الجمعة، 18 يوليو 2008

دمغنا غالى غصب عن الحكومة


السلام عليكم ورحمة الله وبركاته
أعتذر لكل الناس علشان انا اتأخرت كتير جدااااااا فى كتابة البوست .. بس والله معلش لأن كان عندى شغل
فملش جدااااا
************هبدأ بوست النهاردة بحاجة فرحتنى جداااااا جدااااااا
فى يوم الجمعة الفائتة كنت فى دورة وكنت فرحان جدااا لأنى قابلت ناس كنت بتمنى أشوفهم
شوفت رامى الحجاج وشوفت عمرو سلامة
وبجد كنت فى غاية الفرح علشان قابلتهم
وزى ما بيقولوا .. صدفة خير من ألف معاد
***************
أدعوكم جميعا للدخول والتوقيع فى حملة ( أنا بحب الإخوان )وهذه الحملة عملها المكتب الإعلامى للإخوان
ودا اللينك بتاع الحملة ممكن تدخلوا وتشوفوا الحملة وتوقعوا فيها
http://iloveikhwan1928.blogspot.com
*********************
ندخل الآن فى الموضوع الأساسى
منذ أول أمس وانا بتفرج على تبادل الأسرى الذى حدث ما بين حزب الله وإسرائل و السعادة الكبيرة فى عيون اللبنانيين
استغربت من حاجة ... والجميع استغرب منها
إن إسرائيل أغلى شىء عندها فى الوجود هم جنودها ... كان بجد حاجة غريبة
يعنى مقابل حبة تراب لجنديين إسرائليين .... تطلق إسرائيل صراح خمسة من الأسرى الأحياء ورفات حوالى 190 شحص
والمشهد دا بيأكد لينا إن إسرائل تهتم جداااااااااا بالجنود ... وحتى إذا ماتوا فأيضا هم مهتمين بهم
رجعت ذاكرتى الى الوراء قليلا عند إستشهاد أحد الظباط المصرين عند الحدود برصاص إسرائيلى
لم أذكر أن مصر تذبذبت من مكانها .. أو تحركت .. أو شجبت
ولكن نفرض أننا قد عكسنا العملية .. وقد قتل جندى مصرى جندى إسرائلى
فستقوم إسرائل ولم تقعد .. وسوف تهدد وتتوعد وسوف تأخذ خطوات تجاه مصر
وللعم ليست هذه أول مرة يقتل فيها ظابط على الحدود برصاص إسرائلى
تراجعت بذاكرتى أكثر للوراء .. وتذكرت الفيلم الذى أذاعته القناة الإسرائليلة
الذى يصور الذى حدث للجنود المصرين
وأيضا لم تتحرك مصر ولم تعتبره حتى جريمة حرب
فى الآخر أحب أقول ... إن مينفعشى حكومة زى حكومتنا تمسك
لأن الدم المصرى غالى غصب عنهم ... ولو هيهدروا دمنا بالرخيص فإحنا مش هنسكت


هناك 44 تعليقًا:

ابن ادم يقول...

السلام عليكم ..

فيها ايه كام جندي مات .. ما هو الشعب كل يوم بيموت .. حد بيسأل ..؟

حد بيعبر ..؟؟

ديه بالظبط هيه نظرة الحكومه لينا ...

ٍSOU يقول...

مصطفى ات اكيد عندك حق فى كللكمة بس اكيد بردوا ماحدش فينا كان مستنى ان اسرائيل تعمل كدة عشان نقول ان اكبر دليل على تجاهل و اهمال حكومتنا المصونة لينا كشعب..انت لو بصيت حواليك فى كل حاجة و فى كل حتة من اول نقطة المية لحد الهوا اللى بنتنفسة و الاكل اللى بناكلة قصدى بنتسممه هتلاقى ان حكومتنا شايفانا اننا شوية غنم راح واحد فى 70مليون بدالة ..بالنسبة لاننا مش هنسكت .. هو كان حد فينا اتكلم لما المصرى اضرب فى قناة السويس على ايد الامريكان .. و حتى اللى اتكلموا وصلوا للى هم عايزينة؟؟
انا مش بعمل جرعات احباط بس انا مضايقة جدا ان مافيش حاجة بنعملها بتكمل للنهاية و دة اكيد راجع لان احنا مش ايد واحدة و مالناش قائد معين و لا لينا خطط و استراتيجات ..كل اللى بيحصل مجرد تصرفات بعشوائية نفسى العشوائيات دى كلها تتجمع و تعمل حاجة كبيرة نعمل بيها فرق فى البلد

_**( قلب الأسد )**_ يقول...

ان هذا الاهتمام الاسرائيل بجنودها الاموات ما هوا الى رسالة تحمل بداخلها كل انواع الذل والاهانة الى الحكومات العربية التى رأت بعينيها اعدام رئيس دولة عربية ولمتحرك ساكنا بل تكاتفت الحكومات على تحطيم ارادة الشعوب
وها هوا شعبنا المصرى يموت كل يوم مع كل وجبة طعام مليئة بالمبيدات ومع كل لحظة ذل يراها من الحكومة الظالمة.
ولا نقول الا ما يرضى ربنا انا لله وانا اليه راجعون.
تقبل تحياتى

طلاب من أجل مصر يقول...

وعلى رأى المثل اللى أكله مش من فأسه فكره مش من رأسه

تقبل تحياتى
ع ب د ه

smsm يقول...

ماااااااااااااشي



انا كنت في نادي الزراعين


فرح اسلامي يوم الاربعاء سلمليلي مني

حسن حنفى يقول...

والله مدونه جميله
شكرا لك
انا حطيتها في المفضله

Unknown يقول...

دى الحقيقه المؤلمه فعلا

بقي ارخص دم فعلا....هو دم العربي المسلم

والتفريط فيه بقي اسهل شيء.....ربنا يرحمنا ويعفو عنا والله

وزى ما قال الدكتور القرضاوى...نحن امة هانت عليها عزتها فهانت عند الناس



حسبنا الله ونعم الوكيل

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

نـــــــور يقول...

جزاكم الله خيرا على كلامكم الطيب ..

تحياتي .

عمرو المصري يقول...

الي من اشتاق الي مدينة الرشيد ويريد ان يري الوجه الاخر لبغداد تابعونا الان في

حتي لا ننسي ......

فقط
علي
ارض الحرب

إخوانى حتى النخاع يقول...

أبن آدم

وانا معاك إن دا رأى الحكومة فينا

ولكأننا أقل من الغنم


شكرااا لك أخى الحبيب على التعليق

أخوووووك

إخوانى حتى النخاع يقول...

سو

أهلا بيكى أختنا فى المدونة


وزى ما قولت هوا كان موقف بس حصل قولت اكتر عليه خاطرةة

وعلى حكاية إن فيه حد اتكلم أو متكلمشى .. 100 % بيكون فيه تهديد

يعنى بمعنى أصح ... مش بيعرفوا يتكلموا ولو حتى طلعوا على التليفزيون بيكونوا برده متقدين

وانا معاكى فى الجزئة الأخيرة ..


شكرااا لكى أختى الكريمة على التعليق

أخوكى

إخوانى حتى النخاع يقول...

سو

أهلا بيكى أختنا فى المدونة


وزى ما قولت هوا كان موقف بس حصل قولت اكتر عليه خاطرةة

وعلى حكاية إن فيه حد اتكلم أو متكلمشى .. 100 % بيكون فيه تهديد

يعنى بمعنى أصح ... مش بيعرفوا يتكلموا ولو حتى طلعوا على التليفزيون بيكونوا برده متقدين

وانا معاكى فى الجزئة الأخيرة ..


شكرااا لكى أختى الكريمة على التعليق

أخوكى

إخوانى حتى النخاع يقول...

قلب الأسد

والله أخى الكريم دى أكتر من رسالة ذل .... زى ما قولت إسرائل تهتم بالجنود الأموات

و مصر لا تهتم بأى شىء يتحرك على مصر غير الأثرياء وأصحاب الملياردرات فقط لا غير


وإنا لله وإـنا إليه راجعون


شكرااا لك أخى الحبيب على تعليقك

أخووووك

إخوانى حتى النخاع يقول...

عبده



على رأى المثل بقا


تشكر يا باشا على التعليق

أخووووك

إخوانى حتى النخاع يقول...

شرقاوى أون لاين

لو هقدر أدخل أخى الكريم هبقا أدخل إن شاء الله

بس لا اعتقد كدا ععلشان عندى شغل كتتتتتتير

أخووك

إخوانى حتى النخاع يقول...

سمسم


آآآه صح ... كان فيه فرح إلامى فى نادى الزراعين يوم الأربعاء الى فات دا


وعلى حكاية سليلى على منى


انا كنت عندهم فوق وشافت التعليق

وهيا بتسلم عليكى كمان

مستنينك

أخوووووكى

إخوانى حتى النخاع يقول...

حسن حنفى

أسعدنى جداااااا مرورك يا باشا فى المدونة

وشكرااا ليك
وإن شاء الله تستمر المتتابعة لبعضنا بالعض

أخوك

أسوور يقول...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

GiGi world يقول...

والله دمنا غالى وغالى وغالى
بوست جميل ربنا يكرمك

سمية-بنت البنا- يقول...

السلام عليكم ورحمة الله وبركاته

المدون الفاضل ...إخواني حتي النخاع..

حياكم الرحمن سيدي ...

وصدقــاً ..فقد أصبحت دمائنا في وجهة نظر حكومتنــا من أرخص الأشياء ..إن لم تكن هي الأرخص علي الإطلاق ..

حسبنا الله ونعم الوكيل ..

__
تم بفضل الله تعالي الاجابة علي التاج..
ونحن ما زلنا بانتظار المسابقة ..
__

نصركم الله وأعزكم وبارك فيكم ..

__
أختكمـ::
سمية_بنت البنا_

walaa rizk يقول...

ازيك يا اخونا الصغير سنا الكبير عقلا

اخوانى حتى النخاع

هانت علينا أنفسنا فهنا ع الناس

لما احنا نرخص نفسنا نستنى ايه بقى من الناس

عمليه تبادل الأسرى شئ انا اقل بجد من انى أوصفه

يارب نفرح به بنصرتنا وعوده اسلامنا وتحرير الأقصى

محاولة لكسر الصمت يقول...

يا أخي........بلاد لا تحترم أحياءها...لن تحترم أمواتها...

MATRIX يقول...

خبر هام جدا ...

الحمد لله نجحت


نجحت اخيرا فى اختراق مدونة (رحلة البحث عن الله المتنصرة ) الجاهل الذى يسب فى رسول الله ولاسلام ..

الحمد لله تم اختراق مدونته بنجاح بسبب ثغرة صغيرة فى هذه المدونة البذيئة ..
وهذه مدونته http://www.fortruegod.blogspot.com

علشان يعلموا ان الاسلام له رب يدافع عنه .. والله اكبر

الحمد لله .. ,والله اكبر
والباطل دائما مهزم

MATRIX يقول...

خبر هام جدا ...

الحمد لله نجحت


نجحت اخيرا فى اختراق مدونة (رحلة البحث عن الله المتنصرة ) الجاهل الذى يسب فى رسول الله ولاسلام ..

الحمد لله تم اختراق مدونته بنجاح بسبب ثغرة صغيرة فى هذه المدونة البذيئة ..
وهذه مدونته http://www.fortruegod.blogspot.com

علشان يعلموا ان الاسلام له رب يدافع عنه .. والله اكبر

الحمد لله .. ,والله اكبر
والباطل دائما مهزم

ام يحيي يقول...

فينك يا اخواني؟

مستنيينك

انى احبكم فى الله يقول...

مدونتك جميله ياريت تزور مدونتى

ريمان يقول...

السلام عليكم

اخوانى حتى النخاع

اتاخرت علينا كتير


حمد الله ع السلامه

بوست جميل والله وفيها ايه يعنى لما كام جندى منهم يموت

ما الشعب الفلسطينى كل يوم بيدبح منه العشرات

حسبى الله ونعم الوكيل

إخوانى حتى النخاع يقول...

حطم قيودك

أهلا بيكى أختنا الكرييمة

وطبعاا لو مكنشى دمنا أرخص دم
هيكون مين الى دمه رخيص ؟؟!!!


شكرا لكى أختى الكريمة على التعليق الحلو دا

أخوكى

إخوانى حتى النخاع يقول...

جنى

إن شاء الله مستنينك


وعد لنا بسرعة

أخووووك

إخوانى حتى النخاع يقول...

نورا


شكرا لكى أختى الكريمة على التعليق

أخوووووكى

إخوانى حتى النخاع يقول...

عمرو المصرى


إن شاء الله هشوفها اخى الحبيب

أخوك

إخوانى حتى النخاع يقول...

أسورة

إن شاء الله ببعت أبعت ليهم كام بوست من عندى

ويا ريب ينشروه


شكرا لكى أختى الكريمة

أخووكى

إخوانى حتى النخاع يقول...

جى جى

شكرااا لكى أختى الكريمة على التعليق

واكيد دمنا غالى غصب عنهم


شكرا ليكى

أخوكى

إخوانى حتى النخاع يقول...

أختى سمية

شكرااا ليكى للتعليق

واكيد دمنا بقا أصبح أرخص دم فى العالم كله


شكرا لكى مرة ثانية للتعليق

أخوكى

إخوانى حتى النخاع يقول...

أختى عاشقة الأقصى


يا رب إن شاء الله


شكراااااااااااا لكى أختنا الكبيرة على التعليق دا

أخوووووكى

إخوانى حتى النخاع يقول...

أختى دوائر

فعلا زى ما قولتى أختى

بلد لا تحترم أحيائها فهل ستحترم أمواتها ؟؟!!!


فعلا .. حاجة واقعية جداااااااا


شكرااا لكى أختى الكريمة على التعليق

أخوووكى

إخوانى حتى النخاع يقول...

ماتريكس

أنا بجد فرحان جداااااا

وعبرت عن الفرحة دى فى مدونتك


هيا أخى الكريم وللأمام

شكراا لك أخى الكريم

اخوووووووك

إخوانى حتى النخاع يقول...

جى علطووووووووول أهو أختى أم يحيي


:)

أخووووكى

إخوانى حتى النخاع يقول...

إنى أحبكم فى الله


أهلا بيكى أختى فى المدونة
والمدونة منورة بيكى


وأنا زورت مدونتك ومدونتك جميلة جداا

اخوووووكى

إخوانى حتى النخاع يقول...

ريمان


طبعاااااااا

حسبى الله ونعم الوكيل


شكرا لكى أختى للتعليق

أخوووووكى

د/اجدع بنوته يقول...

اولا .. كلنا بنحب الناس الكويسه

ثانيا .. مبروك ع النجاح

ثالثا .. عمليات ايه اللى هتعملها دى

احنا دكاتره برده وومكن نفيدك هههههه

رابعا .. جامده المسابقات والحجات دى

خامسا يارب تكون بخير انت واسرتك يارب

تحياتى

إخوانى حتى النخاع يقول...

تشكرى يا دكتووووووووووووووووووووووورة


واكيد من اسمك

دكتورة أجدع بنوتة :))

أخووكى

لؤلؤة الاسلام يقول...

فعلا احنا عند الحكومة ارخص حاجة علشان احنا اللى استرخصنا نفسنا الحكومة بتعمل اللى هيه عايزاه و محدش بيقولاها حاجة يعنى تدى الغاز لاسرئيل و محدش يتكلم تبيع كتير من القطاع العام لنا مش مصريين و احنا ساكتين ما هو لازم يحصل لينا كدة و لما الاخوان تيجى تقول اصحوا يا ناس و يلا نصلح يترمو في السجون و يتبهدلوا هى ديه حال البلد و انا فعلا عملة مدونة و نفسي اوى احول اصلح حاجة و ربنا الموفق و ادعوك لزيارة مدونتى