الثلاثاء، 12 أغسطس 2008

أجمل صيف فى حيــــــاتى ...

السلام عليكم ورحمة الله وبركاته ..,,
الصيف دا بجد كان أجمل صيف فى حياتى .... بس صحيح هوا الصيف خلص ولا إيه ؟؟!!

هوا يا جماعة الصيف عندى خلالالاص ... خلص خلاص علشان انا بدأت دروسى وبما إنى فى اولى ثانوى

فالمواد عليا كتير أوى حتى يوم الجمعة مفيش فيه أى أجازة

والعملية بجد مزنقة خالص ... مع حبة اعمال كدا لزما أعملها ... وبجد انا محتاج دعاؤكم

والصيف دا كان أجمل صيف فى حياتى مكنتش متخيل إن الصيف دا هيكون حلو بالطريقة دى
1_ اول حاجة فرحتنى ودى كانت اهم حاجة إنى قابلت مدونين كتييير أوى مكنتش متوقع خالص إنى أقابلهم ... مع إنى أصلا كنت عامل حسابى إنى اقابل أتنين على ااكتر أوىىىى ... بس الحمد لله لقيت نفسى قابلت ناس كتير جداااااا ومنهم : رامى حجاج صاحب مدونة راجع * وعبد الهادى صاحب مدونة مصر فى خطر * ومعاذ فتحى صاحب مدونة فارس الأزهر * وعمار فتحى صاحب مدونة حبيبتى يا مصر * و عمرو سلامة صاحب مدونة لسا عايش * و عبد الرحمن الشافعى * ومدونة غاوى حرية * وعمرو صاحب مدونة إخوان من اجل مصر * و خالد السلكاوى صاحب مدونة قلم رصاص * كريم البحيرى صاحب مدونة عمال مصر

بجد انا فعلا كنت فرحان جداااااا جدااااااا معاهم لدرجة لا تووووصف .. كنت هموت من الفرح .. وكل الناس دولت مكنتش واخد معاد حد إنى هقابله غير أتنين بس .. والباقى كان القدر الى خلانى أشوفهم :)


2_ دورة الصحافة والإهلان الى بروجها فى القاهرة والى قابلت فيها حبة مدونين

3_ مهرجان المنصورة " لن ننساكم " وبجد دا كنت سعيد جدااا بيه وقابلت برده مدونين كتير اوى , لو حد عاوز يشوف البوست ينزل البوست الى قبل دا

4 _ الانشطة الى عملتها مع أسرتى .. بجد كانت حلوة أوى

وبما إنى داخل مرحلة جديدة خاااالص أشبه بجامعة صغيرة _ الثانوى العام _ فالدعوة هتزيد وهيكون فيه مجموعات عمل


وإن شاء الله الأنشطة بتاعتنا الى هتتعمل فى المدرسة هعمل ليها بوستات


ويا ريت تدعولى فى المرحلة الجديدة الى انا رايح ليها .. وان ربنا يهدينى


**************************************************

وكنت وعدت بعض الناس إنى ححط ألبوم

أطياف الإستشهاد الجـــــــــــــــــــــــــ3 ـــــــــــزء

هوا طببعا كان من الصعب الحصول عليه ... لأن معظم المنتديات شالت الروابط بتاعته

بس انا هجبلكم الروابط النهاردة وللعلم إنى أخذتها من منتدى تانى علشان أمانة النقل


وانا بجد بنصح كل الناس إنها تنزل الألبوم دا لأنه من أفضل الألبومات ... والله مش مبالغة
وهما ثمانية أناشيد ... ولكم الروابط


وأشــــــــــــــــــوف وشكوا على خيــــــــــــــر

هناك 47 تعليقًا:

eman alaa eldin يقول...

دروس من دلوقتى :-O:-O
ربنا يعينك يارب يوفقك

بس بجد نصيحة ..متسمعش كلام اللى بيقولوا اولة مش مهم عشان مش شهادة ..واحدة قالت لى ان اللى هيذاكر فى اولةهيلاقى تانية وتالتة سهلين جدا وهى السنة دى فى تانية جابت 79%
*****
وربنا يوفقك ياااااااااارب
وهنستنى بوستات الدراسة
وجزاك الله خير على الالبوم باذن الله هحمله

Nada يقول...

ياااه
دروس من دلوقت ربنا يعينك
فكرتنى بايام الثانوى والدروس واللفة
ربنا يوفقك ياااارب

جمعاوى يقول...

يا جامد

يا جامد


يا جامد

tote يقول...

السلام عليكم
ربنا يسعدك كمان وكمان يا رب
ويحققلك كل اللى انت عايزة وربنا
معاك السنة ديه وينجحك بس انت شد حيلك وقل اعملو فسيرى الله عملكم ورسوله والمؤمنون
تحياتى

طلاب من أجل مصر يقول...

ياااه ...اخيرا مصطفى رجع ...الحمدلله

بجد افتقدنااااااااااااااااااااااااااك..قووووي كنت فين يا راجل

......
وشد حيلك السنة دية لحد ما يتقطع (ال يعني انا اللي مش هيتقطع حيلي )..
:))

بجد ربنااااااا معااااك ...وانت لسه لسه قدامك ...شبح 2و3ثانوى ..بجد الواحد خايف جدااا من السنتين دول وربنا يعديهم على خيييير ...(ايام وتنتهي ونشتقلها)

وانا بغبطك بشده على صيفك السنة دية ...ويريت تبقى كل الصيفيات كده

وربنا يقويك على المرحله الجديده ...ويوفقك الى الخير وينورلك طريقك ...ويسرلك الخير يااااااارب..وتبقى جندي من جنود اللله في ارضه ..ويخليك لاهلك
اللهم ااامين

همسات شاب يقول...

بسم الله الرحمن الرحيم

شد حيلك يا ريس

وربنا يوفقك إلى ما فيه الخير والصلاح

ومش هاوصيك .... عايزين الأول على المحافظة

دي أهم حاجه في دعوتك .. التفوق

ربنا يوفقك ,,,, ان شاء الله هاندعيلك

واعديلنا احنا كمان

طالبه الفردوس يقول...

السلام عليكم

ما شاء الله

عندك حق يا اخوانى فعلا تفرح لان الحاجات اللى عملتها فى الاجازه مفيده وتزيد من ايمانك
ربنا يوفقك فى ثانوى والكليه

طالبه الفردوس يقول...

انتظرك فى مشاركتنا فى الجريمه اللى عندى فى المدونه

حسن حنفى يقول...

ربنا معااااااك

يااااارب

Ahmed El-Agouz يقول...

بسم الله الرحمن الرحيم
اولا انا سعيد لانك مريت باحلي صيف في حياتك وان شاء الله تكون ايامك اللي جايه تكون احلي من اللي عدت

وشد حيلك في الدراسة يا مان
العجوز

غير معرف يقول...

السلام عليكم
ربنا يوفقك وجزاك الله خيرا وان شاء الله هحمل الالبوم
وننتظر الجديد باذن الله
ودعواتى لك بالتوفيق فى الثانويه
والله هى عايزة تركيز اكتر من المذاكره

اصحى يا نايم يقول...

عقبال لما ييجى اليوم اللى تقول فيه انك قابلت صاحب مدونة اصحى يا نايم


حياك الله

إخوانى حتى النخاع يقول...

إيمان ( بنت الحرية )

أهـــلا بيكى

ايوه .. دروس من دلقوتى

بجد انا زهقان وهنفجرررررررررر وكمان المواد كتيرة جدااا علينا .. بس نعمل إيه ؟؟!!

انا طبعااا مش بسمع كلامهم ... :)
انا أصــلا مش مهتم بالدراسة أصـــلا :))

*******

وان شاء الله ربنا يوفقنى

بس ادعى أنتى بس للام بى فايف الى هبقا اصور بيه علشان بيتعمل ليه دلقوتى عملية جراحية

إخوانى حتى النخاع يقول...

ندا


انا من زمان والناس بتوع ثانوى بيصعبوا عليا

رايح فين ؟ .. رايح الدرس
جاى مينين ؟ .. جاى من الدرس

حاجة وحشة جداااااااااا


شكراا ليكى على التعليق

أخوووكى

إخوانى حتى النخاع يقول...

جمعاوى روش طحن


أهـــــلا بالروش


البدلة كانت حلوة عليك يوم الفرح :))

هههههههه

عقبالك كدا ما نشوفك على الكووووشة

إخوانى حتى النخاع يقول...

توتى
أهـــلا بيكى يا توتى فى المدونة

وان شاء الله أشد حيلى .. ادعولى انتوا بس


شكراا ليكى للتعليق
ونورتى المدونة


اخوووكى

إخوانى حتى النخاع يقول...

عبد الهادى

أهــــلا يا معملى


والله بقا ربنا يكون معانا

انا من أوهلا حيلى اتقطع

بس خلى بالك .. سنة تانية وتالتة حتعدى زى أى سنة

وانا مش حخاف منها :))


يا عم إحنا نعمل الى علينا والباقى على ربنا


شكرااا ليك يا معلمى على التعليق

أخووووك

إخوانى حتى النخاع يقول...

همسات شاب ..

ازيك يا حبيبى ؟؟

عامل إيه ؟؟

يا عم متخفشى ... الأول على المحافظة :))


وان شاء الله ادعيلك

تشكر يا باشا على التعليق

أخووووك

إخوانى حتى النخاع يقول...

طالبة الفردوس

أهـــلا بيكى أختى


ان شاء الله ربنا يوفقنا فى سنين حياتى وحياتكم كلها

امين يا رب

شكرااا ليكى على التعليق الجميل دا



أخووووكى

إخوانى حتى النخاع يقول...

حسن حنفى


شكرااا ليك يا باشا على التعليق

أخوووك

إخوانى حتى النخاع يقول...

أحمد العجووز

أزيك يا أحمد باشا ؟؟
عامل إيه ؟

ان شاء الله أيامى وأيام جميع الإخوة والاوات تكون حلوة ومفيدة

شكراا ليك يا باشا على التعليق

أخووووووك :)

إخوانى حتى النخاع يقول...

لؤلؤ الجنة
أهلا بيكى أختنا الكريمة فى المدونة



ان شاء الله يكون فيها تركيز كبير ومذاكرة برده


شكرااا ليكى على التعليق الجميل دا

أخووووكى :)

إخوانى حتى النخاع يقول...

أصحى يا نايم


إن شاء الله يا باشا نبقا نقول إنى قابلتك :)


شككرااا يا بااشا على التعليق

أخوووووك

walaa rizk يقول...

اقولك آيه

هما دول فرسان الاسلام

بجد ربنا يعزك ماشاء الله عليك

ايوه كده عاوزينك كده على طول

وماتقلقش هندعيلك ربنا معاك

فكرتنا بأيام ثانوى

وربنا يباركلك فى دراستك ويثبتك على طريق الحق

elkenany يقول...

ربنا يوفقك يا أخويا

وينفع بك الاسلام والمسلمين اللهم امين

خلى بالك من دروسك وعيش حياتك صح


ساعة وساعة

elkenany يقول...
أزال المؤلف هذا التعليق.
elkenany يقول...
أزال المؤلف هذا التعليق.
Nada يقول...

اخوانى حتى النخاع
جيت تانى عشان اقولك
حضرتك ليك تاج عندى
ياريت تستلمه

_**( قلب الأسد )**_ يقول...

اعنك الله اخى الحبيب واعتذر للتأخير
تقبل تحياتى

madeeh يقول...

تقبل الله منك ونفع بك أمة الإسلام.

Unknown يقول...

يللا بقي كل سنه وانت طيب....الصيف دا عدا بسرعه فعلا

بس فترة الثانوى مستنياك...عايزاك تلعلع دعويا :))) اوك

كل عام وانت الى الله اقرب وعلى طاعته ادوم....بمناسبة رمضان

دعواتك

ابو صهيب ( الجمعاوي الاصيل)سابقاً يقول...

ومالوا ياعمنا

الله يسهلك

سمية-بنت البنا- يقول...

السلام عليكم ورحمة الله وبركاته ...


المدون الفاضل ...إخواني حتى النخاع..


حياكمـ الرحمن ..
عــذراً للغاية لتــأخري في التعليق ..

***
وهــا قد مِرت الأجازة سريعاً ..
ومَـــرت معــها أيـأمُ الراحة ..
وبــدأت الدراســة والمــذاكرة ..
فاللهمـ أعنــا وارزقنــا التفوق والتميــز ...

أعانكمـ الرحمـــن ...
وجعــل هذه الفتــرة بميزان حسنــاتكمـ ...

**
نسألكم الدعاء
بوركتم
__
أختكمـ::
سمية_بنت البنا_

بنت الأسلام يقول...

ربنا يعزك ويكرمك على الروح الجميلة دى وربنا يكون فى عونك فى الثانوية العامية دى أسال مجرب وربنا معاك . ولا تنسى زيارة مدونتناولكم جزيل الشكر

ريمان يقول...

ربنا يوفقك يا رب

بس بلاش تغيب عننا

وخلى بالك من نفسك وربنا يعينك يا رب

وطمنا عليك

اختك ريمان

إخوانى حتى النخاع يقول...

عاشقة الأقصى


ربنا بس يوفقنا فى المرحلة دى

تشكر أختى على التعليق الجميل دا :)

أخوووكى

إخوانى حتى النخاع يقول...

الكنانى ..


إن شاء الله

ووفقنا ووفقكم الله

تشكرى أخى للتعليق

أخوووك

إخوانى حتى النخاع يقول...

قلب أسد

واعتذر أنا أيضا للتأخير فى الرد :)

تشكر أخى الكريم للتعليق

أخوووك

إخوانى حتى النخاع يقول...

مديـــح .

إن شاء الله أخى الكريم


شكراا للتعليق

أخووك

إخوانى حتى النخاع يقول...

حطم قيودك

وانتى بخير


وإن شاء الله هيكون فيه شغل دعوة حلو


تشكرى بجد على التعليق

أخوووكى

إخوانى حتى النخاع يقول...

جمعاوى أصيل

شوف بقا ...... :))


شكراا للتعليق
أخوووك

إخوانى حتى النخاع يقول...

سمية


مفيش حاجة أختى ..

وإن شاء الله تكون عونا لنا لطاعة الله


شكراااا بجد كتير على تعليق حضرتك


أخوووكى

إخوانى حتى النخاع يقول...

همسة

إن شاء الله ربنا يعينا

وأكيد زى ما قولتى .. دى ثانوية عامية


هههههه .. بس شكل حضرتك كدى بتذاكرى كويس .. بدليل كلية الصيدلة :))

إن شاء الله ربنا يوفقنا

شكراا ليكى للزيارة الجميلة دى

وشكرااا ليكى للتعليق
أخووكى

إخوانى حتى النخاع يقول...

ريمان

أكيد مش هكون زى الأول


بس إن شاء الله مش هنقطع خالص يعنى


تشكرى على التعليق ..

أخووكى

جوجو يقول...

السلام عليكم

اسجل اول مرورى

الاجازة خلصت فعلا

انا كمان فى اولى ثانوى والدروس بداْت

ربنا يوفقك ويوفقنا جميعا

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

Amr Abodraiaa يقول...

بسم الله
ربنا يجعل كل أيامك سعادة ويخليها كلها زي الصيف دة وأحلي كمان وربنا يعينك علي دروسك بس إنت شد حيلك