الاثنين، 17 مارس، 2008

توفى إلى رحمة الله ..... ؟؟؟!!




السلام عليكم ورحمة الله وبركاته ...









معلش والله يا جدعان مش هطول عليكو ... لأن طبعااااا فيه حالة وفاة






بس يا ترا وفاة مين ؟؟!!






حزر ... فزر






هوا فينا هزار بقا ولا إيه ؟؟؟ إحنا فى حالة حرجة يا جدعااااااان






بكل اسف توفى الى رحمة الله تعالى الربع جنية .... إهى إهى إهى














عاوز احكيلكوا على موقف معايا ...











انا زمااان أوى وانا كنت فى إبتدائى كنت أول لما أنزل المدرسة كانت أمى بتقولى خد ليك ربع جنيه اشتريلك باكو بسكوت







كنت ببص عل الربع جنية أكنه .. أوعى وشك







ممكن يكفينى شهر ... اشترى كل يوم باكو بسكوت بشلم







وامى كانت بتقولى آآه يا زمن ... الربع جنية يا مصطفى كنا زمااان بنشترى بيه الدنيا كلها .. كنا بنشترى بيه الغدا كله







وباكوا المسكوت دا الى كنت بروح بيه المدرسة كان بيأكل وبيخلينى بمب ...







بس دلقوتى ... جيت انزل عند الحاج إبراهيم صاحب سوبر ماركت افندينا _ عندنا _ واديته خمسة جنية وانا رافع الجبين







وبقوله هاتلى يا عم اتنين مكرونة وصلح .... قالى ماشى يا عم



بس لقيته ادانى جنية باقى..... بصيتله كدا وقولتله انا مديك يا حاج خمسة جنية خمسة جنية



قالى ايوه







قولتله هاتلى الباقى .. متضحكشى عليا .. مش علشان انا يعنى عيل صغير







قالى لا والله الكيسين بقوا بأربعة جنية وتعالى بكرة الصبح حتلاقيهم بخمسة جنية







انا بحلقت عنيا كدا وكانوا هيطلعوا .... قولتله ماشى يا عم







فى اليوم دا بقا ... حسبت انا صرفت كام جنية اليوم دا







لقيت نفسى صرفت حوالى تلاتة أو اربعة جنية







قولت يا لهوىىىىىى .... دا انا العيل المفعوص الى لسا فى تالتة إعدادى صرفت اربعة جنية فى اليوم







يعنى تعالى احسن معايا







4 × 30 = 120 جنية







يعنى انا لوحدى عاوزنى 120 جنية



قولت يا حلاوة .. دا طبعاااا غير مصاريف الدرس والأدوات والكتب الخارجية إلخ .....







فبالليل وانا عاوز انام .. لقيت أبويا بيصحينى علشان اجيب ليه فلافل







طبعا قولت النوم يروح علشان بابا



قولتله يا بابا هات الفلوس ... لقيته ادانى جنية وقالى هاتلى فلافلتين أم ربع جنية







وخد نصف جنية بأشيش .... بأشش بيها على نفسك







افتكرت أول لما كان بيقول خد ربع جنية بأشش بيه على نفسك







دلقوتى بقيت بأخذ أربعة جنية ..... ودلقوتى البسكوت اتسخط



والله ببص على البسكوت بستغرب .... دا أيام زمااان كان خمسة بيأكلوا فى البسكوت أبو ربع جنية دا











انا عاوزكم تشركونى وتققولولى ...... يا ترا انتا بتشوف إيه الى بيتباع بربع جنية ؟؟؟!!!!!







هناك 39 تعليقًا:

بنوته مصرية يقول...

اول تعليق وهرجع تاني

قولت احجز الاول كرسي

اقعدعليه بدل وقفتي في المطبخ طول اليوم


رودي

بنوته مصرية يقول...

ههههههههههههه

البقية في حياتك

مهو ميت من زمان ومش هو بس
ده ابوه الجنية كمان


تعيش وتفتكر


تحياتي

الفاتح الجعفري يقول...

طيب ياعم
الجنيه بيودع
والخمسه جنيه عجزت
والبريزه (العشره جنيه)بتزق نفسها بالعافيه
ياعمي قول الزمان ارجع يازمان
ربع جنيه ياااااه الله يرحمك ياعرابي
والله البلد دي كلها الله يرحمها برحمته
بوست جميل جدا ربنا يحفظك
جزاكم الله كل خير

جمعاوى روش طحن يقول...

ماهو إنت الغلطان يا أبو درش

لازم يعنى إبراهيم بتاع أفندينا

و شيل البتاعه اللى تحت التعليق دى أبوس دماغك

ikhwangeeee يقول...

يا جماااااااااااعة ...


بالله عليكو بالله عليكو مفيش أى أخت فاضلة تيجى من الطبخ على هنا .. ريحة التوم والبصل فاايحة

ينفع كدا يا بنوتة ؟؟


مش عارف انا إيه دا ؟؟

بس علشانك .. نعديها المرة دى ....

بس بحذر واكرر .. ماشى ؟؟

ikhwangeeee يقول...

هردك عليكى اهو يا بنوتة ..


انا بجد متحسر أوى أوى أوى أوى أوى ..

يا ستى انتى عندك 27 سنة

يعنى عجزتى بمعنى اصح .. ولو انتى مش متجوزة يبقا عنستى

إنما انا الواد المطحون الى فى تالتة إعدادى أعمل إيه ؟

أخرى يا ستى الكام مليم دا ....

اعمل إيه يعنى ؟؟


وبجد شرفتينى .... ومقعدك اتحجز اهو

ikhwangeeee يقول...

شكرااااااااا ليك يا حااااج فااتح على الزيارة الأكتر من حلوة


عندى فكرة ... ما تيجى نزور الفلوس

الحكومة عوزانا نطلع من هدومنا

دى حاجة شلل .. اكيد شوفتوا الراجل الى رما نفسه علشان الزيت ...

حكومة ظيف مش نظيفة

وشكرااا ليك يا باشا ..

خبيب يقول...

البقاء لله ..

وعقبال الورقة أم مائتين !!

والبركة في الراجل المُبارك !

monaliza يقول...

ياه كان طيب وامير الله يرحمه
بيجيب حاجات كتير طبعا
ممكن يجيب عد خمس حبات مكرونة من اللى بيتباع فى الكيس ابو اربعة جنية دور انت بس هتلاقيه بيجيب حاجات كتير بس هو دلؤتى معتش بيحب يمشى لوحده يعنى خلى معاه كده مش اقل من خمسة جنية لان صحتة معدتش تستحمل

ikhwangeeee يقول...

طبعا يا عم ... حد ينكر فضل الرجل الكبير أوى أوى أوى مبااارك

دا راجل ابن ......... حلال

هههههههههههههههههههههههههههه


بإنتظار الجيوب تشخشخ يا جدعاااان

شكرااا ليك يا حاااج خبيب على الرد المتميز والزيارة الحلوة دى ...

ikhwangeeee يقول...

ازيك يا حاااج روش طحن انتا ....




يا عم علشان نشوفك بس بتعرف تكتب بسرعة ولا لأ


انا بصراحة مش عارف بتتشال أزاى .. لو تعرف قولى

أو ممكن أجيبلك أديا تبوسها ...هههههههههههه


مهو أفندينا يا عم محتكر الحاجات عندنا ..... مش عارف إيه دا


انا هبلغ عن المحل .. إيه رأيك ؟؟

ikhwangeeee يقول...

وطبعاااا يا حاجة موناليزا ....


صحتة تعبت عنده زهايمر

بس الدولار الأمريكى صحته كويس



طب يا جدعااان عندى فكرة ..

إيه رأيكو نزرع مكرونة ؟؟؟

فكرة ؟؟؟ صح ؟؟


استنوا يا جماااعة أيام من الذل والعذاب مع ضياااااع الربع جنية


بس فيه حاجة سهلة أوى

إيه رأيكو تضيفوا ربع جنيه كمان يعنى يكون معاكوا نصف جنية وتجيبوا واحد رسكو حركات بالشكولاته ؟؟؟

والله راسكو حركات دا دماااااااااار

لسا جايب أتنين منه


شكرااا ليكى يا موناليزا على الزيارة الحلوة دى ..

مدحت محمد يقول...

ده الربع جنيه والجنيه
مش ماتو
دول اتمرمتو الاول
وبعد كدة ماتو ياحبيب قلبى

سمية-بنت البنا- يقول...

السلام عليكم ورحمة الله وبركاته

المدون الفاضل ...

للأسف ..كل شئ أصبح في عصرنا هذا غالي ...
ما عدا الانسان ..
أصبح أرخص شئ ...


حسبنا الله ونعم الوكيل ...

بارك الله فيكم ...

عمر المصرى يقول...

مصطفى
واضح انك كمان يا باشا مش بتنزل تشترى حاجة وبتقولى المكرونة 2.5 انا اخر اخبارى انها ب 3.5 لأنى انا كمان مش بنزل واشترى ههههههههه واحتمال يكون زيادة عن
وكان فيه برنامج على المحور كان جايب خبر ان بيقول ان البرسيم بيعالج امراض كتير حضر نفسك يا ابو درش من هنا ورايح مش هناكل بسكوت تانى اصلا هياكلونا برسيم
ولا عزاء للحمير

ikhwangeeee يقول...

ازيك يا حبيبى يا مدحت
عامل إيه ؟؟

يا عم بقولكم ضيفوا ربع جنية وهاتوا واحد راسكو مش رابسو

هوا انا النهاردة نازل اشترى اتنين كيلو لبن لقيت الكييلو بتلاتة جنية ونصف ... قولت يا نهاار ابيض دا أنا كنت بجيب الأتنين كيلو ونصف بخمسة جنية


المهم ... كل حاجة زاادت وربنا يستر

انا مش عارف ازاى هتجووز .. حد يا جدعان عنده عروسة ؟؟!!!
بس يا ريت عروسة ترضى بالواقع الأليم

بمعنى اصح مش هجيب شبكة ( دبلة حلو أوىىىىى) ومفيش هدايا فى المناسبات

لو لقيتوا حد بالمواصفات دى اتصلو بيا على

12345874563

ikhwangeeee يقول...

أهــــلا بيكى اختى سمية


والله الكلمة دى لسا أمى قيلاها دلقوتى حااااالا ...


كل حاجة بتغلى والإنسان أرخص حاجة


حسبنا الله ونعم الوكيل

شكرااا ليكى على الزيارة ..

ikhwangeeee يقول...

هههههههههههههههههههههههههههههههههههههههههههههههههههههه


يا عم الحاااااااج دا انا الى متبهدل فى البيت دا

انا اصغر واحد فى البيت فانا الى بشترى الحاجات ...

هوا ممكن يكون فى الأماكن الراقية الأسعار صعبة حبتين يعنى


انتا تعرف ... إحنا ريحنا دماغنا وجيبنا شكارة رز ..


ويا عم برسيم برسم

انا برده ورحت عند إبراهيم بتاع أفندينا كان لسا بينزل اللبن .... قولتله بكام النهاردة ؟؟ قالى 3.5 جنية

قالى أصل البرسيم غلى

دا يا عم نحمد ربنا لو عرفنا نجيب بريم أصلالالا يا عم

دى حكومة بنت ....... حلال

هههههههههههههههههههههههههههههه

شكراا ياباشا على الزيارة الحلوة دى

حرة المداد. يقول...

سلام الله عليك اخي الصغير الرائع:هل انت حقا فى الرابعة عشرة من عمرك؟ اجمل مافي مدونتك انك اعطيتني املا كبيرا في جيلكم .وطول مافي شباب مثلك, سيظل الامل قائما للنهوض بالامة. لقد قرأت الكثير في مدونتك واغبطك على خفة ظلك الشديدة,لكن حاول الانتباه اكثر للاخطاء الاملائيه التي اعتقد انها حدثت بسبب سرعتك في الكتابة.كل التقدير لك واستمر فمستقبلك باهر ان شاء الله وشرفت مدونتي وياريت على طول نتزاورز

ikhwangeeee يقول...

هههههه... حاجة زى كدا

بس لو اشبال الإخوان المسلمين مطلعوش كدا .. يا ترا مين هيطلع فى الجو دا ؟؟


ومعلش والله على الأخطاء .. لأنى بنسى اراجع من الأول

وشكراااااا للزيارة .. وان شاء الله ازورك كل يوم حتى أرى جديدك

وشكرااا كمان مرة يا دكتووووووورةة للزيارة ..

ومعلش كمان مرة للاخطاء .. لأنى متعود اكتب بسرعة على الكيبورد ..

أخوكى الصغير :)

صانعة الحرية يقول...

السلام عليكم
اولا انا فرحانه بيك جدا يا مصطفى باشا
وفرحانه ان فى حد فى سنك وفاهم ايه اللى بيحصل فى البلد
انا اخويا فى سنك
واهم حاجه عنده ماتشات الكوره والبلاى ستيشن
ربنا يرضى عنك ويعزك وتكون سبب فى عزة
هذا الدين
اما عن البوست
فخلاص لم يعد للمائه جنيه اصلا قيمه
اما الربع فخلاص راحت عليه

بذرة امل يقول...

السلام عليكم ورحمة الله وبركاته
اولا شدنى اوى اسم مدونتك
مش لانه حلو
لانه فى تعصب شديد جدا اعتقد انه مش مطلوب

فحبيت ادخل كيف يفكر هذا الشخص المتعصب لفكرته ؟
اندهشت انك سنك مش كبير بس من خلال قراتى للمدونة
اتوقع لك مستقبل باهر ان شاء الله

أمير القلوب يقول...

إخوانجي باشا
البقاء لله
بس باين عليك مش عايش في الدنيا
مكرونة مين وبسكوت مين
انت مش سمعت عن شهداء العيش
إحنا بعد كده حناكل تبن وبرسيم
بس ربنا يلطف بينا
حياك الله

ikhwangeeee يقول...

شكرااا ليكى يا صانعة الحرية للرد ...


ومفيش حاجة لو الواحد اتفرج على كورة وبلاى ستاشن

انا بمووت فى البلاى ستاشن .. بس عاوزة تنظيم ولا أكثر والإهتمام بالبلد وإخوانا الى برا مصر


وانا معااكى .... ربنا يرحمنا برحمته

بس يا جدعان والله فيه سؤال .. بيقولوا الى مصر استودرت بتاع كدا الكيلو منه بخمستاشر ألف دولار ..

يا ترا جابوه على أفانا ولا إيه ؟؟

الله يخرب بيوتهم

وشكرااا ليكى مرة تانية وابقى زورينا علطووووووول

ikhwangeeee يقول...

شكرااااااا ليكى اختى الكريمة بذرة امل ..

بس انا والله ما متعصب ولا حاجة

ولا الإخوان بيدعو لكده

والله لو فى حد معارضهم أو فيه سؤال يطرحوه وهما يجاوبوا عليه ... بس دا كل كدا


وشكرااا للزياااااااااارة

وشكرااا للتشجيييييييع

ikhwangeeee يقول...

ازيك يا أمير القلوب

انا على أدى يا عمم

انا الله يا عم بشوف مشاهد فى مخبز العيش حاجات والله العظيم تعيط

أول لما عيال يتعاركوا مع واحد ويوقعوه فى الترعة وكان هيغرق

الموقف دا حصل أدامى . انا والله قلبى عيط علشان الولد دا


المهم .. شكراا ليك يا جااااح على الرد


زورنااا دايماااا

أم حبيبه يقول...

بسم الله


ربع جنيييييييييه

يا سلااااااام كان زمان ده


بس ربع جنيه بيجيب برويو فى 3 بسكوتات يتكلوا فى مره واحده بس

لكن اكتر من كده لا اعتقد

اسلوبك حللووووووو اوى

Special Designer يقول...

يااااااااه كان راجل طيب
فينك دلوقتي يا ربع جنيييييه

ياعم ان جت على المكرونة ممكن نمسك نفسينا عنها

ده كل حااااجة دلوقتي غالية
ناقص يغلوا الترام

بس في أمل
بسكوت دادي بربع جني
هو اه لما أبصله بيكون خلص لوحده
بس برضه بربع جني

يلا حسبنا الله ونعم الوكيل
أنا مش عارف أبويا بيصرف علينا ازاي
مش عارف أصلا احنا عايشين ازاي
طب احنا ناس في مستوى متوسط وربنا ساترها بفضله وبرحمته

الناس اللي كانت بتجري على لقمة العيش دلوقتي بقى يجروا على إيه
يجروا إنهم يشمو اللقمة ؟؟

ربنا يسترها معانا

يلا يا عم خليك في الاعدادية وفكك من الايجابية دي
وافضل اطلب من أبوك فلوس

Special Designer

ikhwangeeee يقول...

والله على رأيك يا أم حبيبة

انا روحت برده على أفندينا ... لقيت التلاتة بوريو بس بالشكولاته بنصف جنية


شكرااا ليكى يا أم حبيبة

صحيح .. مدونتك حلوة أوى
وأول لما دخلت فيها بجد استريحت أوىىى


شكراا ليكى للزيارة

وزورينا داائمماااا

ikhwangeeee يقول...

على رأيك يا حاااج ...

بس انا بحب المكرونة بالفلفل ..

بتكوووون ولعة

واااااااااااااو يعنى ..هههههههه


انتا تعرف .. انا هشترى بسكوت بربع جنية واصوره واورهولكم .. والله العظيم لتضحكوا لغاية لما تموتوا

حاااجة حلوة اوىىى . بس ابقا فكرنى يا ريت


ويا عم لو إحنا عشنا سلببين هيطلع علينا بط فى الآخر

وابويا يا عم بيجوز إخواتى الاتنين .. وانا بقوله جهز نفسك علشان تجوزنى


أما صحيح .. مفيش حد هنا لقالى عروسة ؟؟؟

Rima يقول...

لا اله الا الله

ياجماعه خلاص الربع جنيه ده

بتهيألي انه معتش ينفع في الزمن ده

دا الجنيه الورق راحت ايامه وطلع مكانه

نصف جنيه وكمان جنية فضية !!

يعني تخيلوا كده الواحد لو معاه كام جنيه

يبقي ماشي باه شايل سرة من الدنانير !

حسبي الله ونعم الوكيل

ـــــــــ

جزاكم الله خيرا

اخونا: اخواني حتي النخاع

علي البوست الرائع

ومدونة رائعه بل واكثر من رائعه

ودمتم في انخفاض الاسعار

وهذه بداية تواصلنا

اختكم : Rima

ikhwangeeee يقول...

ههههههههههههههههههههههههه


والله أول لما طلع الفلوس الفضة دى كنا بنقول لبعض : أمعك سرة من الدناير يا أبا جهل

ههههههههههههههههه ... المهم يعنى شكراااا ليكى للزيارة

وتكون بداية للتواصل علطول إن شاء الله

التوأمان يقول...

مشاء الله
بجد موضوع عسل
ومدونة تحفة
انا اول مرة اجي هنا ومش هتكون الاخيرة ان شاء الله






صحيح
متقولش علي بتوع تلتة اعدادي مفعيص

احنا في الهوا سواD^^

ikhwangeeee يقول...

انتا الى عثل يا عثل

وانا هشوف مدونتك أهو ....


ويا رب متكونشى الأخيرة

د/اجدع بنوته يقول...

هههههههههههههههههههه

هههههههههههههههههههههههه

4 جنيه يامصطفى .. حرام عليك

كتيييييييييير عليك ياراجل

ده انا باخد 200 جنيه ف الشهر

ومش عارفه استلف م مين علشان اكمل

لوووووووووول

وبالهنا والشفا ع المكرونه

ikhwangeeee يقول...

المشكلة الى انا يا دكتور مدمن بيتزا

ودى مشكلتى

انا والله لسا واكل فطيرة بالشوكلاته بتلاتة جنية سالفهم من أخويا
هههههههههههههههههههههههههه

عااادى يعنى خااااااااالص


ويا ستى لو انتى عاوزة أى حاجة قولى ليا .... جيبى سداد

شكرااا للزيارة ..

روينا يقول...

بسم الله
البقاء لله
الدوام لله وحده
بس انت عرفت متاخر بحاله الوفاه دى
بس انت معزور يمكن عشان انت صغير شويه(متزعلش والله انت صغير فى السن بس اما عقلقك يوزن بلد)

ام يحيي يقول...

تعرف؟؟
يحيي كان بيفكر هو واصحابه يعملو اضراب في المدرسة ويقاطعوا الكانتين ويطالبوه بتخفيض الاسعار
هشوفهم عملوا ايه وابقي اقوللك

اوعى تفكر يقول...

انت قاعد تعيط على الربع جنيه
ياعم روح شوف مثلا انا باخد مصروف 5 جنيه ومش بيكفينى
وياريتنى باكل حاجه عدله او بركب حاجه عدله او بدرس حاجه عدله
او بلبس حاجه عدله الحياه خلاص بقيت كلها تقشف منه لله اللى كان السبب