الثلاثاء، 22 أبريل 2008

إنتهاء الحداد .... وبدا الشغل !!

السلام عليكم ..,,
أزيكووووو ؟ عاملين إيه ؟؟ والله العظيم وحشتونى أوى أوى
أول حاجة عاوز أقولكم عليها .. الى انا هقسم البوست دا لأقسام تلاتة
قسمين صغيرين وقسم كبير بس مش أوى يعنى
قسم للتحية .. وقسم للعتاب .. وقسم للأحكام العسكرية
القسم الأول
انا بجد بجد عاوز أحى أى حد شارك معانا فى الحداد .. سواء كان مدون أو مدير موقع أو منتدى .. انا والله مكنتش
متوقع إلى موضوع الحداد حيكون كبير بالشكل دا ويشارك فيه الأعداد الكبيرة دى
يا رب يحفظم
القسام التانى
أول لما دخلت الياهوو أخ بعتلى لينك مدونة .. قالى شوف آخر بوست كدا
قولتله ماشى .. دخلت لقيت المدونة عندها فوبيا من الملتزمين
أنا حسيت واتأكدت الى المدونة بتكره الملتزمين وبتكره أى حد بيحب الملتزمين
وأول لما شوفت الصور الى على الجنب .. لقيتها صور بتهاجم وبتشتم فى الإخوان وحماس
كان البوست دا محطوط فيه صورة راجل ملتحى ومراته المنقبه وكانوا فى البحر والراجل بيبص لمراته .
قاعدة تضحك وتألس .. وتقول هما معندهمشى بيت يبصوا لبعض فيه ؟؟!!
انا رديت عليها بكل إحترام وأدب ... أنتى يعنى بتعلقى على صورة واحد ومراته ؟؟
دا رجال ومراته مفهاش حاجة .. ثم أنتى سبتى صور الدنيا الى فيها صور بنات مع شباب مش متجوزين وبيبوسوا
بعض فى البحر وبتعلقى على الصورة دى ؟؟
طبعاااا تعلقيى متضافشى ... وشتمت بألفاظ وحشة
وقالت الى انا كتبت ليها لستى شتايم .... وطبعا كل دا كذب فى كذب
انتوا هتقولوا الى انا عاوز اعاتب مين يعنى ؟؟
انا عاوز أعاتب المدونين الى انا أعرفهم وبدخل عندهم واعرف الى هما محترمين
وبعض النظر عن اتجاهتهم إذا كانت سياسية أو إجتماعية
لقيتهم بيعلقوا على الصور بضحك وبيألسوا ..
انا والله كنت بتوقع منهم إنهم يعاتبوا الى كاتب الموضوع ... بس للأسف رأيت حاجة تانية خااااالص
انا بجد بعاتبهم .. وبقولهم فكروا فى الكلام الى انتوا بتكتبوه
وشوفوا نوعية المدونات الى انتوا بتدخلوها ...
القسم الثالث
انا والله مش هطول أوى فيه لأن الموضوع دا كل المدونات كتبت فيه ..
أنا بقول الى المحاكمين العسكرية " ولا تهنوا ولا تحزنوا وأنتهم الأعلون "
أقول لهم لزما أى حد عنده دعوة ..لزما يتعمل فيه كدا
ساعة لما كنا فى كونفارس فى الياهوو .. والله كانت قلوبنا معاكوا
هوا نظام ظالم ... بس أنتم الأعلون غصب عنهم
واهدى لكم هذه الأبيات :-
أيها المحاكمين عسكريا ... أنتم الأعلون مهما فعلوا
شاطر ومالك وغيرهم .. قد رفعوا الرأس إلى السما
انتم الأحرار دا السجون .. وهم المسجونين فى الدنا

هناك 54 تعليقًا:

اوعى تفكر يقول...

ربنا يباركلك يا رب
بالنسبه للمدونات التى تهاجم الاخوان
انا دخلت على مدونات بتهاجم الاخوان
سبحان الله
هما تقريبا بيشتموا الاخوان عشان كده
انتقداتهم غير موضوعيه وبعيده عن المصداقيه
وتحس انهم مش عارفين يقولوا ايه
عكس
مثلا واحد بينتقد الاخوان ويجيب
حاجات منطقيه ساعتها انا بحترمه اوى
يمكن الحكايه دى موجوده
عشان خاطر الهجمه الوحشيه اللى
بتهاجم الاخوان بعد الاضراب
اللى حقيقه بان فيه الناس
اللى بدأت تتلكك للاخوه
وتتكلم كلم مش معقول

رامــــى حجــــاج يقول...

7amdan llelah 3ala el salama ya mostafa
sorry mafish 3arabi fi el keyboard

إخوانى حتى النخاع يقول...

أزيك يا حااااج أوعى تفكر ؟؟؟


انا والله معاك .. اعرف ناس متناقضة مع الإخوان بس بحترمها

وفيه ناس .. بتشتم بمجرد الشتيمة

تشكر يا باشا على التعليق

إخوانى حتى النخاع يقول...

ازيك يا حاااج رامى ؟؟


الله يسلمك يا باشا

انتا لو كتب ليا ياباشا بالألمانية ... هفهم برده

هههههههههههههههههه

تشكر يا باشا

secret-love يقول...

السلام عليكم
يمكن تكون اول زياره ليك بس بجد انا سعيد جدا بيك لانك فى السن ده وبتكتب وبتقول اللى جواك استمر وربنا معاك

غير معرف يقول...

السلام عليكم
ازيك يا درش
مبروك النيولوك
بس يبنى انا احترت كل ما ادخل الاقيك مغير الشكل ارسى على بر
عموما بخصوص المدونة اللى ضايقتنا كلنا
يعنى كل اللى بيجرى ده كله ميخليناش نهتم لحاجات زى دى فيه اهم من كدا
وبعدين "إذا خاطبهم الجاهلون قالوا سلاما"
شد حيلك يا درش الفترة اللى جايا

موناليزا يقول...

ربنا يبارك فيك ويكرمك على حميتك للاسلام

موناليزا يقول...

ربنا يبارك فيك ويكرمك على حميتك للاسلام

walaa يقول...

ربنا يهدى الناس دى احسن متدخلش عندهم وزما فى ناس بتحب الاخوان فى ناس بتكره الاخوان

وربنا هيحاسب كل واحد على عمله
وحسبنا الله ونعم الوكييل فى المحكمات العسكريه هيروحوا فيين من ربنا
تحياتى ولاء

Unknown يقول...

عودا حميدا

وايه ياعم ده...كل يوم شكل جديد للمدونه

عودا حميدا

وحسبنا الله في من ظلموا اخوانا

أحمد سعيد بسيوني يقول...

بسم الله
ربنا يهدي الجهلة والحاقدين يا رب
وكان الله في عون قادتنا المعتقلين
جزاكم الله خيرا

إخوانى حتى النخاع يقول...

شكرااااا ليك يا سكرت لف ...

وإن شاء الله هنكون مستمريين علطوووول

وان شاء الله لا تكون آخر زيارة

أخوكى

إخوانى حتى النخاع يقول...

والله يا حاج عمر انا بس زهقان حبة من التصاميم ... يا رب لو عندك تصميم html

ابعتهولى ضرورى ..بس يكون تصميم محترم مش أى كلام

‘نبارح وانا جاى أعدل عليه الكهربا قطعت خمس ساعات

معلش بقا يا باشا

وإن شاء الله اشد حيلى ..

وهقولهم .. سلامااااا

إخوانى حتى النخاع يقول...

شكراااااااا ليكى يا موناليزا للتعليق


وبارك الله فيكى

أخوكى

Unknown يقول...

عشان كده انت مارضيتش تدينى اللينك أوك بس انت ليه غيرت تصميم المدونة اللى فات كان احلى وانا بصفتى قأرى لمدونتك وليا الحق انى اطردك حتى لوو انا حبيت براحتى انا بطالبك ان انت ترجعه.......اه .التصميم القديم ماينفعش الا للمدونات الجديده وبعد ما حطيت تصميم للحداد معرفتش ترجعه..صح
على العموم تعيش وتاكل غيرها
وبالنسبه للهجوم على الاخوان دا شئ طبيعى لان مافيش منبر اعلامى للجماعة بالتاى الناس هيعرفوه منمصادر أخرى وما اكثر الجرائد التى تهاجمكم وبالتالى أصبحت الجماعة لغز محير للمواطن والقاعدة الشعيبة منقسمة ما بين معارض ومؤيد انا بالنسبه بالفعل فيه نقاط كثيره الجماعة بتمثل لغز وما بكونش عارف انتوا حلوين ولا كخه ومحظورين
وشكرا ودمتم وياريت تبطل دكتاتورية وتخلينا نحط التعليق اللى احنا عازينه ولا ايه واف على الاطاله

إخوانى حتى النخاع يقول...

والله يا ولاء انا مبقتشى ادخل عندها ..


بس فيه حاجة هتحلص لها بعد قريب إن شاء الله


وعندك حق .. هما حيروحوا من ربنا فين ؟

شكراا للتعليق

إخوانى حتى النخاع يقول...

والله يا ستى " حطم قيودك "

انا زى ما قولت ..عاوز استايل html حلو


بس مش عارف اجيب انا منين


تشكرى يا ستى على التعليق

إخوانى حتى النخاع يقول...

شكرااااا ليك يا أخ احمد


وإن شاء الله ربا يهدى


تشكر للتعليق

إخوانى حتى النخاع يقول...

والله يا حاج مصطفى انا أول لما بوافقع لى النشر مش بقرأ أى تعليق

بعمل نشر وأقرأ من المدونة علطول

وياباشا الجرائد الى بتهاجم الإخوان بتكون فاقدة للصحة .. أقرب حاجة ساعة لما قالوا غلى واحد مفتى فلسطينى حلل قتل الجنود المصريين على الحدود ..

هما عاوزين ضجة بس

ربنا معانا كلنا ... ويا عم على حكاية التصميم جارى تعديل التصميم ووضع إستايل أحسن بكتير إن شاءا لله

أم حبيبه يقول...

بسم الله


2-ربنا يهديهم و يصلح أحوالهم
و يهدينا إن شاء الله

3- ولا تهنوا ولا تحزنوا وأنتهم الأعلون

صدق الله العظيم

ربنا يصبرهم و يثبتهم

*سمر* يقول...

انت جبت المفيد فعلا ..
لازم كل واحد مش بس يكتفى بان مدونته تحوى كلام جدير بالقراية ..لء ده كمان مفروض يتأكد هو بيدخل عند مين ..وبيعلق عند مين ...

انت عارف كلامك ده خلانى ..اشوف كل المدونات اللى عندى فى المفضلات ..واتأكد منها تانى

اشكرك :)

واحد من البلد دى يقول...

والله يا آخى إنت حميتك للإسلام واضحة ولكن أنت أصغر من أن تدرك أن الثبات على المبدأ هو أهم من المبدأ ذاته...أدعوا الله لك بالثبات...وبالنسبة للأخت اللى كتبت ونشرت وشتمت...فلابد-بما إنك مسلم-أن تحسن إلى من أساء إليك..ولا نعطى الأمور أكبر من حجمها...وبعدين الأخوان المسلمون...أنا شفت فيديو على (يوتيوب)بتاع إغتيال السادات..وإنهم قالوا عليه زعيم عصابة الأشرار..ومجرم يجب أن يحاكم..وكافر هو ومن تعاهد معهم...لذلك .كانت هذه هى دوافعهم اإغتياله...مظبوط كلامى لحد كده..؟؟؟طيب هما الأخوان من ساعتها دخلوا الكهف وما طلعوش لحد دلوقتى.؟؟هو حال البلد أيام السادات ولا حالها دلوقتى..؟؟؟؟ومع ذلك الأخوان مثلهم مثل أى حركة أخرى.....-مع إختلاف المسميات-فهم مثل غيرهم..لا تسمع منهم سوى عبارات(نشجب..نندد..نساند..نآبى..و..و..و..و..و(وهكذا..ياآخى (إن الله لا يغير ما بقوم حتى يغيروا ما بأنفسهم)..والتغيير لا يأتى بالعنف...ولا أقصد العنف الدموى..ولكن التشبث بالرآى دون الأستعداد للمناقشة..هو عنف فكرى..وفى النهاية..أنا لست مع أحد ضد أحد..ولا أنتمى إلى أى جماعة..ولكننى أرحب دائما بالحوار(المثمر)وسماع رآى الآخر بدون تشدد(مع الإستعداد لتقبله)وفى النهاية..فعندما يتصيد الصياد طريدته...ينقسم الناس إلى فريقين..فريق يقول (إن هذا الصياد ماهر حقا)وفريق يقول(ما أغبى هذه الفريسة..كان يجب أن تنتبه للفخ)..أرجو أن يكون مضمون تعليقى قد أفادك وأرضى (إخوانيتك)..دمت صديقا غاليا

غير معرف يقول...

بسم الله..السلام عليكم..كيف الحال يا باشمهندس..افتقدنا تدويناتك فترة الحداد..حمدا لله علي السلامة..معلش هي بس تلاقيهاجاية من السعودية..بس انا عايزة اخدها لفة في المجمع..وتحت الكوبري..علشان تشوف الادب والاخلاق..مش عارفةيعني هي عايزاهم يغضوا بصرهم عن بعض؟؟؟؟؟انا لله وانا اليه راجعون..اللهم فرج عن اخواننا اللهم اجرنا في مصيبتنا واخلفنا خيرا منها"لينا رب اسمه الجبار المنتقم"..سلمت يمناك يا بشمهندس..تقبل الله واعانكم.

مواطن مصرى نايم يقول...

لا يا جميل انا رديت بس بإحترام
لان مينفعش ان الواحد يهاجم اى حد
لانه عبر عن وجهة نظرة
و بعدين المنظر فعلا مش كويس
و هى لما شتمت برضوا
انا رديت بس برضوا بإحترام
و انت شفت الرد
و لعلمك برضوا هى انسانة كويسة
اما بالنسبة لانها مش بتحب الاخوان
عاااادى دا رأيها
اما بقى بالنسبة للمحاكمات العسكرية
ربنا مع كل المحكوم عليهم و حسبنا الله و نعم الوكيل
سلامى ليك يا جميل

محاولة لكسر الصمت يقول...

أولا حمد لله على السلامة...
وثانيا....بعيدا عن تأييدي او معارضتي لفكر الإخوان المسلمين ..فأكيد اللي حصل ده مايرضيش حد ولازم الناس تحتج....
وثالثا..انا طبعا مش عارفة انت بتتكلم عن بوست ايه ومدونة ايه..وبالتالي لن أعلق....

ورابعا....فعلا..لا تهنوا ولا تحزنوا...

صانعة الحرية يقول...

بسم الله
السلام عليكم
ازيك يا درش
ايه اخبارك واخبار المزاكره شد حيلك الامتحانات على الابواب
--------
التحيه
انا كمان بحى كل من شارك فى الحداد
حتى لو من باب مشاركه وجدانيه لاهالى المعتقلين
---------
العتاب
اولا سعيده جدا انك علقت
لما تعظوم قوما الله مهلكهم او معذبهم قالوا معذرة الى ربكم ولعلهم يتقون
اللى انت عملته دا هو الصح
التعليق بقى اتنشر او متنشرش مش مهم
المهم انك خلصت نفسك امام الله
اما عن باقى المدونين فوالله مش عارفه اقول ايه
لا تعليق
---------
المحالين للمحاكمة العسكريه
هقولهم برضه لا تهنوا ولا تحزنوا وانتم الاعلون

طلاب من أجل مصر يقول...

صرخة غضب
شقت سكون الليل وترجمها القلم
بحروف بلون الدم والموت والألم
في بلد قلبت فيها الموازين فاصبح
المجرم برئ والصالح متهم
في مكان عم فيه الظلم بكل انواعه وانعدمت فيه حقوق الانسان
حكم على قيادات الاخوان
و حسبنا الله ونعم الوكيل
(بصراحه كلمة حسبنا الله ونعم الوكيل كفاية خالص عن اي حاجه)
لك مني كل الشكر والتقدير
على مدونتك الرائعة ربنا يخليك لوطنك وامتك..

إخوانى حتى النخاع يقول...

أهلا بيكى أم حبيبة

يا رب يهديهم ..


شكراا لكى اختى للزيارة الحوة دى والجميلة

وشكراا للتعليق

أخوكى

إخوانى حتى النخاع يقول...

شكرااا لكى أختى سمر على التعليق

وحاجة حلوة فعلا الى كل واحد يشوف محترى المدونات الى بيدخلها ..

شكراااا ليكى وللتعليق

أخوكى

إخوانى حتى النخاع يقول...

ازيك يا حاج واحد من بلدى ؟؟

والله على حكاية اغتيال السادات دى حصل فيها حوارات كثييييييييرة جداااااا جداااااا

واثبتوا الى الإخوان مش هما الى اغتالوا الإسلام

والإخوان عمرهم ما استخدموا العنف مع أى حد ...

على الموم وصلت فكرتك ..

وتشكر يا حبيبى على التعليق .

اخوك

إخوانى حتى النخاع يقول...

ههههههههههههههه..

إيه التغير المفاجىء دا يا عاشقة الطب

من دكتور بقيت باش مهندس ؟؟!

ههههههههههههههه


هيا يا ستى واحدة مصرية ...

هتعملى إيه يعنى ؟؟؟

وحسبنا الله ونعم الوكيل

والله زيارتك بتسعدنى

مشكووووووووووووووووووورة

إخوانى حتى النخاع يقول...

يا مواطن يا نايم ..

كلامك متعاااااارض خااااااالص

انتا قولت الى هيا شتمت .. وقولت الى هيا كويسة

أزاى ؟؟!!!

هيا واحدة ملهاش دعوة علشان تتكلم عن الملتزمين اصلا

وانا والله ما شتمت خاااااااالص
هيا الى بتكذب ... ولو انا شتمت
كانت هتضيف تعليقى وتقول شوفوا الإخونا بيشتموا ومش بيشتموا

على العموم .. انا بقولم شوف محتوى المدونات الى اتا بتدخلها


أخوووك

إخوانى حتى النخاع يقول...

ازيك يا حاجة دواير ؟؟


فعلا دا مش موضوع يمس الإخوان .. دا بيمس الملتزمين


تشكرى على التعليق ...

اخوووكى

إخوانى حتى النخاع يقول...

شكراااا ليكى يا صانعة الحرية ..

متخفيش ...



وربنا يهدى بتوع المدونات دى


تشكرى للتعليق


أخووووكى

إخوانى حتى النخاع يقول...

شكرااااااااا ليكى يا عبد الهادى للتعليق الجميل دا

وللكلمات الرائعة دى ...


اخووك

Ahmed El-Agouz يقول...

يا رجل الاخوان
جزاكم الله خيرا علي هذا البوست
الرائع
بص بخصوص الشتايم والمناقشات والجدل حاول تتجنبها لانه مفيش فايدة منها ولان احنا مع الاسف كثيرا ما نعرف ان نتحدث الي الغير باسلوب موضوعي وانا لا اقصدك انت لا والله بس للاسف هذا هو الغالب

جزاكم الله خيرا لغيرتك علي دينك
العجوز

ام يحيي يقول...

الكلاب تعوي والقافلة تسير

احسن رد للناس دي هي التجاهل

ورأيي اننا نسحب جمهور المدونين اللي بيعلقوا عندهم وبيتأثرو بيهم
بأننا نوريهم الملتزمين دول عاملين ازاي وأرائهم ايه باننا نجذبهم لمدوناتنا
فيحسو بتفاهة وكذب المدونات اللي بتقول عليها

إخوانى حتى النخاع يقول...

شكرااا يا حاااج أحمد على التعليق

وانا فعلا مش هجادل معاهم تانى ابدااا

تشكر للتعليق

mohammad hamza يقول...

بالنسبة لموضوع اللى بيشتم فى الملتزمين
فده أولا واخرا نوع من الحقد عليهم ..ب بسبب التزامهم ... أحسن رد عليه التجاهل وسيبك منهم خااالص ..

حاجة تانية أى حد بيهاجم الاخوان .. من رأى اوعى تفكر .. مش أى حد يهاجمك تقصيه من الساحة وتعتبره المخطئ الكامل ..
بص ..
لو واحد هاجمك كاخوان اتناقش معاه فى فكرته ولازم يا هو يقنعك يا انت تقنعه والا هيبقى نوع من الجدل العقيم

آخر حاجة .. وحشتنا فى التدوين من ساعة الاضراب .. ومتغيبش عننا تانى

D:

واحد من البلد دى يقول...

ايه اللى يخلى فية تعارض بين كويسة و شتمت
عادى جدا
يعنى اى حد يشتم ( مع انها ما قالتش يا ابن كذا او اى حاجة )
يبقى مش كويس
و كل واحد من حقه انه يقول رأيه
يعنى مثلا انا اتعاملت مع الاخوان
و لقيت ان فى حاجات غامضة و بعض الاخطاء و التكبر من بعضهم
يبقى اعمم الموضوع على الاخوان كلهم
لا طبعا دا رأى
هى بقى اتهاجمت من كتير منهم
و انا شايف ان اى حد يعمل اى حاجة
براحتة
يعنى انت لما بتتكلم عليها
و اتكلمت معايا بالاسلوب ده رغم انك اصغر منى
نروح احنا مكبرين الموضوع و اقول ان الاخوان مش بيقدروا الكبير و الكلام ده
عموما انا كانت فكرتى عنك غير كده

مواطن مصرى نايم يقول...

على فكرة تعليق
واحد من البلد دى
تعليقى انا بس علقت بإيميله غلط
اصله خالى و كنت بعمل له حاجة فى البلوج
سلام

WhItE HeArT يقول...

محاكمات عسكرية ؟؟

دي مهازل عسكرية ؟

سعيد بوصولي لمدونتك وبجد تدوينة رائع


تحياتي

إخوانى حتى النخاع يقول...

تشكر يا حاج محمد على التعليق ...


وانا والله يا حاج ما كنت مركز على حكاية إنها بتهاجم الإخوان

إنها بتهاجم الملتزمين ..

وزى ما قولت .. مش هنعبرها

وتشكر يا باشا للتلعليق

وللزيارة الحلوة دى

إخوانى حتى النخاع يقول...

يا حاج مواطن نايم

مش عارف انتا ليه مش مصدقنى ؟؟

هيا قالت الى انا شتمت ... ووالله العظيم مفيش شتيمه طلعت من بوقى ولا كتبت أى شتيمه

زى ما قولت 0.. لو انا شتمت كانت هتحط تعليقى وتقول شوفوا الإخوان بيشتموا ازاى ؟


وانا يا عم متكلمتش كتير عن مهاجمتها للإخوان .. لأنى كنت بعلق أساسا على مهاجمتها للملتزمين


وانا مشتمتههاش ... علشان تقول الى ازاى واحد فى سنى يتكلم معاها بالشكل دا

والى بيتكلم فى النت ... العقل

والعقل هوا الى بيحكم .. مش السن

يا ريت تكون غيرت وجه نظرك

إخوانى حتى النخاع يقول...

والله العظيم انا سعيد جداا الى انتا دخل يا حاج قلب أبيض

والله سعيد جداااا


وزى ما قولت هيا مهزلة


تشكر للتعليق والزيارة

أخوك

سلفى بس إخوانى يقول...

ويمكرون ويمكر الله والله حير الماكرين
يقول الكتور القرضاوى صبرا اخى فى محنتى وعقيدتى لابد بعد الصبر من تمكين
ولنا بيوسف اسوه فى صبره وقد ارتمى فى السجن بضع سنين

سلفى بس إخوانى يقول...

ويمكرون ويمكر الله والله خير الماكرين

ahmed saker يقول...

السلام عليكم و رحمة الله و بركاته
شكرا اخي العزيز علي مقالك الجميل هذا و ربنا جعله في ميزان حسناتك
و بخصوص الناس اللي بتشتم من غير موضوعية فهي لا تستحق الزيارة خصوصا اذا انعدمت عندها الشجاعة و حذفت التعليقات علي المواضيع لانها لو كانت رات ان منطقها صحيح لما فعلت ذلك
شكرا مرة اخري و السلام عليكم و رحمة الله و بركاته

روينا يقول...

حمد لله على السلامه يا بطل
على فكره شكل المدونه مريح جدا وجميله خليها كده
والله يا اخوانى عندك حق وانا معاك جدا فى العتاب لانى بتضايق جدا من مدونين بيكونو كويسين جدا وفجاه الاقى تعليقاتهم تخض
ويارب يفك اسرى احبتنا فى الله وياريت نفضل ندعلهم علطول ومننساش
سلام عشان الكمبيوتر بيحتضر

إخوانى حتى النخاع يقول...

شكراااا ليك أخ سلفى بس إخوانى على التعليق


وطبعااا لنا فى دكتور يوسف أسوه


شكراا ليك للزيارة
أخووك

إخوانى حتى النخاع يقول...

ازيك يا حاج أحمد ؟؟

انا سألتها سؤال وهيا مردتشى عليه ...


وهيا معندهاش أى منطق خاااااااااااااااالص

شكرااا لك أخى على الرد والتعليق والزيااارة

أخووك

إخوانى حتى النخاع يقول...

ماااااااااشى

حخليها كدا علطول


وإن شاء الله مش هننساهم من الدعاء


طب دفنة الكمبيوتر هتكون فين ؟؟
ولا دخلتوه الإنعاش ؟؟!!1

tamooh يقول...

عادى انه يكون فى ناس تكره الاخوان و تكتب كده ..وتنتقدهم..دى حرية راى
لكن اللى مش عادى استخدام الفاظ أو التعدى عليهم ..

والحل نرد ..
بس من غير ما الموضوع ياخد أكبر من حجمه فى الوقت والجهد

ربنا يكرمكم يارب

Unknown يقول...

السلامع ليكم
ازيك يا طموح؟؟

انا برده باكد الى أنا كنت زعلان وقهران من الى هيا كانت بتعيب فى الملتزمين مش من اإخوان


تشكرى على الرد جدااااااااااا


أخووكى