الاثنين، 24 مارس 2008

خمسة فرفشة ... مع الريس مبــــــارك !!!

السلا عليكم ورحمة الله وبركاته ...

انا قولت اكتب تدوينة كدا ترفيه عن النفس .. بدل ما الواحد قاعد مخنوق وهينفجر ...

هيا عن الريس الزعيم مبـــــــــــــــــــــــــــارك ...

مره حسنى مبارك راح مدرسه ابتدائى فلما جت فتره الاسئله ولد

رفع ايدهمبارك ساله اسمك ايه؟

فقاله رامى فقاله ايه سؤالك يا رامى ؟

رامى : انا عندى اربع أسئلة 1....- ليه انت رئيس بقالك 25 سنه ؟

2- لسه معينتش نائب ؟ 3- ليه ولادك ماسكين كل حاجه فى البلد ؟

4- ليه مصر حالتها الاقتصاديه زفت و انت مبتعملش حاجه؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اسئله 1- ليه انت رئيس بقالك 25 سنه ؟

2- لسه معينتش نائب ؟

3- ليه ولادك ماسكين كل حاجه فى البلد ؟

4- ليه مصر حالتها الاقتصاديه زفت و انت مبتعملش حاجه؟

5- ليه جرس الراحه رن ربع ساعه بدرى ؟

6- وبعدين فين رامى ؟؟؟؟؟؟

**************

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم

أبليس : طب هات ودنك وخد الفكره دي .....وش وش وش وش

مبارك : لالا يا ابليس الفكره دي مش نافعه , عاوز حاجه أشد

أبليس : طب خد دي ...... وش وش وش وش مبارك : لالا , برضه مش نافعه , ايه يا ابليس انت بقيت خرع كده ليه ,

هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك

***********

واحد اتحشر في زحمة المرور فلقى واحد بيخبطله على شباك السيارة

فتح الشباك و سأله عايز ايهقاله : الرئيس حسنى مبارك خطفوه و الفدية 5$مليون دولارو لو الفدية ماتدفعتش .. الخاطفين هددوا يدلقوا عليه بنزين و يولعوا فيه

و احنا بنجمع تبرعات .. تحب تشارك ؟الرجل سأل: " و في المتوسط الناس بتتبرع بكام"الرجل الثاني : " من 5 الى 10 لتر بنزين

******************

مرة سيادة الريس مد إيده في جيبه لقي 5 مليون جنيه!!

فزعل قوي وخاف وقال: إيه الفلوس دي الفلوس دي حرام؟

فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل .

ما كدبش خبر وجري على طنطاوي وحكا له القصة فرد: 5 مليون بس .. إيه النزاهة دي؟

دي بسيطة خالص يا ريس ما تزعلش نفسك؟

كل اللي هتعمله هتروح تستغفر ربنا بالطواف حوالين الكعبة، لفة لكل مليون جنيه وخلاص

. الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟

عمنا صفوت :78 لفة .

الريس: يخرب بيتك؟ ده أنت خربت البلد !!

عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام بيلف

*********************************************

كان فى سرير المرض حينما أخذ يلقى بوصاياه الأخيرة لوزيره نظيف : - وصيتك الحكم من بعدى يا احمد ..

- فى رقبتى يا ريس .. كله تمام والسلطة هياخدها جمال .. (ثم راح فى غيبوبة .. أفاق منها بعد قليل )

- وصيتك الشعب من بعدى يا احمد .

- ما تخافش يا ريس .. الشعب ياكل الزلط ... ( ثم راح فى غيبوبة .. أفاق منها بعد قليل )

- احمد - نعم يا ريس؟

- ماتنساش .. توكيل الزلط لعلاء

****************

كان حسني مبارك بيخطب في الشعب .. فكل شويه واحد يقوم ويقول عاش حسني مبارك موحد الاديان ويقعد

يروح حسني مكمل كلامه وشويه ويقوم الراجل ويقول عاش حسني مبارك موحد الاديان

فااتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ

فرد عليهم يا باشا ماهوه اللي مكفرنا كلنا

************************

بيقولك واحد تانى لقى الفانوس السحرى ودعكه طلعله العفريت

وقاله:شبيك لبيك تطلب أيه؟

قاله الراجل: أنا عايز كوبرى بين القاهره وأسوان

العفريت قاله: دى صعبه قوى .. نقى حاجه تانيه الراجل

قاله:خلاص خلى حسنى مبارك يسيب الحكم

العفريت قاله:أنت عايز الكوبرى رايح جاى ولا رايح بس

************************

إخبرنى بصراحة يا نظيف ولا داعى للمجاملة أو النفاق .

نظيف : أمرك يا ريس

الريس : أنا الأفضل ولا عبدالناصر ؟

نظيف : انت طبعا يا ريس .. جمال مين اللى كان بيخاف من الروس !!

:الريس : طيب أنا الأفضل ولا السادات ؟

نظيف : سادات مين ياريس اللى كان بيخاف من الأمريكان !!

الريس : طيب أنا الأفضل ولا عمر بن الخطاب ؟

نظيف : انت طبعا يا ريس .. عمر بن الخطاب كان بيخاف من ربنا .. انت لأ

عاوز دلقوتى اشوف التعليقات على الطرائف الحلوة أوى دى ....

هناك 45 تعليقًا:

جيلان يقول...

بسم الله
بجد بوست هاااااااااااااايل عجبتنى اوى بتاعت البنزين دى وانا اول واحدة هتبرع بس يحصل بس

ربنا يكرمك يارب ويبعد عنك امن الدوله
تقبل مرورى وتحياتى

غير معرف يقول...

أحجز أول تعليق يا درش
هقرا وأرجع

غير معرف يقول...

كويسه يا مصطفى مع انى عارف معظمها
بس انا مش عارف الحاجات دى بتوصله ولا لاء وعلى حتى لو كانت بتوصله هما الناس مش بتختشى على دمها
يلا حاجة فرفشة فى النص مش وحشة بس عايزين نركز على المحليات يا حاج شوية
بالتوفيق ان شاء الله

د/اجدع بنوته يقول...

ع بركة الله

شوفلنا معاد اول بورش

علشان نلحق نطلع ف التراوه

Hosam Yahia حسام يحيى يقول...

هههههههههههههههه


حلوه بجد


انا قريتها قبل كده على الفيس بوك

بس حلوه برده

إخوانى حتى النخاع يقول...

شكراااا ليكى اختى الكريمة على ردك ...


والحمد لله الى هيا عجبتك

ياااااااااااااا رب


وشكرااا ليكى للزياااارة ..

جمعاوى يقول...

طول عمرك جامد يااض

أجمد واحده بتاعت البنزين

ماينفعش جاز ؟

سمية-بنت البنا- يقول...

السلام عليكم ورحمة الله وبركاته

المدون الفاضل ... اخواني حتي النخاع..


ما شاء الله نكت رائعة للغاية ..


أضحكتمونا ...


جعلكم الله دائما مصدرا للبسمة ..

جزاكم الله خيرا

walaa يقول...

هههه الراجل اتهزا يا جدعان ليه بس كده هو الراجل عمل حاجه لكل ده
ده مجوعنا ومشردنا ومبهدلنا
على العموم الطرائف دى خساره فيه ده يستاهل اكتر من كده
تحياتى ولاء

إخوانى حتى النخاع يقول...

لآلالالا .... جيلان هيا الأول يا حاااااج

بص يا حبيبى .. الجهاز عندى خربااان

أنا بحمد ربنا علشان انا بجيب المدونة بتاعتى
بقعد نصف ساعة كاملة

فأعذرنى ... ومتخفشى هيكون للمحليات نصيب


ويا عم كان فيه مظاهرة مش فاكر مين الى عاملها قالوا أتفو على جمال ومبارك

واكيد راحت لمبارك وجمال

بس هما برا ... معندهمشى ريحة الدم


وشكراا ليك يا باشا للتعليق

إخوانى حتى النخاع يقول...

ماشى يا دكتوووووووووووورة



واحد بورش معاك هنا للدكتورة


شكرااا ليكى للزيارة

إخوانى حتى النخاع يقول...

شكرااااااا ليك يا حاج حسام على الرد



هيا عجبتنى أوى فقولت انزلها

وشكراا ليك للزيارة

انا والله سعيد جداا بيها

إخوانى حتى النخاع يقول...

ازيك يا حاج روش


والله الى انتا عاوزة


بس خلينا فى الجاز بتاع الفلافل

شكله جميل أوى

تشكر يا باشا على المرور

إخوانى حتى النخاع يقول...

شكرااا لكى أختى سمية عل المرور ...


وإن شاء الله نكون مصدر سعادة دااائمااا



تشكرى للزيارة

إخوانى حتى النخاع يقول...

انا برده اتأثرت بيه يا ولاء ..

هوا صحيح عملنا إيه ؟؟

دا بيلعبنا مصارعة فى طابور العيش

وبيعلمنا الصبر برده فى طابور العيش

وبيعلمنا شغل الكشافة أول لما مش بنلاقى أكل ..


شكلنا ظلمناه ..


مااااااشى ...

شكرااا ليكى للزيارة ...

Unknown يقول...

طب بسم الله اولا
والسلام عليكم ثانيا

نكت واقعيه فعلا...وسبيل للهروب م الواقع

ربنا يصلح الحال

بس قبل ما تُذكر نكته قول قبلها عبارة"قيل في الكذب" عشان متبقاش كدبه

جزيت خييييرا

تحياتى

ياسر شمس الدين يقول...

عادل حموده كتب كتاب اسمه نكت سياسيه ووقف عند عهد الريس مبارك انا بقرا الكتاب زعلت اوى انه ما كملش بس لما كبرت شويه عرفت ليه ما كملش لان شعب مصر كله هينكت ومش هيلاقى مكان يكتب فيها النكت ديه ويا باشا وفعلا النكت السياسيه مهمه فى حياة الشعوب لانها بتفرغ كبت جواهم ضد حكامهم وحكوماتهم فعشان كده تلاقى معظم النكت ديه المخابرات اللى بتطلعها وديه معروفه فى كل الدنيا

mohammad hamza يقول...

ههههههههههههههههههههههه

حلوة أوى أوى
..

بعد يوم متعب جيت فرفشت مع بعض نكت جديدة لم أسمعها قبلا . .

حلوة ..

ادعيلى ..

^^

shaimaa samir يقول...

ههههههههههههههههه
جامدييييييين فعلااااااا
شكرا لك

إخوانى حتى النخاع يقول...

شكرااا ليك يا حطم قيودك على المرور

وشكراااا ليك على التنيه

وفعلا هيا طلعتنى من مود كنت فيه
فقولت احطها هنا

إخوانى حتى النخاع يقول...

شكراااااا ليك يا حدوته على الزيارة ...


ويا عم أحسن ليه ميكتبشى احسن يروح فى أبو زعبل

ويقولوا بيهدد الأمن العام

شكراااا ليك على الزيارة .. والله أسعدتنى زيارتك

إخوانى حتى النخاع يقول...

ازيك يا حمو ؟؟
عامل إيه ؟؟

كويس الى هيا فرفشتك بعد يوم متعب


شكرااا للزيارة

إخوانى حتى النخاع يقول...

شكراااا ليكى يا شيماء على الزيارة

وكويس الى هما طلعوا جامديين


شكرااا للزيارة

ahmed mefrh يقول...

السلام عليكم
و انا برده عجبتنى بتاعه البنزين دى


تحياتى ابو مفراح

إخوانى حتى النخاع يقول...

ازيك يا حاج أبو مفراااااااح ؟؟

عامل إيه ؟؟


انا عجبانى أكتر بتاعت شوف جمال وهوا شارى موتوسيكل وقاعد يف من تلت تيام


شكرااا ليك على الزيارة يا غالى

همسات تربوية يقول...

ماشاء الله تبارك الله حاجة حلوة خالص

ميزة هذا الشعب إنه سعب صاحب نكتة ولكن أتمنى ألا تكون النكات سببا في ركون النفس الى الضحك وترك الأمر عند هذا الحد ، نحن بحاجة إلى حركة تغييرية كبيرة في النفس والمجتمع من حولنا من أجل إحداث التغيير الإسلامي الشامل

إخوانى حتى النخاع يقول...

شكرااا لك أختى الكريمة همسات تربوية على المرور


الشعب المصرى زى ما قولتى الى هوا شعب نكته
كنا بنأخذ فى تلتة إعدادى الترم الأول

الى من أهم صفات الشعب المصرى الجمع بين نقيضين الى هما الزعل والضحك

فممكن تلاقيه فى أوحش الظروف يطلع نكتة

زى دلقوتى بالظبط

وطبعااا أنا حاططها علشان بس خمسة فرفشة .. مش العمر كله فرفشة

وشكراا ليكى على الزيارة

tamooh يقول...

انت لسة عايش .. كويس يعنى

طب الحمد لله

..

فى حاجات ضحكتنى .. ربنا يكرمك

إخوانى حتى النخاع يقول...

ايوه آه

الحمد لله لسااا عاااايش
هههههههههههههههههههههههههه



ربنا يكرمك

وشكرااا للزيارة الحوة دى

قطــــوفها دانيــــــة يقول...

بسم الله
السلام عليكم
قيل فى الكذب
كل الرؤساء والوزراء فى جهنم بيتعذبوا راح رئيس امريكا يتصل بالوزرا ويطمن على حال البلد بعد ما خلص قال كام تمن المكالمة قالوله 10 دولار دفع ومشى
جه بلير يكلم الوزرا ويطمن على حال البلد بعد ما خلص سال كام قالوله 8 دولار
جه مبارك يتصل بالوزرا ويطمن على حال البلد خلص وسال كام قالوله ربع جنيه استغرب وقال ازاى كلهم دفعوا بالدولار
قالوله لا اصل التانين كانوا دولى لكن من جهنم لجهنم مكالمة محلى
انت عالقوى يا رب
جزاك الله خيرا

إخوانى حتى النخاع يقول...

هههههههههههههههههههههههه

جميلة جداااااااا جداااا


شكرااا ليكى يا قطوف على المشاركة والتعليق والزيارة

محاولة لكسر الصمت يقول...

بصراحة....ما عنديش غير تعليق واحد بس ..فعلا هم يضحك وهم يبكي...يلا ربنا يكون في عونا....
لكن وبم إن دي أول زيارة ليا..كنت عايزة أقول حاجة..أنا شدني جدا اسم إخواني حتى النخاع وتخيلت اني هدخل المدونة هلاقي صاحبها عنده على الأقل 25 سنة...بس بصراحة اتفاجئت لما لقيت العمر 14 سنة...قلت لأ لازم أقرا...ولما قريت اتفاجئت أكتر وكنت فرحانة جدا...إن فيه حد عنده 14 سنة بيفكر في حال البلد كده وبجد..لأني كنت متخيلة ان الجيل ده آخره خالص (يوجي..وسيلك روود)..بجد إنت إديتني أمل في المستقبل..ربنا يوفقك وتعمل شغل جاااااامد

موناليزا يقول...

حلوة اوى جرأتك دى بس بصراحة يتخاف عليك أمال لما تبقى فى ثانوى هتعمل ايه؟
ربنا يحميك

إخوانى حتى النخاع يقول...

اهوووووو والله يا دواير

وإحنا شغالين أهو


ولو إحنا مطلعناش كدا ... مين الى هيطلع كدا ؟؟؟


وشكرااا ليكى للزيارة يا دواير

إخوانى حتى النخاع يقول...

ههههههههههههههههههههه...


والله يا موناليزا شكلى هكتب ليكم من المعتقل

ههههههههه

شكرااا ليكى للزيارة

روينا يقول...

اعوذ بالله من الشيطان الرجيم
يارب ابعد عننا الشياطين
اكتب ومخفش ازاى بس ده انا سنانى بتخبط فى بعضها
بجد مدونه رائعه بس مش عارفه هلحق ازرها تانى ولا لا ربنا يسترررر
بالنسبه للنكت دى ظلم وافتراءعلى سياده الرئيس(اه مهوالعمر مش بعزقه برده)

إخوانى حتى النخاع يقول...

انتى مش عارفة يا روينا الى بيعلق هنا بخلى مخبر يكتب اسمه .. وانتى بقا عارفة البااقى


ومتخفيش

انا محضر بوووست للريس برده بس بمدح فيه ( البوست الى جى )

وخلى بالك الناس الى قبلك علقوا هنا علشان يقابلوا بعض فى ابو زعبل .. بالظبط عند المشنقة

هههههههههههههههههههههههه


يعنى انتى هتقابليهم بمعنى أصح .. هتتعرفى على الأخوات

فكرة حلوة صح ؟؟!!!!

شكرااا ليكى لزيارات وتليقات التلاتة على بوستات تانية

شكراا ليكى

Unknown يقول...

رائعه بجد
انا كنت هاموت من الضحك
وبعدين ايه ده
انت عملت زي رامي ولا ايه
انت فين؟؟؟؟
:)

...........
ماتنساش الاضراب العام
6 ابريل

إخوانى حتى النخاع يقول...

÷ههههههههههههههههههههههه


هم السابقون ونحن اللاحقون ياعم

هههههههههههه

وعلى الإضراب .. ان مضرب من أساسه

مش فيه مثل بيقول لا مدارس بعد مارس ؟؟!!

ههههههههههههههه

تشكر يا باشا على الزيارة

فليعد للدين مجده يقول...

شكرا علي هذه النكات الساخرة

فليعد للدين مجده يقول...

شكرا لك علي هذه النكات الساخرة

إخوانى حتى النخاع يقول...

شكرااااا لك أخى الكريم على الزيارة الطيبة .

اوعى تفكر يقول...

ايه النكت دى انت بتجبها منين
كمان انا كنت عايز اعرف ازاى بتنزل فيديو على المدونه

سلفى بس إخوانى يقول...

والله انا ما ضحكتش قد ما ضحكت على اللى انت كاتبه جزاك الله خيرا على الاسقاطات دى

راوى الأخوان يقول...

جميلة جدا يا درش والله ضحكتى بس خد دى
بيقولك مرة حسمى دخل على نظيف لقاة بيعيط قاله بتعيط لية قالة ابنك يا ريس عاوز شقة فى اسوان قالة اديلة يا احمد
ودخل علية تانى يوم لقاة بردو بيعيط قالو مالك يا نظيف قالة ابنك يا ريس عاوز شقة فى السلوم قالة اديلة يا احمد
فدخل تالت يوم لقاة بردو بيعيط قالة مالك يا احمد قالة ابنك يا ريس عاوز شقة فى رفح قالة اديلة يا احمد
دخل رابع يوم لقاة معلق مشنقة وهينتحر قالة لية كدة يا نظيف قالة ابنك يا ريس عاوز يفتح التلت شقق على بعض



"ربنا ياخدو هو وابنة ونظيف واليهود فى ساعة واحدة "