الخميس، 31 يوليو 2008

مهرجان المنصــــورة .. أجمل أيام حياتى ( صور )

السلام عليكم ...
النهاردة طبعا انا فرحان جدااااااااا علشان الخبر الى انا هكتبه دلقوتى وهقول إيه حكاية الخبر دا ...
***********************

( إخوانى على الأميل ) ثم فجأة شخص يبعث له باااااااازززززززززززززززززززززز

إخوانى : مين الى باعتلى باز فى الوقت دا ؟؟؟ .... إيه دا ؟؟!!! ... دا عبد الهادى بتاع مصر فى خطر

إخوانى : أزيك يا عبدووووو ؟؟؟

عبدو : الحمد لله ... مش هتيجى المهرجان الإنشادى الى فى المنصورة ؟؟

إخوانى : صلى على النبى ... انا من البحيرة يا عم .. يعنى أدامى مشوار طويل
عبدو : تعالى وهنقابل مدونين كتير
إخوانى : سبنى أفكر يا عم
************************

وفى اليوم التالى
إخوانى : معلش بقا .. مش هعرف آجى
عبدو : إيه ؟؟!! ... دا أنا حجزتلك وعملت حسابك فى الغدا

إخوانى : أنتا كدا بتحرجنى يا عم ... طب خلاص إن شاء الله هاجى

عبدو : ماشى يا معلم .. وهستناك وانتا معايا رقم التليفون بتاعى ابقا اتصل أول لما السواق يقرب مننا

إخوانى : ماشى يا معلم
********************

يوم الثلاثــــــــــــــاء

إخوانى بيصحا الساعة 10 الصبح علشان يحضر نفسه وينزل
نزلت بقا من البيت وجهزت حالى وأخذت الإم بى فايف الى انا لسا شاريه علشان اصور

أخدتلى عربية إسكندرية الدولى وبعدين فعدت أمشى كدا حبة لغاية لما لقيت موقف المنصورة

إخوانى : بتروح المنصورة البيجوى دى يا أسطى ؟
الأسطى : أيوه يا باشا .. اتفضل
ركبت العربية والعربية مشت بحمد لله بس الراجل أخد حوالى عشر دقايق يفول العربية .. المهم

كانت طبعاالرحلة طويلة جدااااااااااااااا جداااااااااااااااااااا
انا أخذت الأم بى فايف وسمعت حبة أناشيد كدا تسلينى فى السكة ووقفنا عند إستراحة

بس مجبتش حاجة لأن الحاجات كنت معظمها مقاطعة مع أنى كنت عطشان جداااا
لقيت السواق دخل على المحلة وقرب خلاص يدخل على المنصورة
إخوانى فى التليفون : ايوه يا عبدو .. انا قربت أهو أدخل المنصورة

عبدو : ماشى .. أنا هلبس أهو واروحلك الموقف

بعد ذل مرير من الجلوس فى العربية حتى جاء الفرج ونزلت أرض المنصورة الجميلة أوىىىى

وطبعا المنصورة نورت خااااااااااااااااااالص علشان انا نزلت فيها ... المهم يعنى

إخوانى فى التليفون : أيوه يا عم عبدو أنا وصلت

عبدو : انا جيلك أهووووووووو فى العربية

لقيت واحد جيلى عرفت الى هوا دا عبدو ... طبعا السلمات والكلام دا

بس أول لما شوفته كنت هموت من الضحك فى نفسى

لالالالالالالا .... متفتكروش إنى بألس عليه ولا حاجة


أصل كان فى حد قالى إنه طويل جدااااااااااااااااااااااااااااا جداااااااااااااااااا وطوله حوالى 157 سم

طلع فى الآخر إنى أطول منه ... بس مش أطول منه أوى ..بسنه صغيورة يعنى


روحت معاه البيت ... ودخلت معاه السيبر بتاعه وقابلت أحمد ( إن خالته ) وسلمت عليه

وطلعت البيت عنده وشوفت أخوه بلال وأخته أسماء .. وكان فيه أخ تانى إسمه أحمد بس مشوفتهوش

وقابلت والده واتعرف عليا واتعرفت عليه


وجاااااااااااااااءت اللحظة التى أنتظرها من زماااااااااان جداااا

لالالالالالالا .. متفهموش غلط .. قصدى لحظة الغدا


اتغدينا فراخ ورز وبطاطس ... وغسلت ايدى بعديها وشربنا كباية شاى محترمة جدااااااا


وكان بيتغدا معانا إبن خالته عبد الهادى



المهم هوا قالنا أنا هنزل أغير وأول لما أخلص هتصل بيكوا وتحودوا عليا ونروح المهرجان سوا سوا


رن على موبايل عبد الهادى ونزلنا بعديها علطول ومشينا مع بعض لغاية نقابة الصيادلة



كان مكان بجد راااااااااااااائع وأول حاجة عملناها إلى إحنا روحنا صلينا



بعد الصلاة لقيت عبد الهادى بيقولى روح سلم على خالد السلكاوى _ مدونة قلم رصاص _

أنا طبعا كنت متفق معاه إنى أقابله هناك ..سلمت عليه ولقيت معاه عمارفتحى _ مدونة زووم على الدنيا _

وقدرا لقيت الحاج معاذ فتحى _ مدونة فارس الأزهر _ , وكمان عبد الرحمن الشافعى
كريم البحيرى
قعدت فى مكانى كد وبسم الله ما شاء الله ... كانت حفلة راااااااائعة جداااااااااا بكل معنى الكلمة
وبجد كانت حاجة رهييييييييبة جداااااااااااا جدااااااااااااااا جدااااااااااااااا جدااااااااااااااااااا

وبالذات الإسكتش كان روعة جداااااااااااااااااااااااااااااااااااااا جدااااااااااااااااااااااااااااااااااااااااااا

وانا جايبلكم النهاردة صور كدا على المهرجان ...

دى صورة الأكل الى جبهولى عبد الهادى ... والأطباق فاضية :)






دى صور تجهيز المهرجان

















ودى صورة الأخ الى بيقدم والإخوة الى كانوا بينشدوا









دى بقا صور الإسكتش الى كنا راااااااااااائع وأكتر من رائع كمان



وأى حد راح المهرجان وانا مشفتهوش يقول علشان اتحسر أكتر وأكتر :(

لأنى بعت أوف لاين وبقول فيه مين الى راح المهرجان لقيت عشرة بيقولوا إحنا

بس كان يوم جميل أوى .. وإن شاء الله يتكرر تانى وتالت إن شاء الله

هناك 61 تعليقًا:

غير معرف يقول...

السلام عليكم
اول تعليق
بس من غير تعليق على البوست
هههههههههههه
وانت فين من الناس دى يبنى

خالد فوده يقول...

فعلا يا عم المنصوره نورت بيك
بجد
وياااااااااريتي قابلتك هناك
علشان تعرف الطول علي حقيقته
مش 157 سم
لا ده 195 سم
بجد مش هزار
ونورتنا ياعم تقبل مروري

walaa rizk يقول...

والله يا اخ اخوانى ماشاء الله عليك

ربنا يكرمك

عديت على المحله

ادارى المحله نورت يوم التلات

الناس من البحيره تعرف عن المهارجان

وانا عرفت بعد لما خلص

خير خير

بعد كده ابقوا اعملوا اعلانات بقى عشان نحضر

جزاك الله خيرا

روينا يقول...

ازيك يا اخوانى ولا زمااااان
بس بجد انا بحسدك وربنا يستر عليك لان عينى سعات بتكون لونها مقارب للاصفرار
ماشاء الله الله اكبر ولا اله الا الله
وسبحان الله بتسافر من البحيره للمنصوره لوحدك ومامتك وباباك بيوفقو يعينى عليا
هبقى اقول موقف حصل ليا بعدين عشان موضوع السفر ده انا مستقبلى وقف
يلا دنياااااااا
اوعى تفهم غلط انى بنق عليك ولا حاجه
مبروك ياعم على حضورك للمهرجان ويارب تكون استفدت منه ويكون اليوم الجميل ده فى ميزان حسناتك ان شاء الله

حسن حنفى يقول...

انا كنت رايح والله بس يلا مع اني من

املنصوره بس مش كان عندي وقت

يلا تتعوض

مدونه رائعه

تقبل مروري

نـــــــور يقول...

ماشاء الله تبارك الله ..

واضح ان اليوم فعلا كان جميل ..

ربنا يكرمكم.

طلاب من أجل مصر يقول...

السلام عليكم

أزيك يا مصطفى

الحقيقه البوست جميل أوى وشرنقاش كانت منورة بيك مش عارفانته منزاتش صورة شرنقاش ليه

رحـــــال يقول...

مش تقول يادرش طيب ..

بس ايه الناس كانوا مظبتينك في الاكل


المرة الجاية متنساش بقى ..

ريمان يقول...

السلام عليكم

ليه بس كده

انا كنت زعلانه انى مش عرفت اروح المهرجان

انت خلتنى ازعل واكتر واكتر

مكنتش اعرف انه كان حلو كده

انا والله كنت هروح بس المشكله ان صاحبتى اللى انا بروح معاهال المنصورة كانت مسافره

وانا مش حبيت اروح لوحدى

يا خساره

المهم انك تكون اتبسط هناك

وان شاء الله لو فى مهرجان تانى هبقى اروح

اختك ريمان

نوسه وريمان فى هاكونا مطاطا يقول...

السلام عليكم

نتمنى ان تكون قضيت يوم سعيد

وكويس اوى انك جبتلنا الصور

بوست جميل بجد

تقبل مرورنا

إخوانى حتى النخاع يقول...

عمر المصرى

وعليكم السلام يا عم الحاج

هوا انتا تروح السعودية وتكلمنا كمان من هناك ولا إيه ؟؟؟

انا فى مصر والتانية كمان فى مصر

إيه دا ؟؟؟!!! :(

إخوانى حتى النخاع يقول...

خالد فودة

أزيك يا معلمى ؟؟

واكيد المنصورة نورت بيا :)

وانا بجد كان نفسى أقابلك هناك

بس تتعوض إن شاء الله


بس انتا كدا حاجة طويلة اوىىىىىى :)

وتقبلنا مرورك يا معلمى

:)

شكراا للتعليق

أخووك

إخوانى حتى النخاع يقول...

عاشقة الأقصى


وايوه ... كنت عديت على المحلة

والمحلة بجد بلد حلوة .. انا شوفت حبة شوارع منها لأنى كنت فى عربية بيجوى مش قطر

وعلشان متزعليش فيه مهرجان كبير أوى فى المنصورة حيحضره منشدين من خارج مصر ومنشدين مشهورين جدااا وهيكون برده فى المنصورة

هبقا أقول على المعاد بتاعه

:) ... وسلام مربع لاهل المحلة الكلام


شكرا لكى أختى على التعليق

أخووووكى

إخوانى حتى النخاع يقول...

روينا

أهـــــــــــــلا
فينك من زمان ؟؟
هههههههههههههههههههههههههههههه


وبتكلمينى على أساس إنى لسا عيل صغير

المهم يعنى .. نعديها المرة دى بس

ويا ستى بتحسدينى على إيه ؟؟

علشان انا روحت المنصورة يعنى ؟؟!!

يا بنتى انا بروح حتت كتيرة جدااا والحمد لله

أصلى بحب السفر

عادى يعنى

وخمسة وخميسة فى عين العدو


طب ياختى مهو يحي إبن أختك راح الشيشان

ما تحسديه بدل ما بتحسدينى أنا ؟؟!!


وطبعا انتى مش بتنقى ولا حاجة

انتى بس بتنقى ودقى وتحسدى :)


وان شاء الله اكون استفدت منه

شكرا للتعليق

أخوكى

إخوانى حتى النخاع يقول...

حسن حنفى


أزيك يا معلم ؟؟

إن شاء الله تتعوض المرة الى جاية :)


شكراا للتعليق

أخوك

إخوانى حتى النخاع يقول...

نور


ايوه والله

اليوم كان فى منتهى الجمال


شكرااا لكى أختنا على التعليق

أخوووكى

إخوانى حتى النخاع يقول...

عبد الهادى

والله يا معلم كنت هنزلها وعامل حسابى

وختمتها بختم المدونة


بس اعمل إيه بقا ؟؟

نسيتها

معلش بقا ... :)

كفاية الأكل ظهر فى الصورة :))

تشكر يامعلم على التعليق

اخووووووووك

إخوانى حتى النخاع يقول...

رحـــــــــال


والله يا باشا زى ما انتا شايف

الأطباق فاااااااااضية :))

ههههههههههههههههههههههههههههههه


ويا عم مش هنساكم المرة الى جاية :)


تشكر على التعليق

أخوووووووووووك

إخوانى حتى النخاع يقول...

ريمان


انتى كدا هتخلينى امسح الموضوع دا :)


هههههههههههههه

بس إن شاء الله تتعهوض

وزى ما قولت فيه مهرجان قريبا جداااا برده فى المنصورة


وانا الحمد لله انبسط

شكراا ليكى على التعليق

أخوووووكى

إخوانى حتى النخاع يقول...

حساااااااااااام

أهلا يا باشا



تشكر يا علمى على التعليق

أخوووووك

قلم رصاص يقول...

بصراحة اعم مصطفي هي المنصورة كانت منورة اصلا يعني نور ربنا يا حبيبي كان لسة ساطع ولا اية ههههه

انت شرفتنا فعلا يا باشا وياريت تتكرر الزيارة تاني بس زي ما قلتلك مش ها يبقي فيها اللي شوفته المرة اللي فاتت هههههه

كدة ها تبقي جاي بخسارة
هههه

والف حمدالله علي سلامتك يا زعيم


وشرفت المنصورة يا باشا بوست رائع جدا

طلاب من أجل مصر يقول...

ازيك ..يا مصطفى

جيت المنصورة وشرنقاش كماااان

ايه ده بس

لا انجاز الصراحه

بجد ..طلعت اطول من عبده ..يا خسارة ..بي برده مش اطول قوي ..يعني في درجه من الصحه الكلام


تعرف ...خلاص انا اتحسرت اتحسرت ...عجبك كده يعني

يارب تشرفنا تاني يا مصطفى

وياارب ..مش تتاخر في البوستات

بوووست اكتر من رووووعه


بس لو كنت حطيت صور شرنقاش ...طبعا البوست كان نزل في الجرنان

تحياتي

ام يحيي يقول...

أنا بقي مش داخلة أحسدك والله


أنا بس بغبطك .. أصلي بقالي كتير

محضرتش مهرجانات زي دي

خير .. خيرها ف غيرها

ربنا يجعله في ميزان حسناتك

Unknown يقول...

باين عليه مهرجان جميل فعلا

واسكتشاتهم بتبقي تحفه بجد...

ايام المهرجانات دى لا يمكن تتنسي

بس احلى حاجه انهم عزموك قبله :)

جمعاوى يقول...

فراخ و وز

و بطاطس


يا مفترى

طالبه الفردوس يقول...

السلام عليكم

اخوانى عندك حق فعلا انك تبقى سعيد لان المهراجانات دى بجد بتجدد الايمان وتسعد فعلا

وحشتنى والله الايام دى من زمان ربنا يعودها

ونصيحه استغل كل مهرجان او حفله وماتفوتش اى حاجه عشان ممكن ماتتعوضش

MATRIX يقول...

ايه يا عم دا والله مية مية ..
انا نفسى اشارك فى المهرجانات الى زى دى واشوف اصحاب المدونات ..
لو فيه مهرجان تانى قولى علشان انا كمان اشوفك ..ههههههه
على فكرة انا اسمى مصطفى ذيك ههههه
على فكرة الصور جميلة جدا كويس انك نشرتها

سلمى يقول...

يعنى هو بصراحه اكتر حاجه شدتنى موضوع الاستراحه وان حضرتك مشترتش حاجه عشان كانت كلها مقاطعه الحاجه اللى بجد خجلتنى وبعترف بيها انى انا مش بقاطع خالص حتى لما بكون صايمه بفطر على ببسى وكده خرجت شويه عن موضوعك بس اعزرنى لو نصيحه تقدر تقدمهالى يكون جزاك الله خير
تقبل مرورى

اصحى يا نايم يقول...

المنصورة نورت
... لو كنت أعرف انك هاتشرف المهرجان كنت دورت عليك .. كانت فرصة اننا نتعرف .. لكن خير ,, خيرها فى غيرها

إخوانى حتى النخاع يقول...

فارس الإخوان

أزيك يا باشا ؟؟؟

ويا معلم كان مع نور ربنا نورى :))
هههههههههههههههههههههههههه


ويا عم متخفشى .. المرة الى جاية هاخد معايا أكلى :)


تشكر يا باشا

أخووووك

إخوانى حتى النخاع يقول...

سارة

اهلا يا سارة

انا الحمد لله بخير كويس


وايييوه .. انا بجد مش مصدف إنى عملت الحركة الجرئية دى وروحت المنصورة كدا
مع إن والله كان فيه ناس كتيرة جدااا كانت عزمانى هناك فى المنصورة

وبجد شرنقاش دى حلوة :)
أى نعم إنها فلاحين بس حلوة :)


وانا فعلا طلعت أطول من عبده حتى اسأليه :))

بعد كدا مفيش بقا حد يتريق
ههههههههههههههههههههههههههه

و 170 سم ..ههههههههههههههههه

المهم يعنى

إن شاء الله الزيارة هتتكرر إن شاء الله بعد العيد لو شاء ربنا علشان ممكن اروح مهرجان فى المنصورة برده .. حتى اهو أكون حوشتلى فلوس أعرف أروح فيها المنصورة

وبجد والله كنت حاطط الصورة بتاعت اليافطة .. بس منزلتشى وانا بجد مكسل أنزلها :(

مش عارف ليه بقيت كسلان أوى الأيام دى


شكراا للتعليق

أخووكى

إخوانى حتى النخاع يقول...

أم يحيي

أحسن حاجة إنك مش زى اختك خااااااالص

أول لما دخلت هاتك يا حسد

بس انا أول لما قريت تعليقك بسرعة كدا كدا كنت بحسبها بغيظك :)

بس الحمد لله طلعت كلمة تانية


وأكيد إن شاء الله خيرها فى غيرها


شكرااا ليكى أختى على التعليق

أخووووكى

إخوانى حتى النخاع يقول...

حطم قيودك

أهلا بيكى أختنا


بجد بجد الإسكتش كان جميل موووووووووووووووووووووووووووووووووووووووووووت


واكيد حلو أوى الى هما عزمونى قبلها :)

شكرا لكى اختى الكريمة على التعليق

أخوووووكى

إخوانى حتى النخاع يقول...

جمعاوى

خمسة وخميييييسه

اشتتة أشتوووووووووووووووووووووووووت


خلاص بقا حسد .. انا كدا هموت قريب :))

إخوانى حتى النخاع يقول...

طالبة الفردوس


أكيد والله دى أحسن حاجة أجدد بيها الإيمان بتاعى


والله فعلا حسيت بالإحساس دا

إنك مع ناس بتحبيهم وبيحبوك فى الله مش علشان مصالح

وتتغير الدنيا وتغير نفسك

شكراا ليكى اختنا الكريمة على التعليق

اخوووووووكى

إخوانى حتى النخاع يقول...

ماتريكس

أزيك يا معلمى ؟؟؟
عامل إيه ؟؟


إن شاء الله ياباشا أشوفك فى المهرجان الى بعد العيد دا

هيكون فى واحد برده فى المنصورة
بس جاااااامد أوى
حيكون فيه منشدين عالميين من بلاد تانية

هيعجبك أوى

نبقا نتفق ونتقابل هناك


وتشكر يا حاج مصطفى على التعليق

أخوووووووووووووووك :)

إخوانى حتى النخاع يقول...

سلمى

أهلا بيكى أختنا معانا فى المدونة


أقولك حاجة صغيرة أوى انا عملتها وحرمت أشرب الحاجات دى تانى


وانا ماسك الكوكاولا دى شوفتها بدل ما فيها مياه غازية شوفت فيها دماء أخويا


فأنا مقدرشى أشرب دم أخويا خاااالص

ومن يوميها مشربتهاش تانى

اعتبريها كدا بالظبط


طب أقولك حاجة تانية

بما انى برده زيك كدا بحب الحاجات الساقعة دى

هوا مفيش يعنى غير بيبسى وكوكاولا وسبرايت وسيفن أب فى البلد ؟؟

وبما إنك عايشة فى إسكندرية فإسكندرية غرقانة شويبس صاروخ

أنا أول لما أنزل بلاقى الأغلبية شويبس

دا غير طبعا إن فيه حاجات بديلة كتير جداااا

زى ( سبورت وهاى سبوت و كراش وفيروز و عرب كولا و مكة كولا وشويبس )

يعنى حاجات كتير أوى

كل حاجة وليها بديل ... وخلى بالك كمان إن الشيوخ والعلماء أفتوا بفريضة مقاطعة منتجات الأعداء

ولو انتى رجعتى بالزمن ورا حبة ... مش فاكر كانت ثورة إيه فى مصر

كانت من أحداثها مقاطعة منتجات الإنجليز

وكانت سلاح قوى جدااا لإخضاع إنتجلترا لمطالب المصرين

فإوعى تستهونى بالسلاح دا


وكل الناس بيقولوا أنا أعمل للفلسطينين إيه ؟؟؟!!!

طب مهو انتا عندك يا عم الحاج سلاح فى أديك .. ما تستخدمه


دا الى ممكن أقوله لحضرتك اختى الكريمة :)


شكراا ليكى للزيارة وللتعليق

أخووكى

"النجم القادم" يقول...

ربنا يسهلك ياعمنا بس انا كنت بصيف معرفتش احضر يلا خيرها فى غيرها

بس اللى ياكل لوحده يزور هههههههههه

عمرو المصري يقول...

أوغادين
أيوب غوليتش
مصطفي ميجوكوفيتش
ناصر أوريتش
محمد العطلة

هؤلاء وغيرهم الكثيرين
ربما لم تسمع عنهم من قبل وربما سمعت وربما لن تسمع أصلا
فتلك هي العادة عندنا أن ننسي أولئك الذين يرحلون في صمت

ان جذبتك الاسماء وأردت التعرف علي أصحابها هم وغيرهم
تابعونا الآن
في حلقات

المنسيون

فقط
علي
أرض الحرب

غير معرف يقول...

السلام عليكم
بارك الله فبك يا باش مهندس
والله فكرتني بمهرجانتنا اللي وحشتني جدا ربنا يفرجلنا الاحوال
وربنا يبارك في شباب الاخوان
وعقبال لما نشوفك علي المسرح
نسالكم الدعاء ان يرزقنا الله مذاكرة ترضيه
ويرزقنا ترتيبا في العشره الاوائل

سمية-بنت البنا- يقول...

السلام عليكم ورحمة الله وبركاته

المدون الفاضل ..إخواني حتي النخــاع.

كمـ تكون تلك المهرجــانات رائــعة..

جعــل المولي عزوجل ذهــابكم في ميزان حسنــاتكم

وأدام عليكم نعمــته ..
**

يشرفــنا مشاهدتكم لادراجنا الجديد

وبوركتمـ
__
أختكمـ::
سمية_بنت البنا_

حسن حنفى يقول...

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

ابو صهيب ( الجمعاوي الاصيل)سابقاً يقول...

وماله ياعمنا

الف مبروك

ورزقك الله الاخلاص

Nada يقول...

انا بحقد على الولاد عشان بيروحو كل حتة بمزاجهم
اما احنا لازم موافقة عليا من الامم المتحدة ومتسافريش لوحدك و و و و و و

البنت الشقيه يقول...

يابختك انا ضيعت مهرجانات كتيره زى دى
وحلو اوى ان يكون لك الحريه الكافيه انك تسافر براحتك وتشوف صحابك كمان
كفايه لحسان احسدك


تحياتى
البنوته الشقيه
لينا

إخوانى حتى النخاع يقول...

النجم القادم

إيه يا نجم ؟؟؟!!!!


انا مش بزرو ولا حااااااااااااجة :))
ههههههههههه

دى أحسن حاجة إنك تاكل لوحدك كدا :))


ويا رب تكون قضت وقت حلو فى المصيف يا معلم


أخوك

إخوانى حتى النخاع يقول...

عمرو المصرى

إن شاء الله ندخل ونشوف الأسماء دى مين

إخوانى حتى النخاع يقول...

عاشقة الطب


أهلا بيكى أختنا

شكل الإمتحانات مخلصة عليكى

إن شاء الله تفرج قريبببباااا

إخوانى حتى النخاع يقول...

سمية

أهلا أختنا الكريمة

وبجد المهرجانات دى بتكون جميلة مووت

وتم مشاهدة البوست الاخير أختى الكريمة


أخووووكى

إخوانى حتى النخاع يقول...

حسن حنفى


لالالالا .. مش هنيفع


انا داخل اشوف إيه يا عم حكايتك دى

بس انتا مش هتسيب التدوين

انا داخل أشوف إيه الحكاية ..

إخوانى حتى النخاع يقول...

الجمعاااااااااااااوى


أهــــــــــــلا

فينك من زمان ؟؟؟


ويا رب يرزقنا يا عم الإخلاص

أخوووك

إخوانى حتى النخاع يقول...

ندا

هههههههههههههههههههههههههه


كفاية بقا حقد وحسد


خمسة وخميسة فى عين العدووووووووووو

أشتتة أشتووووووووت

كفياكوا حقد .. الحقد وحش ومضر بالصحة

:)


تشكر على التعليق الحاقد دا

أخوكى

إخوانى حتى النخاع يقول...

البنت الشقية



ههههههههههههههههههههه ... حلو أوىىى

بعد لما حسدى وعملتى كل حاجة فى الىخر بتقولى كفاية أحسن أحسد

يا حلاوة !!!!


انا عارف إن البنات حتحسد
شكلى كدا مش هنام النهاردة غير لما مصيبة تحصلى


يا جماااعة كفاياكوا حسد :))))))))


شكراااا ليكى برده للتعليق الحاقد دا
:)

نورتى المدونة

أخووكى

Nada يقول...

اخوانى حتى النخاع
ايه حكاية التاكيد دى
حضرتك تانى واحد تقوللى عليها ف المدونة بتعتى
بس انا مش فهمة تاكيد ايه اللى اشيله؟

mohammad hamza يقول...

على فكرة حضرت احتفالية نادى الصيادلة دى وكانت جميلة جدا .. بس عيب أوى تيجى المنصورة ومتقولش لأهلها ..

انا الصراحة كنت أتمنى أتعرف عليك .. لكن مش مشكلة ..

ادعيى ..
سلام
..........

اجري على الله يقول...

سلام عليكم
شكل المؤتمر كان جامد فعلا
هنيأ لك يا اخواني وانشا الله نشوفك في مؤتمرات قادمه

الشاعر بن هلال

لؤلؤة الاسلام يقول...

السلام عليكم و رحمة الله بجد البوست راااائع و بصراحة م حكيك انا كان نفسي احضر المهرجان
هههههههه
و شكرا لك اخوانى حتى النخاع و بصراحة ليك حق تفرح

و جزاك الله خيرا

و تقبل تحيااااتى

اوعى تفكر يقول...

ماشى ياعم انت مقضيها
مهرجانات وندوات وحفلات
مين قدك
اجازه تمام التمام
انا مش بحسد
انا بحقد بس

eman alaa eldin يقول...

الله يكتر من المهرجانات والحفلات يارب
وعقبال لما تصول عندنا فى اسوان يارب

ليه بس الانقتاع اللى بيحصل فجأة دة ولا المنتدى ولا بنشوفك فى المدونة وبقالك كتير معلقتش على مدونتك يارب يكون خير
واتمنى انك تنور المنتدى تانى

ويارب اجعل ايامك كلها حفلات xافراحxمهرجانات والفرح يدووووووووووووم

الزهراء يقول...

للاسف كنت فى القاهرة ومحضرتش المهرجان مع انى بستناه من السنة للسنة
بس اخوانا اتأخروا السنة دى فى الدعاية شوية
........
اكيد المنصورة نورت
ده رابط لتغطية المهرجان بالصور والفيديوهات كمان
http://www.forums.talabaeyes.com/showthread.php?t=16777

غير معرف يقول...

ربنا يكرم والمهرجانات دي تفضل قائمه
وبجد انا مبسوط اوي اني شوفت ناس صحابي موجودين في الصور دي
ربنا يوفقهم ويصلح حالهم ان شاء الله