السبت، 5 أبريل 2008

شخابيط طفل مصرى ( معارض ) عاوز الحرية ..!!

السلام عليكم...


انا وعدتكم طبعااااا بالبوست دا ... وهوفى بوعدى

الى هكتبه من تأليفى .. هوا مش شعر ولا حاجة من دا

ممكن تقولوا عليه شخابيط ... بس شخابيط ليها معنى

كتبتها من قلبى ..... ويا رب تتنفذ



يلا نبدا " كنت ارى يوما فتاة ذات جمال وطيبة .. كانت أجمل فتاة فى الدنى

كان الجميع يريدونها .. كانوا يتصارعون من أجلها

كانت تلك الفتاة أمى .. كنا نسميها مصر

ولكنى اتكلم بكان .. وكان تعنى الماضى

كنت اتكلم عن خلافة .. مزدانة بالعلم والأدب

كنت اتكلم عنك يا بن العاص .. كنت اتكلم عنك يا عمر

فاليوم وجدت أمى .. قد شحب وجهها وأصفر

لم تعد فتاة جميلة .. لم تعد مزدانة بالأدب

مذ أن جاءها رجل.. يدعى مبارك اللعين

جاءكى وقتلكى يا أمى .. ومشى فى عزائك يتمختر

الله ثم الله عليه .. يا عبد للنفاق وللرياء

أذقتنا المر أياما وأياما .. وإذ ( بجوجو ) تعلو درجات ودرجات

وأنظر إذ بنا نقتلك بالضرب .. وابنك جوجو بالنار

ونظيف الذى نظف الجيوب بالصواريخ .. وترجع الفتاة جميلة مزدانة

بملك لا يقبل الظلم إطلاقا .. وتقعد فى مقعدك فى النار

وتنظر أنت والشلة بحسرة إلى مصرنا

ويأتى من بعدكم " عز " ليعز مصر ومعاليها

ويأتى من بعدكم " نظيف " لينظفكى يا أمى من الفساد

وتذكرى انتى والشلة ميادين التاريخ

وتحت تحت اسمكموا .. فترة حكم " الحمقا الملاعين "

ونكتب فى النهاية .. وماتوا بعد ذل

بالضرب بالأبائيبى





انا عارف طبعاااا الى هيا ولا شعر ولا نثر ولا أى حاجة فى الأدب ... بس ممكن تقولوا خاطرة أو شخابيط

بس من جوايا .. واهو حاجة اتكتبت بقلم طفل مصرى عاوز يغير فيها حاجة

وسلام مؤقت ... أو ممكن يكود وداااااااااعا



مين عم لكتكوت الى بيرزع على الباب دا ؟؟!!!

براحة .. انا هفتح أهو ... آآآآآآآآآآآآآآآآآآآآآآآآآآآآآآه


(و ذهب مصطفى ولم يعد )


تمت ..

هناك 66 تعليقًا:

عمر المصرى يقول...

السلام عليكم
ماما هتفضل مامتنا بس المشكلة فى الراجل اللى اتجوزها غصب وبقى جوز أمنا زى ما قلت قبل كدا عايزين نروح نحرقه فى القصر ونقول جوازه منها باطل باطل باطل
استنانى بكره فى بوست جميل هيعجبك إن شاء الله
وكلامك ده فى الصميم يا أبو درش

إخوانى حتى النخاع يقول...

شكراااااا يا حااااج عمر على الرد

دا انا هطير من الفرح علشان انتا أول رد


اكننا فى فيلم .. جواز بقرار جمهورى
انا متفرجتش عليه ... بس هوا جواز بقرار جمهورى
ههههههههههههههههه

وماما ماما تحيا ماما ..

وانا ياباشا فى إنتظار بوووستك ( متفتكرشى غلط)
من قصدى بوستك يعنى قبلتك .. يعنى موضوعك قصدى
هههههههههه


يلا سلالالالالالالالالام

روينا يقول...

بسم الله
انا اساسا مش داخله اعلق تانى على المدونه الدينجرس(خطر بالانجليزى)
ربنا يلطف بينا من ماما وجوزها سحلول
شخابيط جميله يا اخوانى
اعزك الله

إخوانى حتى النخاع يقول...

ههههههههههههههههههههههههه...

دا انتى الى دينجرس

حد يقول على جوز ماما دينجرز؟؟!!
ههههههههههه

تشكرى على التعليق

دواير يقول...

بيقولوا اللي يتجوز أمي أقولوا يا عمي....يلا مش مشكلة..المهم يا مصطفى....زي ما قال عمر المصري المشكلة مش في الراجل اللي اتجوز أمنا...المشكلة فينا إحنا....المفروض نكون أبناء بارين...ساعتها بس أمنا هترجعلنا....
.........وأخيرا سؤال؟انت اتعديت من الحكومة ولا إيه تقول ذهب ولم يعد...وبعدين نلاقيك منور التعليقات وبترد....فين المصداقية....!!!

monaliza يقول...

ياعم اطمن محدش بيقرا اللى احنا بنكتبه اصلا والا كان كل بلوج اكتفى بموضوع واحد وبعد كده الله يرحمه
واللى انا بستغربه رغم جمال ماما ليه جوزها مش بيحبها وعايزها دايما وحشة مع انها فى وشه يعنى
لنا ولها الله
بالتوفيق دائما

walaa يقول...

مش مهم شخابيط ولا خواطر المهم اللى احنا بنحب بلدنا بجد
ونفسنا نعمل اى حاجه علشانها وانت بدات بدايه كويسه
تحياتى ولاء

مجرد حكاية يقول...

ياريتها ترجع زي زمان بس ياريت كمان ولادها يرجعو يحسو بيها زي ماكنو زمان ويحسسوها انها غاليه عليهم مش مجرد شعارات عشان هي غالية عليا قوي.....

*سمر* يقول...

هى فعلا مش شعر ..ولا نثر ..بس هى كلام جمل ..لطفل مصرى جميل برده :) هاهاها ..
تحياتى ليك ..ولمواضيعك

http://wa7di-ofakker-137.blogspot.com/

tamooh يقول...

تسلم ايدك على الشخبطة
..أترك النقد لاهله..لكن احييك
بس صعب أشبه أمى بمصر
أمى فى الاغلب راضية وممكن توعل
لكن مصر دايما زعلاااااااااااانة
:)

سمية-بنت البنا- يقول...

السلام عليكم ورحمة الله وبركاته


المدون الفاضل .. اخواني حتي النخاع ..

مصر... كانت أما لنا زما زالت...

ولكن....من يعيد لها كرامتها المهدورة ..
واسمها الذي كانت في الماضي شعاعا ينير الدنا..
واليوم ...ضاع بين غيابات الظلم والفساد..


مصر ... كانوا في الماضي يحفظوننا عند كتابة مواضيع التعبير أن نكتب عن جمال مصر وروعتها ...
كانوا يحفظوننا كلمات لنكتبها ..

ولكننا اليوم نظرنا إلي أرض الواقع لنكذب أنفسنا ..
وأن نكذب تلك الكلمات التي كنا قد كتبناها ..


مصر .. بلدي الحبيبة التي أشعر فيها بالغربة رغم اني بين اهلي ..
ولكنها غربة ستزول بزوال الظلم والظالمين ..

سيدي الفاضل .. بوركتمـ
واستمروا في شخابيطكم ...
وأبدا لا تتوقفوا ..


جزيتمـ خيرا

sasatifa يقول...

ايه الحاجات الجامدة دي ياسيدى ياسيدى
يا عم اخوانى نحب نتشرف
انا اخوك فى الله مصطفى اوsasatifaوأكبر منك بثلاث سنوات فى تالتة ثانوى من الجيزة فيصل اول شارع لأ تانى شارع على ايدك الشم.. موضوع كبير..بعدين ..بعدين المهم ان انا عاوزك تخش على المدونة بتاعتى ..اه..انت مش صغير النهارده او بكره وتكون عندى ماشى دا كفاية ان اسمك على اسمى
http://ahlammaya.blogspot.com/
أنى أحبك فى الله

إخوانى حتى النخاع يقول...

أيه يا دواير .. لزما إحنا نكون أبناء بااارين لأمنا ..

ولو الراجل دااتعدى حده ممكن نضربه .

ههههههههههههههههههههه

مصطفى هوا الى راح واتاخد .. مش انا
هههههههههههههههههههه

إخوانى حتى النخاع يقول...

صح يا حاجة ... لو الحكومة شافت المدونين هتمسكهم واحد واحد


انا والله مش عارف ... لو كنت منه كنت هعتنى بيها جداااااااا جداااااااا


بس هوا راجل ( غبى ) نعمل إيه ؟؟!!

إخوانى حتى النخاع يقول...

شكراااا ليكى يا حاجة ولاء على التشجيع ...

ربنا يبارك فيكى

إخوانى حتى النخاع يقول...

انا معاك يامجرد حكاية

لزما كمان الأبناء يعودوا ليها تانى


شكرااا ليكى على التعليق ...

إخوانى حتى النخاع يقول...

شكراااا ليكى يا سمر على التعليق ...


واهى حاجة كدا طالعة من جوايا..

شكراا ليكى

إخوانى حتى النخاع يقول...

مهو يا حاجة طموح مصر زعلانة من جوزها ..


وزواج مبارك من مصر باااطل


شكرااا ليكى للتعليق

إخوانى حتى النخاع يقول...

مهو يا حاجة طموح مصر زعلانة من جوزها ..


وزواج مبارك من مصر باااطل


شكرااا ليكى للتعليق

إخوانى حتى النخاع يقول...

مهو يا حاجة طموح مصر زعلانة من جوزها ..


وزواج مبارك من مصر باااطل


شكرااا ليكى للتعليق

إخوانى حتى النخاع يقول...

مهو يا حاجة طموح مصر زعلانة من جوزها ..


وزواج مبارك من مصر باااطل


شكرااا ليكى للتعليق

إخوانى حتى النخاع يقول...

أختى سمية

شكراااا لكى على الكلمات الجميلة دى


وإن شاء الله لن نتوقف أبداااا مهما صنعوا فينا ..

شكرااا ليكى اختى

إخوانى حتى النخاع يقول...

شكراااا ليكى يا حاااج مصطفى على التعليق

وطبعااا لزما ندخل مدونتك


انتا لزما بقا تقول مقاس الجزمة

ولا إيه ؟؟!!

وان أحبك فى اللــــــه

رامــــى حجــــاج يقول...

كلام مش شخابيط ولا حاجة

انطلق يا عم

ده انت جامد جداااا

sasatifa يقول...

حضرتك يا ريت لما تدخل تسيب التعليق ..أحسنلك يعنى ..مقاس الجزمة .. يا..... درش

إخوانى حتى النخاع يقول...

شكرااا ليك يا حاااج رامى على التعليق وعلى التشجيع


تشكر يا باشا

إخوانى حتى النخاع يقول...

والله يا حاج مصطفى انا كان عندى درس

مقدرش أرد خااالص ..فقولت اول لما أقعد كمان مرة ابعتلك رد


وتشكر يا غالى

انا مقاسى 45

متستغربشى ..ههههههههه

ام يحيي يقول...

مش عارفة مين جوجو دا؟
يحيي بيدلع اللي في بالي بجيمي
علي العموم بكرة مامتنا تطلق ابوه بالتلاتة ونرتاح منهم

إخوانى حتى النخاع يقول...

ازيك يا أم يحيي ؟؟

الواد يحيي أخباره إيه ؟؟

صحيح .. انا اسمى مصطفى يحيي
ههههههه

هوا دا الى قصدك عليه .. هوا فيه حد غيره ؟؟

إن شاء الله مصر ترفع قضية خلع ..

ههههههههه

شكراا للتعليق

اوعى تفكر يقول...

سبحان الله ايه الكلام اللى انت كتبه ده
بس انا اشجعك على انت فى السن ده وبتفكر لسه استمر استمر
ده عنوان مدونتى
http://awatfakr.blogspot.com/

اوعى تفكر يقول...

جزاك الله خيرا
والله الواحد فرح لما شاف الصور بتاعة
حملة أ/عمرو خالد فجزاك الله خيرا يا اخى
واهو كله بيخش فى ميزان حسناتك
مين قدك؟؟؟؟؟؟؟؟؟؟؟؟؟؟؟؟
ياريت الواحد فى منطقته كان عنده اشبال زى كده
دى عنوان مدونتى للتواصل
http://awatfakr.blogspot.com/

اوعى تفكر يقول...

الواحد فرح لما شاف الصوور دى كلها بتاعت حملة حمايه
كله بيخش فى ميزان حسناتك مين قدك ياعم؟؟؟؟؟؟؟؟؟؟؟؟؟؟؟؟؟
على العموم دى مدونتى للتواصل
http://awatfakr.blogspot.com/

عمر يقول...

بيقولوا فيه اختراع دلوقتي شغال طحن وسط السيدات وهو .. الخلع
مش عارف إذا كانت مامتنا سمعت عنه ولا ماعندهاش عيال يقفوا معاها عشان تعمله ؟؟؟

أنا أحييك على أسلوبك ، ولو أن لي عتاب محب ، ياريت تتقبله
ياريت مهما كنا ما نقبلش شخص ما لا نجرح فيه لأننا نعامله بأخلاقنا الإسلامية وليس بأخلاقه هو وإلا يبقى إيه الفرق بينا وبينه ، وقدوتنا في كده رسولنا صلى الله عليه وسلم في حادثة الطائف : لعل الله يخرج من أصلابهم من يعبد الله ، واللهم اهد قومي فإنهم لا يعلمون
ولا ايه رايك؟؟

تحياتي ، وننتظر المزيد من .. الشخابيط المتميزة

إخوانى حتى النخاع يقول...

شكرااا ليك يا أوعى تفكر ...

وإن شاء الله أى حملة أو أى حاجة لدينا وللمجتمع لزما ننزل نشارك فيها ..

وشكرااا للتشجيع .. وان شاء الله نستمر

تشكرررر

إخوانى حتى النخاع يقول...

ازيك يا حاج عمر ؟؟؟

إحنا بنفكر فى كدا .. والأبناء كلهم بيفكروا فى كدا

وعلى العتاب ... انا طبعاا اقبل العتاب دا منك وعارف الى هوا عتاب محبة

وعاوز أقولك الى ممكن يكون فى روحى كتبته ... وهوا مكنشى فيه شتيمه
وعلى العموم .. انا هدقق أكتر وانا بكتبب أى شخابيط تانى

شكراا حبيبى للتعليق

اوعى تفكر يقول...

رغم اللى انت كتبه ولا شعر ولانثر لا حاجه خالص
بس كلام جميل تحس انه طالع من القلب
وان شاء الله ماما هتطلق الراجل ده
او ترفع عليه قضبة خلع ونخلص منه
وترجع تضمنا فى حضنها تانى

إخوانى حتى النخاع يقول...

إن شاء الله دا الى هيحصل ...

ولو عاوز اى حاجة فى التدوين اميلاتى فى جنب الصفحة

ابقا ضيفهم ونتكلم ..


يلا

سلام

بنوته مصرية يقول...

ازيك يا مصطفي شخبيط جميلة فعلا

وانا كمان بستغرب الراجل بيغير علي مراته لو حد اتكلم عليها بكلمة بيجيب لها كل شئ حلو

هو بيهملها وبيقسي عليها وعلي ولاده
ولاده بينامو في الشارع بياكلو من الزباله وهو بياكل احسن اكل وبيلبس احلي لبس

حسبي الله ونعم الوكيل

هيتحاسب علي كل ده
ربنا مش هيسيب حقنا ان شاء الله

تحياتي
رودي

مواطن مصرى نايم يقول...

سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!
بوست جميل يا جميل

اوعى تفكر يقول...

الايميل بتاعى اهو
m_fares2110@hotmail.com

اوعى تفكر يقول...

وخد ده كمان
m_fares2110@yahoo.com

إخوانى حتى النخاع يقول...

السلام عليكم
ازيك يا رودى ؟؟

مش عارف انا إيه الأبهات القاسيين دولت ؟؟!!

حاجة وحشة جدااا

تشكرى يا رودى على التعليق ..

إخوانى حتى النخاع يقول...

شكراااا ليك يا مواطن يا ناايم على التعليق ..

وتشكر للزيارة

أخوك

واحد من البلد دى يقول...

والله يا أخى إنت طمنتنى...يعنى مش أنا لوحدى اللى ح اروح أصيف...عايز تعرف معنى كلامى..تكرم بزيارتى....تدوينتك راااااااااااااااااائعة....

مفقوعة مرارتي من حماتــــــــــــي يقول...

ومصطفي عامل ايه دلوقتي
وياتري بيبعتوله عيش وحلاوة ولا لأ
لو مافيش حد بيبعتلك نبعتلك احنا الحلاوة
بس العيش مانوعدكش ياباشا

إخوانى حتى النخاع يقول...

السلام عليكم ..

ازيك يا واحد من بلدى ؟؟

عامل إيه ؟؟


انا فهمت من غير ما أشوف المدونة بتاعتكم
بس لزما طبعا اشوفها

تشكر يا باشا للتعليق ..

إخوانى حتى النخاع يقول...

السلام عليكم

والله يا ستى مفقوعة لو حتى فيه حلاوة يبقا حلو خاااااااااااااالص


تشكرى للتعليق ...

Hosam Yahia حسام يحى يقول...

تدوينه جميله

ماشاء الله

ربنا يوفقك

عاشقة الطب وصريعته يقول...

بسم الله السلام عليكم ورحمة الله يا دكتور..من قال يا اخي انه تزوجها؟؟هو اغتصبها اغتصاب علني ونحن ابناءها واقفين بنتفرج؟؟عمري ما شوفت شعب ما فيهوش نخوة زينا يا د\مصطفي..جزاكم الله خيرا علي المدونة الاكثر من رائعة والسلام عليكم ورحمة الله وبركاته."طبعا بتسال انا ليه بقولك يا دكتور؟؟هقولك بكره هن شاء الله او النهارده..حسب الظروف"

إخوانى حتى النخاع يقول...

شكرااااا يا يا حسام على التعليق



وشكرااا للزيارة

إخوانى حتى النخاع يقول...

يا عاشقة الطب ... هوا مبارك عمل كل حاجة


وانا مستنيكى تردى وتقولى ليه كلمة دكتور دى ؟؟


علشان انتى عاشقة للطب ؟؟!!

إخوانى حتى النخاع يقول...

والباشا أخ جامعة بعتذر ليه جدااااا

والله انا عملت نشر لتعليق وانا مش لاقيه خااااااااااااااااالص


انا قريت جزء من التعليق .. بس والله مش عارف اختفى فين تعليقك

على العموم قدر الله وما شاء فعل

وتشكررر للتعليق

مدحت محمد يقول...

جواز مصر من مبارك باطل
باطل
باطل
عسل يامصطفى

إخوانى حتى النخاع يقول...

تشكر يا حااااااااج مدحت على الرد ...

تشكككككككككككككككككككر

اوعى تفكر يقول...

امتى هنشوف مواضيع جديده؟؟؟؟؟؟؟؟؟؟

همس الحياه يقول...

ايه ياعم الشخابيط الجامدة دى بص هو متجوزش امى غصب عنها هو اتجوزها لانه ملقاش رجالة يقفولوا ويقلوا لا كفاية لحد هنا بس

إخوانى حتى النخاع يقول...

بكرة يا حاج اوعى تفكر

يوم الاتنين هتشوف بوست جديد إن شاء الله
كل يوم اتنين هتلاقى البوست الجديد محطوط


ماشى ؟؟


تشكر يا جميل على المتابعة

إخوانى حتى النخاع يقول...

ازيك يا همس ؟


والله فيه ناس بتقول لأ

بس الى اتجوز مصر بيحبسهم ..


تشكرى على التعليق

رُدَّ إلى َّ روحى يقول...

هههههههههههههههههههههههه

جميلة خالص بجد
ربنا يكرمك ويرجع لنا ماما





وبالمناسبة مصطفى راح فين؟

حطم القيود يقول...

راااائعه

ايه الابداعات دى كلها

مبروك على شكل المدونه الجديد

للامام دائما

قطـــــوفها دانيــــــة يقول...

اولا بجد اضحك الله سنك على نهاية البوست بتاعك
بجد عجبنى جدا ومش مهم يكون شعر ولا نثر المهم يكون كلام طالع من قلبك زى ما قلت واللى يطلع من القلب يدخل للقلب على طول الاخلاص بيبان يا مصطفى
يا ريت ما تحرمناش من شخابيطك
جزاك الله خيرا وربنا يوفقك وما تقلقش كلنا معاك لاننا كلنا ولاد مصر

إخوانى حتى النخاع يقول...

تشكرى يا رد إلى روحى على التعليق


وانتى طبعااا عارفة مصطفى راح فين .. ولا مش عارفة ؟!!

إخوانى حتى النخاع يقول...

تشكر يا حطم قيودك على التعليق


والله يبارك فيك ..

وإن شاء الله هنكون للأمام دائما

إخوانى حتى النخاع يقول...

أختى قطوف


تشكرى فعلا على الرد

وطبعاااا كلكوا مع ولاد مصر المخلصين

وإن شاء الله نرجع مصر لأولادها الى يعرفوا يعمروها كويس


تشكرى على التعليق

ملائكة السماء يقول...

السلام عليكم ورحمة لله وبركاته

أزيك يا مصطفى هقول مصطفى على طول لأنى الحقيقة اكبر منك سنا بكتير فمفيش داعى للتكليف

المهم

يا سعادة الاخوانجى باشا انا معاك البلد فيها بوزان كتير وأوضاع غلط كتير بس اللى شدنى هنا وعوزة اقول ازعجنى جدا الطريقة اللى بتنتقد بيها طريقة تعتمد على السب واللعن وده كله اراه لا ياتى بفائدة بل واظنه غيبة واستهزاء تحاسب انت عليها ألا تعرف قول الله (ولا يسخر قوم من قوم )
وبعدين يا درش انا وانت هنستفيد ايه لما نقعد نشتم وننتقد بالشكل اللازع ده
متيجى بدل كده نعرض افكار للتغيير ونتعاون على التنفيذ ونطور نفسنا وربنا معانا

متهيالى كده يكون افيد لماما مصر ولا أيه ؟؟؟؟؟؟؟؟؟؟؟؟؟؟؟؟؟

ٍSOU يقول...

لا تعليق ...
حلوة اووووووى النهاية بتاعة البوست ..ذهب و لم يعد :))
معلش سؤال ع الهامش ..يعنى اية اخوان؟؟
انا عارفة الاخوان ..ماشى ..بس ناا بسال يعنى اية واحد يقول على نفية انا اخوان..لية بيعتبر نفسة منهم ؟؟ على اى اساس يعنى؟؟
كان معايا زمايلى فى الكيلة يقويلى فلانة دى اخوان اقولهم يعنى اية يقولوى يعنى بتنهج نهجهم... اجابة عايزة توضيح اصلا..
ممكن تبعتلى الرد على مدونتى؟