الاثنين، 1 يونيو 2009

يا حكامنا .. يا من قد يئستوا من المحيض ..!!!

السلام عليكم ورحمة الله وبركاته ..,,


الحمد لله رب العالمين وبعد غياب حوالى سنة ... رجعت تانى , وإن شاء الله ميكونشى فيه حد زعل منى .

وفى الغياب دا فاتنى أحداث كان نفسى أكون فاتح المدونة فيها زى حرب غزة والإضراب .. بس حصل خير إن شاء الله ..


ندخل إن شاء الله فى الموضوع علطول كدا ..,,


***********************************


وانا قاعد انا وزميلى كدا قاعدي نفكر فى اسكتش يتعمل فى حفلة ما ... لفت نظرى اسكتش روووعة جدااا وبيدل فعلا على حالا


ححكيه ليكو الإسكتش دا .. وهيون بس ليا تعليق صغير فى الآخر بإذن الله ,,



المشهد الأول

( برنامج تنازلات )


المذيع : أهلا بكم معنا سيداتى أنساتى فى برنامج تنازلات الى كل الناس بتستناه كل يوم ... وكالعادة معانا الضيف الدائم فى برنامج تنازلات وهو العربى , ومعنا على الطرف الآخر ضيفنا الإنجليزى , وهنبدأ البرنامج بس بعد الفاصل القصير دا .. أوعوا ترحوا فى حتة .


المذيع : وفى أول طلب من البرنامج للضيف الإنجليزى .. نطلب منه التنازل عن القبعة الى لابسها من أجل تسير عجلة السلام.

الإنجليزى : NOO, NOOO , NO I DON'T NO , NO , NO !!!

المذيع : يبدوا إن الضيف الإنجليزى لا يريد التنازل عن القبعة ... ونتأتى للطرف الآخر .. والبرنامج يطلب منك يا عربى إنك تتنازل عن الجولان من أجل تسير عجلة السلام .

العربى : جوووولان ؟؟!! ... شو يعنى جولان ؟؟!!

مساعد العربى : جولان يا عربى .. يعنى كوورة وجوووووووووووووووووووول.

العربى : لالالالالالالالالالالالالا ... إحنا ما نتنازل عن جول واحد .. إحنا تنازل عن جولان ..!!

المذيع : وتنازل العربى عن الجولان ... ونطلب الآن من الإنجليزى التنازل عن السيجارة من أجل دفع عجلة السلام .

الإنجليزى : NOO, NOOO , NO I DON'T NO , NO , NO !!!

المذيع : لم يتنازل عن السيجارة .. ونطلب من العربى التنازل عن البوسنة من أجل دفع عجلة السلام.

العربى : بوسنة ..؟؟!! .... شو يعنى بوسنة ؟؟!!

مساعد العربى : بوسنة يا زلمة ... يعنى البووووووووووس.

العربى : آآآه ... تناااااااااازل عن البوسنة .

المذيع : لقد تنازل العربى عن البوسنة .. ونطلب من الإنجليزى التنازل عن التيشيرت الخاص به من أجل عجلة السلام.

الإنجليزى: NOO, NOOO , NO I DON'T NO , NO , NO !!!

المذيع : نطلب الآن من العربى أن يتنازل عن ... السروال .

العربى والمساعد ( وهم يمسكون فى سراويل بعض ويخرجون من المسرح ) : إلا السروال , إلا السروال


( بعدما يخرج الجميع من المسرح يظهر صوت من الخلف ) يقول : وبعد التشاورات والمباحثات .. تم أخيرا التنازل عن السروال


( يظهر على حبل قعد علق قبلا على المسرح .. سروال ..ويمشى السروال على الحبل كأنه ستارة )



****************************


دا كان ممكن الإسكتش الى انا ضحكت عليه وفى نفس الوقت بكيت عليه .. فعلا ... الحكام اتنازلوا عن كل شئ



وفى الآخر أقولهم ..


أخسؤا يا أيها الحكام العرب ... يا من يئستن من المحيض

هناك 17 تعليقًا:

اصحى يا نايم يقول...

حمدلله على السلامة .. أول بوست محيض كده .. والله الحكام العرب يستاهلوا أكتر من كده ... وخليهم يتمسحوا فى اوباما راعى الأغناما

تقبل مرورى

إخوانى حتى النخاع يقول...

السلام عليكم ..

أزيك يا حبيبى ؟؟


لما نشوف أوباما هيعمل إيه فى الخطاب دا بتاع يوم الخميس ..

هوا أكيد أحسن من بوش .. بس سياسته هتكون ثابته تجاه إسرائيل

ودا إحنا بنرفضه


شكراا لك حبيبى على التعليق ..

أخوك

أحمد بسام يقول...

اخي العزيز
عندك حق و الله دول حاجة تقرف بس حنعمل ايه
و بالتاكيد التواصل مستمر

ابو صهيب ( الجمعاوي الاصيل)سابقاً يقول...

ازيك ياريس ايه اخبارك وحشني والله

يا اخواني فكرتني بالذي مضى

انت تعرف ان احنا اول ناس عملنا الاسكتش ده في مدرسة(.............الثانوية)
على المسرح في حفل تنصيب الاتحاد

وكنت في سنة ثانية

وكنت قايم انا بدور المذيع

ولدفع عجلة السلام السلام

اقولك عوداً حميداً وتحياتي

إخوانى حتى النخاع يقول...

أحمد بسام ...


اه والله يا أحمد ..حاجة تشششششششل

اليهود قاعدين يضربوا الجنود على الحدود .. ومصر مش بتعمل حاجة

وفى نفس الوقت دا مصر قاعدة تقولك مش هنسمح لأى حد من غزة إنه يخترق الحدود



شكرااا ليك على الزيارة والتعليق

وإن شاء الله يكون فيه تواصل ..


أخووك

إخوانى حتى النخاع يقول...

أبووووو صهيب


أزيك يا أستااااااذى ؟

فى الحفلة برده بتاعت السنادى اتعمل الإسكتش دا برده ..

ربنا يبارك فيك يا أستاذى :)

The Heart يقول...
أزال المؤلف هذا التعليق.
إيمان بنت الحرية يقول...

بس انا داخلة اصلا بس أبارك لك على العودة..

بس عجبنى اوى الاسكتش ..

وحمدا على سلامتك

معلش تعليق سريع كدا ..-عشان الفيوزات ضربت -

ومستنة اجابتك ع التاج ..

إخوانى حتى النخاع يقول...

إيمان بنت الحرية ..,,


شكراااا ليكى جداا على المرور

وإن شاء الله أجاوب على التاج

وربنا يصلح الفيوزات بتاعتك ... مهو باين من إستايل المدونة إنها ضربت

إن شا ءالله يكون خير

ع نوتة يقول...

هههههههههههههههههههههههه
انت اللى الفت هذا الاسكتش
الكذب حرام
مش امير الظلام دا ياااااااااااااااض
لية كدا
الحوار اللى انت عمله فى المدونين
ولازم تقول انا وصحابى طب انا بقى عاوز اعرف مين صحبك دا
على العموم لم نشوف الكلام هيبقى على اية
ربنا يستر

إخوانى حتى النخاع يقول...

صلب ..


إيه يا عم الحاج ؟؟

انتا ليه داخل سوووخن كدا ليه ؟

ثم انا قولت الى انا ألفت إسكتش ولا حاجة؟؟!!!


بقولك يا عم ..

بالله عليك .. قول لمحمد الى انا عاوز الفلاشة بتاعتى ضرورى علشان انا عاوزها ضرورى

أوك ؟

ضرورى بالله عليك يا إسلام

Qatarat Nada يقول...
أزال المؤلف هذا التعليق.
Qatarat Nada يقول...

كان والله نفسي اكون اول تعليق
وبمناسبة التعليق اللى اتحذف
فدة تعليقي بس من مدونة ما حدش يعرفها
يعني قلت تبقى زى مذكرات
فيعني اضطريت امسح التعليق واعلق بجنة الله مش ب heart
ع العموم حصل خير
ومبرووووك افتتاح المدونة من جديد
والاسكتش عجبني جدا والله بجد رائع
حمدا لله على السلامة
في انتظار جديدك

Qatarat Nada يقول...

وفي واحد تانى اتحذف دلوقتي لانه نزل متكرر
ازعجناكم بردود فاضية
نأسف لهذا العطل الفنى

إخوانى حتى النخاع يقول...

جنة الله ..,,

اه .. كان فيه تعليق باسم هارت .. والمدونة اسمها wall in my heart ومش مكتوب فيها حاجة
:)
:)
:)

فكرتينى بقصة الإنجليزى الى كانت عليا فى أولى ثانوى .. face on the wall

يبقا إن شاء الله هنشوف مذكرات حضرتك
:)


**************

ومعلش بقا ... معرفتيش تكونى أول تعليق .. انتى عارفة إن الناس بيتهافتوا على المدونة :)))))))



ربنا يبارك فى حضرتك

Qatarat Nada يقول...

لا مش حتعرف تفتح المدونة دى تانى اصلا
لانى خلاص حقفلها او حسيبها كدة ماهى خلاص اتعرفت انت وبنت الحرية عرفتوها وللأسف انا كنت بعشق المدونة دى وخصوصا عنوانها اللى هو جدار في القلب wall in my heart يلا حصل خير
وبالنسبة للناس اللى بيتهافتوا على المدونة ربنا يزيدهم ويبارك فيهم :)))))
جزاكم الله كل خير

أحمد بسام يقول...

لا يا اخي لسه بدري علي اوي أنا حخلص يوم 5 شهر 7
يعني كمان شهر كده
دعواتك يا بركه