله حاجة

أشمعنى الإخوان يعنى ؟؟


تشكر يا باشا للتعليق الحلو دا

اخوووك

إخوانى حتى النخاع يقول...

السلام عليكم يا حاج رامى ؟؟



والله يا باشا .. إن شاء الله دا هيكون آخر بوست وانا عامل حسابى على كدا

استنى بس يوم الاتنين وهكتب البوست الى هقول الى انا مش هدخل تانى لغاية الأجازة


ويا عمى بلاش مقاطعة ولا حاجة ...
ههههههههههههههههههه


تشكر يا باشا ومتخفشى .. إن شاء الله هسيب المدونة حوالى شهر

يلالالا ..سلام

إخوانى حتى النخاع يقول...

آه الله يا عمر

ربنا ختم على قلوبهم وعقولهم

وانا رايح اهو اشوف البوست بتاعمك يا باشا


يلا ... سلام

Unknown يقول...

:)

ولاء عارفين كمان الاسره...ياولاد الايه

اجابات حلوه....بالتوفيق ان شاء الله

على فكره بانر المدونه جميل اوى

ربنا يبعد عنك المخبرين والمخبرات الاحياء منهم والاموات

تواشيح سياسية يقول...

يا ابنى عادى
اللى خلى قصر عابدين هو البيت الابيض ورئيس دوله ليها سيادتها بيتلقى اوامر ادارة الدولة من بلد تانية بعيده عننا يعنى يجى كده فى امريكا الشماليه
مستخسر بعد ده كله ان مكتب الارشاد يبقى فى المانيا!!!!

عجيب امر الاخوان !!!!!!

وتحيا الوحده المحلية

غير معرف يقول...

اشكرك يااخوانى على التاج
بس انا حاسس ان اللى بيكتب ده عنده14سنه×2
عموما موضوعاتك دمها خفيف (زى دمك اكيد )
وبقولك من غير ما اشوفك بصدق انى احبك فى الله

سلفى بس إخوانى يقول...

على فكره انا ما كنتش فاهم فكره التاج دى بس ان شاع الله اجاوب واقولك الرد

سلفى بس إخوانى يقول...
أزال المؤلف هذا التعليق.
غير معرف يقول...

السلام عليكم..كيف الاحوال يا باش مهندس..حلو جدا انك تعرف راي الناس عنك ورايك في نفسك..بس الاجمل اننا نحاول نصلح الفكرة الغلط ونزود في الفكرة الصح ولا ايه.؟؟بس مش عارفة طويل دي هتعمل فيها ايه..ويا مفتري عمالة اقولك يا دكتور ويا باش مهندس..وصانعة الحياة تقولك خلي بالك الامتحانات قربت وتقولها ماتخافيش..وعملت البحر طحينة وحسستني انك مذاكر المنهج ميتين مرة علي الاقل..وفي الاخر تطلع لعبي وكرسيك فيه مسمار ..حرام عليك ..بس صفاتك الحلوة من اجمل صفات البشر والحمد لله وحده زادكم الله.ههههههههههههههههههههههههههههههههههههههههههههههههههههههههههههههههههه_ علي فكرة دي اول هقهقة لي علي النت رغم اني قريت حاجات كتير تضحك_والله العظيم..يا حول الله يارب..لا والحكومة هي الملتزم التقي الورع اللي بيعتبر المانيا مقر الكفر ..طيب لما تفشري يا حكومة افشري بذكاء انما فشر وبغباء..حسبنا الله ونعم الوكيل..بس يابني من الاخر كده المسمار اللي في كرسيك تشيله وتقعد تذاكر بما يرضي المولي عنك وتقولنا علي مواعيد امتحاناتك في البوست الاخير علشان ندعيلك اوعي تنسي ..ولن نرضي بغير الاول..مع السلامة يا امهر باش مهندس..سلام الله عليكم.

Unknown يقول...

يأما فاكرنا حمير يأما هما اللى حمير
شكرا على التاج بس هتأخر عليك كام يوم فى اجابته

محاولة لكسر الصمت يقول...

أولا العفو..ولا يهمك على التأخير...
وثانيا كلامك عن نفسك بيحسسني انك اكبر من سنك....وثالثا...ماها ألمانيا؟....وحشة يعني؟

Unknown يقول...

التاج جاهز يا معلم خش وشوفه

أنا مسلمة يقول...

دا إستخفاف بالعقول ولا إيه؟؟؟؟؟؟

لى ملحوطة صغيورة

مهما الشخص اللى أدامنا كان مش كويس نعامله إحنا بأخلاقنا ومش نتلفظ بألفاظ تسىء لينا
--------
....دا هوا واطى وانتا عالى أوى أوى أوى أوى أوى
--------
قال رسول الله صلى الله عليه وسلم: "ليس المؤمن بالطعان، ولا باللعان، ولا الفاحش ولا البذي

روينا يقول...

بسم الله
ممكن يا اخوانى تجيب لى كرنيه عضويه
فى المانيا
وشكر كبير اوى اوى اوى على التاج اللى ان شاء الله هجاوب عليه بس ماجلاه شويه
عقبال معرف العشر حجات عن نفسي
انا عرفت خمسه
هو انت بتذاكر من ورايا عرفت العشره بتوعك ازاى وماشاء الله ايجابات نموذجيه

إخوانى حتى النخاع يقول...

ازيك يا حطم قيودك ؟؟؟


انا هكتب بعدين نكته برده عن الامن

أبقى تابعيها .... هتعرفى أزاى عرفوا الأسرة


والله ؟؟ البانر حلو ؟؟ دا أنا الى عامله

وتشكرى يا حاجة على التعليق

أخووووكى

إخوانى حتى النخاع يقول...

مش عارف أنا إيه دا يا حاج أنا مش سلبى


تشكر يا ريس للتعليق والزياااارة

أخوك

إخوانى حتى النخاع يقول...

لا شكر على واحد يا أستاذ سلفى بس إخوانى


وأحبك الى أحببتنى فيه

وأنا رايح اشوف إجاباتك على التاج أهووووو


يلا ...

إخوانى حتى النخاع يقول...

يا حااااااااااااااااااااااااااااجة عاشقة الطب وصراعاته

بصى ... انتى عاشقة للطب
وانا مش عاشق للتعليم :)

انا من الآخر مش هنفع غير فى مجال الكمبيوتر

إذا كانت شركة نت أو مصمم جرافيك أو بقا مهندس كمبيوتر سوف وير أو هارد وير



والله يا ستى امى بتقولى كلمة تانية بس مش عاوز اقولها ...هههههههههههههههههه

أول لما أكون فرحااان أوى أقعد أهزر معاها كتييييييير أوى

فبتقولى ....... مش لزما أقول بقا أحسن تألسى عليا

وإن شاء الله المسمار هينشال .. متزعليش


وعلى حكاية فشر الحكومة ... أتهموا أتنين دكاترة بإختراع طائة بلا طيار لإرسالها لحماس
شوفى الفشر والكذب ؟؟!!!


وعلى حكاية ضحك دى ... لو كنتى بتضحكى على كلمة طويل على الفاضى
يبقا عااااااااااااااااااااااادى


كنت عاوز أسألك .. انتى عندك مدونة ؟؟؟

إخوانى حتى النخاع يقول...

صح والله يا حاج مصطفى .. هما الى حمير فعلا وكذابيين

تشكر يا باشا

وانا بشوف ردك على التاج اهووو

إخوانى حتى النخاع يقول...

مش عارف والله يا حاجة دواير

هيا ألمانيا أصلا وحشة ؟؟

حتى نستثمر أموالنا
ههههههههههههههه

تشكرى للرد

إخوانى حتى النخاع يقول...

شكراااا ليكى اختى انا مسملة على النصيحة

وإن شاء الله آخذ بالى منها فى البوستات الى جاية

شكرااا للتعليق والزيارة

أخوكى

إخوانى حتى النخاع يقول...

ازيك يا حاجة رواينا ؟؟



يعنى آخذ عشرة من عشرة للإجابات دى ؟؟

طب كويس والله
ومسيتنى يا ستى العشر صفاااات عنك

انا مستنى علشان أألس عليكى
ههههههههههههههههه

أخوووكى

غير معرف يقول...

السلام عليكم ورحمة الله وبركاته..ياباش مهندس..استشارة الكترونية..الله يكرمك اخويا كان عايز يعمل مدونةوفعلا دخل بلوجر ومشي في كل الخطوات واختار الشكل اللي عجبه لكن مش عارف يجيب الوضع الخاص بيه ازاي..وعايز يكتب هو مين وكده ومش عارف برضه..ومش عارف يحط صورة ازاي ومش عارف يبعت بوستات ازاي كل اللي عارفين نعمله اننا نفتح المدونة ونشوفها وهي فاضية ونقعد نعيط جنبيها ..مع العلم ان الباشا اخويا سنة اولي ميكانيكا..الله يكرمك ما تغيبش في الرد لحسن الباشا هيجيله احباط"وطبعا لا انا ما عنديش مدونة هههههه" لي تعليق اخر علي كلامك بس لما نخلص من حوسة المدونة دي...جزاكم الله خيرا...

إخوانى حتى النخاع يقول...

والله يا يا حاجة عاشقة الطب انا زههقت


والله دا تالت مرة أكتب التعليق

مرة كتبته والنت فصل فمعرفتش احطه
ومرة اخويا عمل عليا كبسة
ومرة النت فصل

فى الآخر زهقت ونزلت سايبر


المهم ..بصى يا ستى

الإستشارة عندى بخمسة جنيه
ماشى ؟؟

أول لما يدخل لوحة التحكم الرئيسية هيلاقى تلات إختيارات جنب بعض

إرسال , إعدادات , التخطيط


لو عاوز يكتب بوست جديد يضغط كلمة إرسال

وخيار إعدادات دا مش هيحتاجه أوى يعنى

وخيار النخطيط .. دا خيار مهم جدااا


الخيار دا هوا الى بتضيفى منه الحاجات الى على الجنب دى الى هيا اسمها الهيدر تكست

أول لما يجيبه هتظهر قايمة على الجنب فيها كلمة أسمها إضافة

لو عاوز يضيف حاجة يضغط عليها ويشوف هوا عاوز يضيف إيه

الى هيضيفه هيظهر ليه على هئية مستطيل كدا ... لو عاوز يعدل حاجة
يروح على المستطيل بتاعها ويعمل تحرير


دى الحاجات الأساسية ....

ولو عاوز حاجة انا تحت أمره
ممكن يضيف أميلى لو عاوز اى حاجة

ikhwange_masrey@yahoo.com
mostafa_yehia33@hotmail.com

وانا بجد أنضحك الى انتى تعملى مدونة ليكى ... والله هتتمتعى جداااااااا جدااااااااا


ويلا .. اديكى على خمسة جنيه


وصحيح .. لو انتى تعرفى حد من شبرا قوليلى ..يا ريت


وانا مستنى تعليقك ... يلا

سلالالالالام

صانعة الحرية يقول...

بسم الله
ازيك يا درش
ايه اخار المذاكره
شد حيلك
هو صحيح انت جبت كام فى التيرم الاول
متتهربش
ولو خايف من الحسد ابقى ابعتلى المجموع ودرجة الانجليزى فى رساله
وصدقا لو احتاجت اى حاجه فى اى ماده انا تحت امرك
--------
ثانيا تشكر على التاج يا باشا
وان شاء الله نجاوب عليه قريب
-------
ثالثا
سبحان الله
المانيا
عديها لهم يا درش دول اخواتنا برضه
وخلى بالك من نفسويتك
--------
السلام عليكم

إخوانى حتى النخاع يقول...

والله يا حاجة انا جبت




انا جبت مجموووووووووووووووووووووووووع

هههههههههههههههه


ويا ريت تقوليلى منهج الإنجلليزى بيتكلم عن إيه ..
أبقى أسألى وقوليلى
هههههههههههههههههه


صحيح .. هما برده أخواتنا وحبايبنا والروح بالروح

تشكرى على التععليق

مع إن التعليق مش كله حلو :(
ههه

سلالالام

Ghada , Rofayda يقول...

انا مليااااش في السياسه خااالص..
بس مدام قالوا محظورة تبقى محظورة..
ومدام قالوا ان مكتبها في المانيا تبقى في المانيا....
ومدام قالوا انها ارهابيه تبقى كده...
بس الاهم ان اسلوبك في كتابة السيناريو حلو نميه علشان زي ماقللك مش هتلاقي شغل وده شغلانه مكسبها حلو ومضمون ...فالك الجنه

إخوانى حتى النخاع يقول...

إحنا يا ستى ماشيين تبع الحكوووومة :)


طالما قالت كدا يبقا هيا كدا



انا رايح أتفرج دلقوتى عن برنامج عن المدونين

وشكلى قبل ما أكمل هتقفففش


يلا ... تشكرى على التعليق
والزيااااااااااااااااااااارة


أخوكى

walaa يقول...

احلى حاجه فيييك انك واضح وصريح يعنى بتقول رأيك الناس فيييك من غييير زعل
وبطل لعب وخلى بالك من مذاكرتك
تحياتى ولاء

إخوانى حتى النخاع يقول...

إن شـــــــــــــاء الله حخلى بالى من مذكرتى



وتشكرى للتعليق

أخووكى

ahmed saker يقول...

السلام عليكم و رحمة الله و بركاته
بخصوص اجاباتك علي التاج فهي جميلة و صريحة و كفايه بقي طول ده انت لسه صغير
و بخصوص الموضوع الثاني اقول لك ان الذي جعل دكتور تفسير في الازهر يتورط في تصنيع طيارات بدون طيار يجعل مقر الاخوان في القارة القطبية و ليس في المانيا
شكرا لك

إخوانى حتى النخاع يقول...

السلام عليكم ... أزيك يا حاج أحمد ؟؟؟


انا طولى يا عمى حوالى 137 بس

والله يا جدع فيه ناس صحابى أطول منى

على رأيك يا باشا ...

دولت ممكن يقولوا مكتب الإرشاد فى إسسرائيل


تشكر يا باشا للتعليق

أخووك

غير معرف يقول...

ظريف صحبك ,
علي فكرة مدونتك جميلة

إخوانى حتى النخاع يقول...

شكراااا ليكى يا مدونة يا أبت أنى رأيت




تشكرى للزيارةوالتعليق

أخوكى

غير معرف يقول...

السلام غليكم ورحمة الله...ازي الاحوال يا باشمهندس..انا متشكرة جدا جدا علي الاستشارة جزاكم الله خيرا..وهو اول ما اخويا هيرجع من المدينة هيضيفك يا باشمهندس لانه هيحتاج استشارتك في حاجات كتير..وبعدين بقه كده هو تحت امره وانا الاستشارة بخمسة جنيه..ماشي
اصلا انت مش متخيل..لما بعتنا الكومنت وقاعدين مستنيين ردك وكل شوية اخويا يقولي رد واختي شمتانة في..وانا اقول كده ياباشمهندس امال لو قلتلك غيب كنت عملت ايه خليت رقبتي زي السمسمة..بس لما رديت رفعت راسي زي النعامة قدامهم..والله محاولاتك التلاتة مش عارفة اقولك عليهم ايه غير جزاكم الله خيرا كثيرا اسعدتني جدا والله ..والاستشارة وفلوس السايبر والحاجة السقعة علينا يا سيدي بس علي النوتة طبعا..وانا يا باشمهندس معملتش مدونة..علشان ما عنديش هدف ادون لاجله..هدفي عزة الاسلام وهناك الكثير يدونون فيه..اذن فهناك من يقوم بما اريد وكمان لاني ما عنديش اي وقت والموضوع محتاج وقت كبير مش عايزة ادخل حاجة ما اديهاش حقها..بس انا باكتب شعر وقصص بس لسه في البداية يمكن لما اتفوق فيهم افتح مدونة..وياسيدي ما ضحكتش علشان طولك ولا حاجة كنت بضحك علي فشر الحكومة..مش عارفة ليه مامتك فيها كتييير من مامتي انا كمان باسمع الكلام اللي انت ما قولتهوش....ويا سدي يارب اشوفك احسن مبرمج كمبيوتر في العالم كله..وترفع راسنا كده..وادعيلي علشان عندي امتحان كمان اربعين يوم..وعايزة اطلع الاولي فيه الموضوع فيه تنافس جامد..هاروح بكرة اسال الاولي في الخمسين يوم اللي فاتو كانت بتذاكر ازاي ..ادعيلللي..معلش كومينتي هيهنج جهازك مستنين البوست الاجير..وسلام الله عليك.

إخوانى حتى النخاع يقول...

السلامووو عليكوووو

أزيك يا دكتووورة ؟؟

عاملة إيه ؟؟

وأنا أقدر برده أخلى راسك زى السمسمة ؟؟

السميمة كبيرة حبة ..هههههههههههههههه


وانا مستنى الإضافة من أخوكى وإن شاء الله أساعده .. واخليه حريف تدوين


لسا يا ستى أربعين يييوم .. كتييييير أوى

أخويا كان بيذاكر قبل الإمتحان بأسبوع وبيجيب جيد وجيد جدااا

صحيح .. الحاجة الوالدة كانت بتقولك إيه ؟؟ .... مش لزما نفضح

أمى بتقولى انتا طويل وعقلك زى النملة .. وحاجة تانية بسش مش هقولها



ولو انا حسبت الفلوس هتطلع مية جنيه

ابقى ابعتيهم شحن موبايل


وإن شاء الله ربى يوفقك ويوفقنى


وأنتى شكلك عوزانى أكتب آخر وست بسرعة ...

ماشى يا حااااااااااجة

يلا بقا .. سلام